You are here

how to reach the virgin church in zeitun

Primary tabs

بالنسبة لمظاهرة الأربعاء 29 عند كنيسة العذراء بالزيتون

وائل عباس بيقول أن محطة حدائق الزيتون أقرب للكنيسة من محطة حلمية الزيتون

Comments

السلام عليكم جميعا أنا دلوقتى لسة راجع من مظاهرة كنيسة العزرا لسة داخل البيت الساعة 12 باليل لأنى باجي من بورسعيد وبرجع تانى

المهم عايز اقول إننا عايزين تنسيق أكتر من كده يا إخوانا

يعنى أنا مثلا كنت موجود قدام كنيسة العزرا من الساعه خمسة ونص هتقولولي بدرى

أنا لازم آجى بدرى لأسباب كتير أقلها هو نوع من تحمل المسؤلي المهم جيت لقيت نفسى أعزل لوحدى بطولي يعنى

ولا بني آدم واقف غير وحواليا عشرة اتناشر لوا وزيهم عقدا وعمدا وبلاوى غير حوالي الفين عسكرى

مش دى القضية المهم فين وفين اتلميت على اتنين جايين زى من المنوفيه قلتلهم خير واهلا بيكم حتى عشان تغيروا الفكره الهباب عن المنوفيه وقفنا لوحدنا برضو لحد ماشفت واحد ماسك جرنان الدستور في إيدة قلت ده أكيد تبعنا كلمته ووقفنا مع بعض و الرتب بدإت تكلمنا إن ماتقفوش هنا وتعالو هنا احسن ومش عارف ايه المهم ردينا عليهم ان انتم شوفو شغلكم و احنا هنشوف شغلنا المهم فين وفييييين بقينا عشره أخيرا والساعة بقت سته يعنى معاد بدأ المظاهرة

طيب يا إخوانا بقيت الناس فين كله اعد يتصل ويحاول لكننا اضطرينا نبدأ المظاهرة بالعدد القليل ده لأن كان لازم نبدأ وإلا هيكون شكلنا وحش المهم الناس بدأت تيجي تقريبا سته وربع او وتلت كمان وده مايصحش يا حلوين بتوع الأقليم ييجوا بدرى عن بتوع العاصمة :)

المهم بعد المظاهرة وده الأهم خلصت المظاهرة ومشينا فى مجموعه واحده كبيرة متجهين ناحية مترو الأنفاق وبعدين الحماس خد الشباب عايزين يهتفوا فى الشارع

ماشي مايضرش بس فضلوا عايزين يمشوا لأجل غير محدد ومكان غير محدد ولغاية وهدف غير معروف

فلا في توحيد في الهتاف ولا إحنا ماشيين بصوره منظمه ولا متجهين لمكان معين محددينه

يعنى يوم لاظوغلى كنا متجهين لنقابة الصحفيين بعد المظاهرة انما النهارده رايحين فين ؟! طبعا بقول الكلام ده لواحد هاهاها يظهر باينه بيحسبنى من القلة المندسه ولا حاجه قعد يتشنج ويقولى ممكن تسكت وعملي فيها جيفارا وقعد يزايد عليا بطريقة هبلة

و الله يا اخوانا انا الى سكتنى عن انى امسك فيه لطريقتة الغبية هوان الناس ما تتفرجش علينا

لأن الوضع ماكانش ناقص اصلا الشكل ماكانش حلو يعنى

يعنى مثلا الأمن المركزي هجم علينا فالكل جري

طيب انا استنيت بالراحه كده وبالعقل عشان فى بنات معانا رغم انى ماعرفهومش المهم الكل دخل فى شوارع جانبية هروبا من الأمن جه نصيبي مع بنتين من المظاهرة فى حارة ضيقة وشعبية جدا ولقينا اتنين مراهقين بيشربوا خمره وماسكين إزازة وبيكملوا أنا خفت على البنات صراحه بالزات و إنهم عيال صغيرة بس إشتغال وهبل على الآخر وشاربين وحاجه قرف ولزقين لينا مش عايزين يمشوا و فضلت معاهم لحد ما طلعنا على الشارع الرئيسي تانى ولقيت الشباب برضو بيناوش مع الأمن و أنا مش ضد كده بالعكس بس يكون لهدف حتى لو ما اتفقناش عليه المهم كان في تشنج وصبيانية ومزايدة رخيصة جدا بصراحه

والاهم إن الإتنين الى كانو بيشربو خمره دخلوا وسط المظاهره فى المعمع فخلينا نخلى بالنا أحسن على إخواتنا وياريت يكون لينا هدف قبل ما نتحرك

ونتشنج أوي كده

أخوكم ياســــــر

الزميل / ياسر

هل تقصدنى انا بقولك .." طبعا بقول الكلام ده لواحد هاهاها يظهر باينه بيحسبنى من القلة المندسه ولا حاجه قعد يتشنج ويقولى ممكن تسكت وعملي فيها جيفارا وقعد يزايد عليا بطريقة هبلة و الله يا اخوانا انا الى سكتنى عن انى امسك فيه لطريقتة الغبية هوان الناس ما تتفرجش علينا ".

ام ماذا....واين كنت سعادتك لحظة الاعتداء على من قبل بعض جنود الامن المركزى ؟

ويا سيدى عاشت شهامتك طبعاً البنات اهم .. وجميل انك راسى وفاهم كل حاجه وطبعاً مش جريت ساعة الامن ما كان بيجرى .. لانك فاهم كل حاجه ورزين .. وب... على اى حال لو بتقصدنى انا فانا مش مستعد اتكلم وارد عليك .. وبعدين كلمة المزايدة دى كلمة خلصت خلاص .. انتهى عصر استخدامها . سلام