You are here

سلق الضفادع ما بين القاهرة و تل أبيب

Primary tabs

تحكى الأسطورة المدنية الحديثة أن الضفدعة لو رميتها في حلة مياه مغلية هتنط بسرعة و تنقذ حياتها، لكن لو حطيتها في حلة مياه فاترة و سخنت المياه على نار هادية مش هتاخد بالها لحد ما المياه توصل لدرجة الغليان و الضفدعة تموت.

على الضفادع أن يثوروا فلن يخسروا الا حللهم

و زي ما قال الرفيق المناضل Leonard Cohen

First We Take Cairo ... Then We Take Tel Aviv


They sentenced me to twenty years of boredom
For trying to change the system from within
I'm coming now, I'm coming to reward them
First we take Cairo, then we take Tel Aviv

I'm guided by a signal in the heavens
I'm guided by this birthmark on my skin
I'm guided by the beauty of our weapons
First we take Cairo, then we take Tel Aviv

نشوفكم يوم الأربع 26 يوليو في ميدان التحرير الساعة 6 مساء

Comments

جامده الضفدعه دي قوي يا علاء

والله لو نزلت في المظاهره الجايه هتبقي افتكاسه جامده قوي ويبقي دا شعار المرحله الجايه واهو متناسب مع دارجات حراره الجو دلوقتي عمر الغلي ما اخر فكره عمر السلق ما اخر بكره

you reminded me of my russian biology teacher.. I was only 11yrs old when she mentioned it to us.. there was some war/battle going on at that time in Lebanon..

I have always wondered why she thought that we'll get what she meant at then.

يا تري ما هى دلالة استخدام اغنية عاطفية للرفيق لينوردا بهذا الشكل؟

الأغنية جزء من الأغاني بتاعت ليونارد كوهن اللي استلهمها من تراث أغاني الحركة العمالية و اللي اتكتبت في فترة مشاركته السياسية، و كانت جوان بايز بتغنيها في المحافل اليسارية بشكل دائم.

كوهن نفسه مؤمن أن معنى الأغنية مش ثابت مع الزمن و بالتالي معتبرها أنها من بعد 11 سبتمبر بقت بتعبر عن المتطرفين اللي زي بتوع القاعدة.

أظن أني استخدمتها كتعبير عن المتطرفين برضه بس اللي أنا شايفهم بشكل ايجابي شوية عن بتوع القاعدة، و دي كانت أساسا رد على الأخ اللي كتب تعليق "نحرر الجامع الأزهر من صهاينة مبارك ثم الجامع الأقصى من صهاينة اسرائيل"

و لو مفهمتش كلامي خليك فاكر أن الاجابة مدهونة على الهواء بالدوكو

أسف أقصد الفترة اللي بعد مشاركته السياسية على طول، منتصف الثمانينات يعني

أنا فاكر أني قريتله مرة حديث بيتكلم فيه عن اعجابه بالارهابيين في سياق كلامه عن الأغنية دي.

أما الحتة بتاعت القرد و الكمنجة الأبلكاج معنديش أي فكرة دي عن ايه.

لا انا فاهم كلامك كويس جدا المرة دى بس عايز اشكرك على الصفحة المبهرة بتاعت الاساطير الحديثة دى عاملة لى حالة اندهاش.. انا مكنتش متصور ان الناس وصلت لمستوى تسجيل الاساطير دى

بعدين انا عندى رجاء في مظاهرة التحرير ارجو الهتاف للقضية الصومالية اخوتكم في الصومال يتعرضون للقصف و الاحتلال و القوات الاثيوبية دخلت المدن الصومالية و تتوغل اكثر داخل الصومال

انقذوا الصومال ايها العرب

طب وإيه المشكلة يا أحمد ؟

فعلاً لازم يكون لنا موقف من موضوع الصومال, مش هكلمك عن الإسلام والعروبة والحاجات اللي ممكن تسببلك هستيريا

من منطلق نفعي بحت , العدوان الأثيوبي على الصومال يهدد أمننا القومي فعلاً لأن تقريباً أثيوبيا بتقوم دلوقتي بدور أمريكا كانت هتعمله لولا أنها مش فاضية اليومين دول

asad

لأ مش طالبة معانا، أحنا لا مؤاخذة محدش يفرض علينا ميعاد و ميدان معركة انقاذ الصومال.

