You are here

مذكرة الدفاع عن المدون المصري عبد الكريم نبيل سليمان

Primary tabs

دفاعا عن حرية التعبير في مصر

امبارح تقدم الأستاذ أحمد سيف الاسلام المحامي بمركز هشام مبارك للقانون بمذكرة دفاع عن المدون المصري عبد الكريم نبيل سليمان اللي بيحاكم بسبب تعبيره عن رأيه بشكل سلمي على الوب.

ده ملخص مذكرة الدفاع و للمهتم مرفق تحت النص الكامل للمذكرة، القاضي رفض طلبات الدفاع باستكمال الأوراق و انتداب خبير و رفض يدي الدفاع فرصة لتحضير المرافعة، بالتالي المذكرات هي الدفاع الوحيد عن عبد الكريم، و القضية هيتحكم فيها في يوم 22 فبراير.


ملخص دفاع مركز هشام مبارك عن كريم فى الجنحة 788/2007 جنح محرم بك

يتمسك الدفاع الحاضر مع المتهم بكافة الطلبات المقدمة منه والثابتة فى محاضر الجلسات والمتمثلة فى طلب انتداب خبير من كلية هندسة بجامعة الاسكندرية لتحديد مكان موقع الحوار المتمدن الذى استمد منه الوثائق المسندة للمتهم وتحديد منشئ الموقع ومديره المسئول عن استضافة المادة لتحديد مدى انطباق قانون العقوبات المصرى عليه

كما طلب الدفاع ضم الشكوى المنسوب صدورها لبعض الطلاب التى بناءا عليها احيل المتهم لمجلس اتهام

كما طلب الدفاع ضم تحريات مباحث امن الدولة التى طلبتها النيابة العامة اثناء التحقيقات

التهم:

تقيد الاوراق جنحة بالمواد 98و و 102 مكرر و179 من قانون العقوبات ضد عبد الكريم نبيل سليمان لانه فى غضون عام 2005 بدائرة قسم محرم بك

اولا: قام بإثارة الفتنة وتحقير الدين الاسلامى بما نسبه الى الله سبحانه وتعالى وسيدنا محمد رسول الله صلى الله عليه وسلم مما يؤدى الى الاضرار بالوحدة الوطنية والدين الاسلامى على النحو المبين بالتحقيقات

ثانيا: اذاع عمدا بيانات من شأنها تكدير الامن العام والحاق الضرر بالمصلحة العامة على النحو المبين بالتحقيقات

ثالثا: أهان رئيس الجمهورية على النحو المبين بالتحقيقات

مواد الاتهام:

م 98و ع بعد تعديلها بالقانون بالقانون 147لسنة 2006

يعاقب بالحبس مدة لا تقل عن ستة اشهر ولا تجاوز خمس سنوات او بغرامة لا تقل عن خمسمائة جنيها ولا تجاوز الف جنيه كل من استغل الدين فى الترويج بالقول او بالكتابة او باية وسيلة اخرى لافكار متطرفة بقصد إثارة الفتنة او تحقير او اذراء احد الاديان السماوية او الطوائف المنتمية اليها او الاضرار بالوحدة الوطنية.

م 102 مكرر/1 ع بعد التعديل:

يعاقب بالحبس وبغرامة لا تقل عن خمسين جنيها ولا تجاوز مائتين جنيها كل من اذاع عمدا اخبارا او بيانات او اشاعات كاذبة اذا كان من شأن ذلك تكدير الامن العام او القاء الرعب بين الناس او الحاق الضرر بالمصلحة العامة.

م 179 ع:

يعاقب بالحبس كل من اهان رئيس الجمهورية بواسطة احدى الطرق المتقدم ذكرها.

الدفوع القانونية:

أولا: ندفع بعدم قبول الادعاء بالحق المدنى لمخالفته التنظيم الوارد فى المادة الثالثة من قانون المرافعات بشأن دعوى الحسبة حيث تلزم المدعى المستند على دعوى الحسبة تقديم طلبه للنائب العام وهو ما لم يحدث فى هذه القضية

ثانيا: ندفع ببراءة المتهم من كل ما اسند اليه إعمالا لاحكام الدستور المصرى والعهد الدولى للحقوق المدنية والسياسية بما تقرره من حماية لحرية الرأى والتعبير (الذى اضحى قانون محلى بعد التصديق عليه ونشره فى الجريدة الرسمية فى 15 ابريل 1982 العدد رقم 15 بقرار رئيس الجمهورية رقم 536/1981 ) واعمالا للمادة 60 من قانون العقوبات

ثالثا: ندفع بان الافعال المادية المسندة للمتهم اقترفت خارج البلاد ومن ثم لا تخضع لقانون العقوبات المصرى عملا بقاعدة اقليمية النص وفقا للمواد 1، و2، 3 منه

رابعا: ندفع بعدم انطباق مادة الاتهام الاولى 98و ع لعدم توافر عنصر استغلال الدين الذى تستلزمه المادة حيث تجرم استغلال الدين فى الترويج لافكار متطرفة وهو ما لا ينطبق على ما اسند للمتهم حيث اسند اليه انكاره للدين ومن ثم لا يستقيم هذا الاتهام مع القول باستغلاله الدين لترويج افكار متطرفة

خامسا: ندفع بانتفاء باقى اركان الركن المادى للجريمة المؤثمة بالمادة 98و ع حيث لم تبين ىالنيابة ماهية الافكار المتطرفة المنسوبة للمتهم وما وجه التطرف فيها علاوة على اثبات الغرض من الترويج بالاغراض المحددة فى المادة والمتمثلة فى:اثارة الفتنة او تحقير او ازدراء احد الاديان او الاضرار بالوحدة الوطنية

سادسا: ندفع بانتفاء القصد الجنائى حيث اصر المتهم على انه لم يقصد ازدراء الدين او تحقيره وكلما ما قصده ممارسة حقه فى التعبير عن رأيه فعندما سأله المحقق: "ما الغرض الذى تنشده من نشر هذه الموضوعات على هذا الموقع؟"
جـ: "التعبير عن رأيى لاثبات وجودى فى المجتمع"

وكرر ذات المضمون بصياغات مختلفة ص 2 من محضر مجلس التأديب
"بالطبع انا لا اكتب شيئا غير مقتنع به وهذا لا يعنى ان هذا سيظل ثابتا للابد فكل شئ قابل للتغيير والفكر على رأس هده الاشياء" ص 7 تأديب%% "انا مارست حقى فى التعبير عن رأى وهذه كل تهمتى" ص 9 تأديب
"القانون وضع لتنظيم علاقة الافراد مع بعضهم البعض وبين السلطات ولم يوجد لتقييد حرية الافراد وانا بالعكس لم ارتكب فعلا مخلا بالشرف بل كل ما فعلته هو التعبير عن رأى ومارست حقى" ص 9 تأديب
"واعتقد ان اكثر اللى بيسئ لسمعة مصر هم الذين يحققون معى بسبب اراء شخصية يفترض انى حر فى ابدائها بعيدا عن اى ضغوط وبالنسبة لشبكة الانترنت فلست وحدى الذى ينشر فيها ارائه كل اللى حصل انى اردت ان اكون صريح وشفاف وعرضت رأى بصراحة ونزلت هويتى الشخصية مما ادى الى ربط هذه الاراء المنشورة على هذا المكان الافتراضى بشخص موجود فى عالم الواقع وهو انا وهناك الكثير الذين يكتبون ويتكلمون وينقدون بحرية تامة ولا تطالهم اى عقوبات لانهم يكتبون باسماء مستعارة وهذا اكبر دليل على سلامة نيتى" ص 13 نيابة
"انا لا اعترف بشرعية التحقيق معى بسبب اراء شخصية ليس لها اى اثار على ارض الواقع واعبر عنها بصفتى الشخصية" ص 14 نيابة "انا ذكرت ارائى الشخصية وبأكد ان ارائى دى شخصية" ص نيابة
"انا خصصت لنفسى موقع على الانترنت لابداء ارائى الشخصية" ص 7 نيابة
"لان الانترنت اتاحلنا الفرصة دى تعبير عن ارأنا وانا بعبر على رأى على شبكة الانترنت" ص 9 نيابة
س: "ما قولك فيما قررته ان الدين الاسلامى يدعو الى كراهية الاخر وقتله والتعدى على عرض الاخر"
ج: "ايوه انا قلت الكلام ده وده رأى الشخصى" ص 9 نيابة
"انا كلامى مفهوش تحريض وانا لم احرض احد على شئ" ص 11 نيابة

سابعا: ندفع بعدم انطباق المادة 102 مكرر/1 ع لانتفاء فعل الاذاعة الذى تشترطه المادة وهو ما قد يقصد به انطباقه فقط على المواد المسموعة وليس على المواد المكتوبة

ثامنا: ندفع بانتفاء الركن المادى للجريمة الواردة فى المادة 102 مكرر ع لتخلف تحديد الاخبار او الانباء او الاشاعات المسندة للمتهم ولعدم اثبات كذبها فجاءت اقوال النيابة مرسلة دون تحديد اخبار بعينها منسوبة للمتهم كما لم تثبت النيابة كذب هذه الاخبار

تاسعا: ندفع بانتفاء قصد المتهم فى ترويج اخبار كاذبة من شأنها تكدير الامن العام حيث اصر المتهم على ان كل قصده هو مجرد ممارسة حريته يقول المتهم: لم يحدث اننى ابديت مظاهر غير لائقة ولم يحدث ان تحدثت عن شئ مخالف للحقيقة فى وجهة نظرى على الاقل 13 نيابة

عاشرا: ندفع بانتفاء الركن المادى لجريمة اهانة رئيس الجمهورية حيث ما اسند للمتهم لا يتعلق بشخص رئيس الجمهورية ويعد نقدا مباحا لسياسته فكل ما اسندته النيابة العامة للمتهم بخصوص هذه التهمة هو انه هاجم ايضا نظام الحكم بذكره ان الرئيس مبارك هو رمز الاستبداد وقاهر العباد متهكما بمقولة "بايعو الرئيس مبارك أميرا للمؤمنين"

حادى عشر: ندفع بانتفاء قصد المتهم اهانة رئيس الجمهورية
س: "وما مقصدك من مقولة ان حسنى مبارك امير المؤمنين ومندوب الاله وخليفته على ارض مصر وقاهر العباد ورمز الاستبداد"
ج: "ده رأى وانا بتهكم وانا شايف انه حاكم مستبد" ص 11
"هذا رأيى فى التعليق على هذا الحدث" (مبايعة شيخ الازهر لحسنى مبارك احد المرشحين لانتخابات الرئاسة الاخيرة) ص 8 نيابة
"وتعليقى ده يعتبر تهكم على اللى بيحصل فى مصر وبأكد ان مفيش ديمقراطية وده رأى الشخصى" ص 9 نيابة

وايضا تهمة اهانة رئيس الجمهورية لم يحدد المحقق الفاظ الاهانة

انكر المتهم كل التهم واكد انه لم يقصد الاهانة ولكن قصد نقد سياسة رئيس الجمهورية

اثنى عشر: على سبيل الاحتياط نلتمس اعادة الدعوى للمرافعة لاثبات حقيقة ما يمكن تخمينه من اخبار او انباء او اشاعات اسندت للمتهم

ثالث عشر: ندفع وعلى سبيل الاحتياطى الكلى بوجد ارتباط بين الجرائم المسندة للمتهم مما يستلزم عقابه فقط بعقوبة الجريمة الاشد

ودفع الدفاع بخصوص مدى توافر قصد المتهم فى الجرائم الثلاث فانه بمراجعة اقواله سواء امام مجلس التأديب ام امام النيابة دلل اكثر من مرة على حسن نيته واعتقاده الراسخ بان ما فعله ليس الا ممارسة لحريته فى التعبير عن رأيه فإذا اخطأ فى اعتقاده هذا فانه يشكل ما يسمى فى القانون المصرى وقوع المتهم فى غلط جوهرى أثر على نشوء العلم الصحيح بتوافر سبب من أسباب الاباحة ومن ثم ينفى هذا فى حد ذاته توافر القصد والنية المؤثمة حيث ارتكب ما ارتكب بحسن نية متصورا ان هذا من حقه

كما اكد الدفاع عن انه لا توجد فى قانون العقوبات جريمة تسمى جريمة تغيير الدين او الالحاد

AttachmentSize
karim_mozakera.pdf531.92 KB

Comments

انا كنت كتبت التعلبق دة في موضع الحق الأدبي بس هنا انسب سلامي للجميع اولا احب ايلم علي علاء صاحب المدونة كتتتتتتتييييييييييييرررررررررررر بس با يا سيدي محسوبك محمود دي اول مرة اكتب في مدونتك انا انهاردة كنت في سجن الحضرة عشان ازور عبد الكريم انا اخر مرة شوفتة فيها كانت لم روحت اشوفة في الفسم الي عندنا في محرم بك اليوم دة موصفلك انا بكيت علية جدا لانة كان بيحكيلي ازي العسكري وهم في النباية جرة بسرعة راح ىعبد الكريم وفع واقطع الشبش منة وكانت رجلة بعدة ورمة جدا وطلب مني اني افول اخوة يجيب روبط ضاغط بعد كدة انا سافرت تبع الشغل ولسة جي ف قبلة اخوة وسالت علية هو كان زارة يوم الثلاثاء وحكاي لي ظروفة الصعبة وظروف حبسة الانفرادي انا هروح يوم الثلاتاء ازورة وهباة اطمنك علية بقولك اية ا بالمرة تزو موفعي الجديد www.foroneweb.tk انا عارف ان في ناس مش مومنة بان مصر ممكن تقوم بتورة تاني بس انا بقول ممكن اشوفك قرب سلام باصاحبي

مش عارف ليه قام البعض بإختزال كس أم قضية حرية التعبير فى موضوع عبدالكريم!! مع قمة التجاهل للأخرين الذين يتم إعتقالهم وإحالة بعضهم إلى محاكمات عسكرية عشان ينجزوا ويحكموا عليهم فى السريع.

بالمناسبة.. الخبر ده من المصرى اليوم عدد 18 فبراير

عائلة طالب الأزهر المتهم بـ«ازدراء الأديان» تتبرأ منه قبل الحكم عليه

كيف تم اختزال حرية التعبير في موضوع عبد الكريم؟ ممكن تشرحلي دي؟

هل الدفاع عن عبد الكريم منع الدفاع عن الناس الثانية؟ مين بالظبط اللي تجاهل الآخرين دول؟ متبص و تشوف المنظمات و النشطاء اللي مش عاجبينك دول بيدافعوا عن مين كمان في نفس الوقت.

عبد الكريم واحد من ضمن الناس اللي بتحاكم بسبب تعبيرهم السلمي عن رأيه، و الدفاع عن عبد الكريم و حملة التضامن معه واحدة من ضمن حملات الدفاع عن سجناء الرأي في بلدنا. في حملات و قضايا أخرى برضه عن حرية التعبير و سجناء الرأي و فيه تقاطع كبير ما بين المشاركين هنا و المشاركين هناك.

التركيز على كريم (الذى لا أستطيع التعاطف معه) والإحتفاء به وتنظيم التظاهرات فى العواصم العالمية هو أمر يتسق تماما مع إتجاه البعض فى بلادنا والأغلبيه فى الغرب للإحتفاء بكل من يهاجم الإسلام.. والأمثلة كثيرة. إيان هيرسى الصومالية، تسليمة نسرين البنجالية، سلمان رشدى الهندى، وغيرهم

الغريب أن من يهتم بالعمل العام ويهدف للتغيير يجب أن يضع دائما ما يفضله العامة نصب عينيه. وفى هذا البلد، وبالرغم من كل الفساد والسرقة و الرشوة والنيك على ودنه، معظم الناس الذين يفعلون ذلك عندما يجد الجد سيقفون ليدافعون عن بلدهم و دينهم. حتى اللى شايلين بتاعهم على كتفهم زى حالاتى :) . ولا تفهم من كلامى هذا اننى ادعوا للارتماء فى احضان الاخوان المسلمين الذين لم يثبتوا حتى الان سوى قدرتهم على التصدى فى الهايفة وبدون اثبات ان لديهم برنامج سياسى لادارة بلد.

مااقصده هو انه يجب مراعاة مشاعر الملايين الذين مازال لديهم، بل الأحرى، لم يعد لديهم سوى التشبث بالدين عسى أن يرفع عنهم البلاء.

هو خلاص الإسلام بقى الحيطة المايلة؟ بينما لو جرؤ حد انه يجيب فى سيرة الهولوكوست يتفشخ ويعامل ولا الكلب الجربان اخر نقطة هو ان طبعا الإهتمام الحاصل عليه كريم منكم داخليا هو عشرات او مئات أضعاف الإهتمام بأى احد من الآلاف اللى فى السجن بدون محاكمة

لازم من يهتم بالعمل العام يضع ما يفضله العامة نصب عينه بمعنى أنه يكون شايفه و يحاول يفهمه، لكن مش بالضرورة بمعنى أنه ينصاع ليه، و الا مكانش ظهرت أفكار جديدة في المجتمع (هل العامة القرشية كانت مرحبة بدعوة الاسلام مرة واحدة ولا اعتبرته كفر بأديان الأجداد).

كل حد قرر أنه يشارك في عمل عام من حقه يختار أولوياته و قضاياه، لو الحد ده اختياراته لأولوياته و قضاياه دائما بتبقى قضايا لا تخص عموم الشعب في شيئ يبقى تقييمي ليه أنه بيعمل حاجة غلط، لو الحد ده جزء من أولوياته قضايا لا تخص عموم الناس يبقى مش غلط.

لكن كمان فيه احتمال ثاني، أن الحد ده في ترتيب أولوياته يبقى في قضايا عموم الناس مش مهتمة بيها أو زعلانة منها لكن هو شايف أن عموم الناس مش شايفة خطورة القضية و مش فاهمة تأثيرها عليها.

دي رؤيتي لحرية التعبير، أغل الناس مش هتتعاطف مع عبد الكريم، أو هتكرهه لكن قضيته مهمة جدا لأن مادام فتحت الباب لحبس الناس بسبب تعبيرهم السلمي عن رأيهم يبقى النتيجة هتكون بالضرورة استغلال الفرصة لحبس ناس ثانية لحد ما يقمع أي فكر مزعل الناس اللي فوق.

في مسألة الاهتمام، وضح أنت بتتكلم عن مين، لو بتتكلم عن منال و علاء فصحيح أن اهتمامنا بقضية كريم أكبر من اهتمامنا بمعتقلين آخرين، لأننا مهتمين بالتديون و المدونين و الحفاظ على الانترنت مساحة حرة حرية مطلقة، و أتفهم تماما لو لمتنا على الأولويات دي طالما أنك معترف أنه فرق في درجة الاهتمام مش مسألة أننا غير مهتمين بأي موضوع آخر.

لكن لو الكلام على المحامين اللي بيدافعوا عنه تبقى غلطان و عيب عليك، القضية مش واخدة من وقتهم و جهدهم أكثر من أي قضية ثانية، بالعكس.

تعالى بقى لموضوع الهولوكوست أولا هفترض أنك تقصد في موضوع الهولوكوست الغرب، بما أننا في مصر من حقنا نرطن فيه براحتنا، و من باب الدقة الأكاديمية هفكرك أن بلاد قليلة هي اللي ممكن تتحبس فيها بسبب مراجعتك لتاريخ الهولوكوست (أمريكا مثلا محدش يقدر يحبسك لو اتكلمت في الموضوع ده).

لكن سيبنا من ده كله و خلينا ناخد فرنسا كمثال، موضوع الهولوكوست ده هو السبب أني بدعوك تطالب بالافراج عن عبد الكريم، عارف ليه؟ عشان القانون اللي عل أساسه بيتحبس المفكرين و الكتاب المحترمين اللي بيحاولوا يفضحوا ممارسات الكيان الصهيوني و جرائمه ضدنا زي روجيه جارودي في نصه أصلا شكله حلو و بيقولك تجريم الفكر العنصري و الداعي للكراهية.

حد يكره؟ يعني أنت مثلا مع الفكر العنصري؟ نفسك تدافع عنه؟ طبعا لأ، لكن نص القانون اللي المفروض أن نيته كويسه بيستخدم لقمع روجيه جارودي و أعداء الصهيونية، و بالتالي لازم نلغي النص ده و نتضامن مع كل حد بيتحاكم بسببه حتى لو كان حد عنصري بغيض بيكره اليهود فعلا مش مفكر مهم بيفضح الصهاينة.

نفس الشيئ بالنسبة لأي نص قانوني في مصر ممكن يستخدم لحبس شخص لمجرد تعبيره عن رأيه بشكل سلمي.

أخيرا لو الاسلام محتاج محاكم و حبس لكل شاب عنده 22 سنة لو قراء محدودين كتب كلام بايخ عنه يبقى الاسلام حيطة مايلة.

الاسلام مش حيطة مايلة مش لأنه محتاج محاكم لأنه مش محتاج، دي ديانة عمرها 15 قرن و بيدين بيها فوق البليون، بطلوا هسهس بقى.

My problem is with kareem in particular. I cannot stand by someone who renounced his religion and all other religions as well. He denies the existence of God. And he brags about being athiest. Being a muslem i cannot stand by him. The Holy Quran, the book i believe in, tells us not to stand by enemies of God. For instance

“يا يها الذين أمنوا لا تتخذوا عدوي وعدوكم أولياء تلقون اليهم بالمودة وقد كفروا بما جاءكم من الحق”

That is a very clear and direct verse with no room for different interpretations. If I consider myself a muslem, I have to respect and obey what God says. I am 100% with free speech, but only when it does not contradict with my religion. If I were in Egypt, I'd be standing, physically, with you, defending the right of free speech, but not the right of kareem himself. I'm simply neither for nor against his imprisonment.

I believe most of us know that arresting kareem by the government is an act to aimed at the improving the image of the regime (in their dreams).. same as the NDP members condemning farouk hosny statements about Hijab.. Same people who are eating this country inside out.

But, being against this regime does not mean that I should stand by kareem.. kareem has the right to believe in whatever he chooses but he should not insult millions of believers in the name of free speech.

God wouldn't care if all the one billion muslems convert to other religions or simply deny His existence. At the end of the day it's their loss. Come judgement day, we'll stand before God.. we'll then know the truth.. only it will be too late.

You didn't debate my comment about the west making heroes out of any one who denounces Islam or speaks out against it. For the same reasons, they introduced the penalties against denying the holocaust or the Armenian massacres. Don’t these double standards make you wary?

أنت بتقول أنك مع حرية التعبير 100% بشرط ألا تتعارض مع دينك، طيب ايه تعريف ما يتعارض مع دينك؟ يعني مش فيه خلافات عديدة على فهم و تفسير الاسلام، يعني ممكن يبقى فيه حاجات أنت شايف أنها تتعارض و مسلم غيرك برضه يشوف أنها لا تتعارض؟

ناخد مثال عملي، دكتور نصر حامد أبو زيد مثلا، الراجل مسلم و عمره ما شاف نفسه حاجة غير أنه مسلم و مع ذلك اتحاكم على أرائه، بلاش دكتور نصر، عبد الصبور شاهين اللي كان وراء تكفير نصر حامد أبو زيد ما هو مسلم برضه و اتحاكم على أرائه على أساس أنها تتعارض مع الدين.

هل أنت شايف أن المحكمة هي المكان المناسب للفصل في من تعارض مع دينك و من لم يتعارض؟

لو أنت مش شايف أن المحكمة و الحبس فكرة كويسة بس مش قادر تتعاطف و تتضامن مفهوم، صدام حسين اتحاكم محاكمة غير عادلة و ناقصة لكن لا يمكن أتضامن معاه لرفضي ليه هو شخصيا. لكن في النهاية أنا معترف بفساد محاكمته.

ثاني حاجة بلاش نضحك على نفسنا، الحكومة لم تعتقل عبد الكريم و مش هي اللي وراء قضيته، و حتى الآن مفيش أي شبهة أن الحكومة (بمعنى الحزب الحاكم و السلطة التنفيذية) بيستفيدوا من محاكمة عبد الكريم.

اللي بلغ عن عبد الكريم أساتذته بالأزهر و اللي تعدى على حقوقه كان وكيل النيابة و اللي واقف ضده ناس لا علاقة لها بالحكومة بما فيها عائلته.

موضوع مين اتعمل منه بطل موضوع ميخصنيش في شيئ و لا يهمني و بالتالي معنديش رد على ده، الكلام على الغرب على أنه كيان موحد بياخد مواقف محددة و ماشي على خطة مربك بالنسبة لي، أنا نظرتي للدنيا مش كده و بالتالي معنديش كلام أقولهولك لو أنت شايفها كده.

أنا رديت على حتة استخدام الهولوكوست كذريعة للمحاكمة و قلتلك أني شايفها حجة للتضامن مع عبد الكريم مش العكس لأن زي ما أحنا شايفين النصوص القانونية اللي بتحبس حد لتعبيره السلمي عن رأيه ممكن تستخدم بشكل سيئ (رغم أن النص بيقول كلام ميبدوش في حد ذاته أنه وحش زي محاربة الفكر العنصري و الدعوة للكراهية).

لكن لو مصر أني أرد عليك في موضوع "الغرب" بيعمل أبطال من الناس اللي بتهاجم الاسلام، يا سيدي المسلمين هما اللي بيدوهم الفرصة لما بيهددوا بقتل أو بيحاكموا الأصوات دي، تنكر أن عبد الكريم أظهر شجاعة شديدة في تمسكه بفكره و رأيه رغم تهديد وكيل النيابة و ضغطه عليه للاستتابة؟ هل حد في "الغرب" كان هيكتب عن عبد الكريم لو مكانش اتحاكم؟ مين اللي خلى سلمان رشدي بطل؟ مش اللي أفتى باهدار دمه؟ لما المسلمين تتعلم ترد على الفكر بالفكر و ترفض قمع الفكر هتفوت على اللي بيحاول يصنع أبطال من الناس دي فرصة.

طبعا ده مش معناه أن تفويت الفرصة دي هيخلص الحملة اللي ضد الاسلام و المسلمين، لأن الحملة دي جزء أصلا من صراع مصالح كبير قبل ما تبقى خناقة هوية و ثقافة و دين و مش هتخلص في يوم و ليلة.

لكن برضه كون أن فيه خناقة دولية مش حجة لتجاهل حقوق عبد الكريم ولا حجة لتجاهل خطورة حبس شخص لمجرد تعبيره السلمي عن رأيه (مهما كان ذلك الرأي)، ده كده عامل زي استخدام الحرب مع اسرائيل كذريعة لحبس كل "من يشوه سمعة مصر" .

dear alaa.. I don't have your ability to argueforever :).. i'm just an amateur not an experienced blogger.

I have my convections and you have yours. Let's just agree to disagree.

> I am 100% with free speech, but only when it does not contradict with my religion.

Then you are not for free speech at all.

> I'm simply neither for nor against his imprisonment.

Of course. "I am for free speech, he can say whatever he wants, I just feel justified to jail him if I disagree with him."

> For the same reasons, they introduced the penalties against denying the holocaust or the Armenian massacres. Don’t these double standards make you wary?

And many civil rights organisations also oppose this. "Oh bohoo. They do it too! Why should I stop!?"

أول مره أجدك ياعم علاء بتتكلم من غير تسفيه وقلة أدب ..طيب يابنى ماانت زى العسل أهو ..برغم ان كتير مككن يختلف معاك فى الكلام اللى بتقوله لكن مفيش أى حد يقدر ميحترمكش ويبقى راضى عن المناقشة ..طيب ليه متفضلش كده ياعم علاء هتفيد ناس كتير وهتوسع دايرة الحوار المتفهم المثقف برغم الاختلاف وهتوسع وترسخ قيم احترام الحوار..انا رأييى انك اديت مثل رائع من خلال الردود اللى فاتت فى احترام اراء الاخرين والرد عليها من غير تسفيهها..عارف أنا شايف مثلا ان الغبى عبد الكريم بيمر بمرحلة رفض شخصى وتمرد مش مقصود بيه الاسلام فى ذاته وكتير من الشباب مر بالمرحله دى وربنا هداه وعرف طريقه الحقيقى بعد كده ولو كان كل واحد فيهم اتحبس ساعتها كانت حياته اتغيرت وادمرت..طيب ليه انت برضه متبصش لردودك من هذا المنطلق ؟ لوانت شايف واحد اهبل وغبى مش عاوز يفهم ..ليه متردش الردود الحلوه دى بدل ماتشعره بالحنق عليك شخصيا بسبب اهاناتك ويبقى موقفه منك موقف شخصى ومريض ويضطر هوه بهواه انه يسحبه على قضية حرية التعبير ويأخذ منها موقف شخصى..انا طبعا مش بتكلم على التدوينات اللى بتكتبها وبتحاول تعمل بيها صدمه علشان توصل معناها واثرها للناس وبتستخدم فيها احيانا اسلوب قد يبدو قليل الادب وانا عارف انك بتبقى مش قاصد قلة الادب فى ذاتها انما انا بتكلم على الردود الشخصية ياريت تراجع نفسك فيها انا شايف انك ممكن تكسب لقضية حرية التعبير ناس كتير ولو كانت مش موفقاك فى موقفك من حرية التعبير ..انا مثلا بختلف معاك شوية لكن لما قرات ردودك الى فاتت احترمتك جدا مع انى لسه مختلف...واحييك ياعم علاء

بعد ما تبرأ ابو كريم و بقية أهله منه أقترح عليك بما انك انت و اللي زيك الوحيدين اللي شايفين انه سجين رأي مش قلة أدب و سفالة أقترح انك تتبناه و تاخده تعيشه معاك و اهو تكسب فيه ثواب حرية الرأي عمرها ما كانت قله أدب مع جهل و سفالة و اللي بيسب شخص أو دين بيعتدي علي القانون ....مش ممكن نسمح كمجتمع لأي حد يقول أي حاجة تحت بند حرية الرأي يعني هل من حرية الرأي ان لا مؤاخذة واحد زيي يقف في الشارع و يشتم واحد زيك مثلا شتيمة قبيحة (يا ابن الشرموطة مثلا) و يقول لك انت زعلان ليه ...أنا حر يا أخي أعبر عن رأيي في دين امك

مثالك سب و قذف لشخص بعينه، و ده فعل مختلف عن نشر رأي جارح و مستفز لجماعة.

لكن بعيد عن ده مثالك مثال كويس جدا لخطورة عقوبات الحبس في النوع ده من القضايا.

حضرتك تهمة السب و القذف اللي ممكن على أساسها أني أحبسك لو شتمت أمي في الشارع هي نفس التهمة اللي بيتحبس على أساسها الصحفيين اللي بيكشفوا فساد الوزراء.

و بالتالي مطلب أساساي للمدافعين عن حرية الصحافة مثلا هو الغاء عقوبة الحبس على السب و القذف، مش الغاء تجريم السب و القذف ولا حاجة، بس الغاء عقوبة الحبس، و مش حبا في السب و القذف لكن حماية للمجتمع من سوؤ استخدام القانون لقمع رأي أو فكر أو معلومة.

و ده نفس المنطق اللي على أساسه بدعوك تدافع عن حق مش بس من يخالفك في الرأي و كمان من يستفزك و يجرحك رأيه، لأن نفس المواد اللي هتستخدم لحبسه هتستخدم لحبس ناس أنت ضد حبسهم.

و الكلام ده مش نظري، المحامين اللي بيدافعوا عن عبد الكريم بيرفضوا يرفعوا قضايا سب و قذف حتى لصاحب الحق الي أن يتغير القانون، اللواء التعبان بتاع العلاقات العامة بتاع الداخلية اللي كل شوية يطلع يشتم في المدونين ده مرة على الهواء ادعي أني محكوم علي في جنايات و ده سب و قذف و تشهير بسمعتي و على الهواء على التلفزيون مش في مدونة محدودة القراءة و مش هرفع قضية لاعتراضي على عقوبة الحبس (رغم أن مفيش قلق على سيادة اللواء من أنه يتحبس فيها).

تعالى بقى نيجي لمشكلة التشبيه من أصله، اللي كتبه عبد الكريم مش شبه أن حد يقولي أك شرموطة، اللي كبته عبد الكريم شبه أن حد يعبر عن رأيه في أن كل السافرات عاهرات أو الست اللي تدخن سجاير تبقى أخلاقها وحشة و مشيها بطال.

طيب أن أمي مش محجبة و بتدخن سجائر، و مش لوحدها فيه ملايين زيها، هل يا ترى أطالب بحبس اللي عبر عن الرأي ده؟

الكلام ده كله مكرر، سبق و عدى ثلاثين واحد قاله نس البقين اللي أنت قلتهم و رديت عليهم بنفس البقين دول، و طبعا عمر ما حد رد على ردي، يا ريت لو أنت مش مجرد بتضيع وقتك و وقتي ترد علي.

شوف ياعم علاء انا من رايى ان المجتمع مااشى باتجاه التحرر من اشياء كثيروخلال سنوات قليله سيصبح من حق اى انسان انتقاد بعض الافكار والممارسات المقدسة وشوف مصر من خمسين سنه والان وشوف التململ الاسلامى لكى يسترد الشارع الاسلام ويحرره من الكلاشيهات واصبح المجتهدون الان من اول المدرس الى الموظف وحتى الى النقاش والطبال واصبح من حق كل انسان منافقشة الدين واظر الى ما يحدث فى الكنيسة المصرية الحديدية الاحتكار - والخلاصة انه ما دام المجتمع يتحرك فالمطلوب من دعاه الحريه ان يساعدوه ويفتحوا له السكك وليس ان يستفزوه بالشتائم

أنا مش معترض على أن مش مفرود حد بيقول أن رسالته الحرية يستفز الناس بشكل مبالغ فيه و من غير داع، أنا معترض بس على عقاب الحد ده بالحبس.

فيه أخطاء كثير الواحد ممكن يرتكبها في حياته، مش كلهم المفروض يكون الرد عليهم الحبس

الحمدلله علي الإسلام يا جدعان البرنس دا خلط مبين كرهو للدراسه في الازهر غصب عنو وبين الاسلام الاسلام مش الازهر ومش معني ان الازهر خرج ناس جدعان علي مر التاريخ ان الناس اللي مسكينو دلوقتي ناس ولاد كلب خدامين للسلطه وانا بقولو حاجه ان الاسلام دين شـــامل دين اجتماعي زي الحياه الزوجيه وتعامل الاولاد مع الاهل والعكس ودين حربي مثل الغزوات والفتوحات ودين سياسه مثل معاهدات السلام مع المشركين وكدا ودين دين في تعاملك مع الله والصلاة والصوم ودين ديوقراطيه لااكراه في الدين قد تبين الرشد من الغي مش زنب الاسلام ان اللي بيحكمو مبيحكموش بيه او بفهموه غلط او مبيفهموهوش اساسا ومينفعش فصل الدين عن الدوله لان الاسلام دين ودوله شريعه وحياة خريطه طريق للحريه والديمقراطيه وللجنه………وانت حر