يا علاء لا أحد يفرض ميدان او توقيت معركة الصومال لكن المسألة تتعلق بالبعد الاستراتيجى للمنطقة و لمصر الصومال هى بوابتنا الجنوبية بالإضافة إلي ان الدواعى الاستعمارية التى تتحكم في السياسية الاثيوبية الآن تشكل خطر على منابع النيل.. و زى ما الريس بحكمته دايما بيقول مياه النيل و امن مصر القومى خط احمر لا يمكن المساس به


لا بجد سيبك من كل دا تفتكر له الاعلام و الجماهير الوطنية بتهتم بلبنان و فلسطين اكتر من اهتمامها مثلا بقضية كشمير او الصومال .. الاختيارات

1- الصومال ليس عندهم فيديو كليب 2- الصومال لونهم اسود و لبنان ملونين 3- الدم الفلسطينى و الشامى له بريق اعلامى أكثر جاذبية 4- البعد الاستراتيجى بتاع الاخ اسد للبنان اهم من البعد الاستراتيجى للصومال 5-الصومال لا يوجد فيها سياح خليج 6- الصومال ليست دولة فرانكفونية 7- حزب الله اشيك من المحاكم الإسلامية

التقسيمات الجزافية طبيعتها أنها تكون جزافية، ممكن يكون مسلي أننا ندور على تفاسير سياسية لليه بنقسم كده بس في النهاية لازم نقسم و لازم التقسيم يبقى جزافي.

لا يمكن أبذل مجهود في التعرف على كل مشاكل العالم و غالبا صعب أحس بتعاطف و تضامن مباشر مع كل تعبان في العالم و برضه غالبا صعب أني أبذل مجهود في أني أعمل فعل (بغض النظر عن مدى جدوى الفعل) عشان كل مظلوم في العالم.

و لكل واحد منا أسبابه، يعني ممكن الاشتراكي يتعاطف مع شعوب بعيدة عنه و لا يمن تأثر على حياته بشكل مباشر لأن الشعوب دي بتمر بتجربة اشتراكية مثلا. لكن فيه اعتبارات عملية ممكن الناس تقنع بعض بأهمية الشعب الفلاني أو البلد الفلانية بيها بعيدة عن الأيديولوجيا (الحدود المشتركة، التشارك في موارد طبيعية، وجود شبكة تجارة قوية).

اللي حاصل أن الصومال متهمش ناس كتير، مفيش احساس بوجود مشترك ثقافي أو تاريخي (بغض النظر عن عضويتها في جامعة الدول العربية)، المشترك الاسلامي مش عامل قوي لسه، ما يطلق عليه الحركة الاسلامية تركيزها الأساسي عربي (اقصاء الأكراد و مسلمي آسيا و أفريقيا من أي حسابات، العلاقة المتوترة مع الشيعة، عدم الاهتمام الشعبي الواسع بحادات زي الشيشان بغض النظر عن محاولات البعض). و أخيرا استراتيجيا مظنش الناس شايفة الصومال مهمة و بتأثر على مصر (أثيوبيا حدوتة تانية) و بعدين اذا كنا مش داريانين باللي بيجرى في أوغندا اللي فيها منابع النيل، هندرى بالصومال.

و اخيرا الصومال دي حاجة ميئوس منها تماما، و حزب الله أشيك بكتير مش بس على السطح يعني ناس زيي يشوفوا أن ليهم مواقف ملهمة فعلا، مقدرش أتوصر حد من أصحابي المتحمسين يقول كلنا محاكم اسلامية، لكن كلنا حزب الله ليها منطقها (انتصارهم السابق، مشروع المصالحة، استخدام مناضلين شيوعيين كرموز و جزء من التراث زي سمير قنطار و سناء محيدلي، الخ).

سمير قنطار قومي عربي (جبهة التحرير ) وسناء محيدلي قومية سورية (الحزب القومي السوري الاجتماعي) مش كل مناضل تنسبوه لنفسكم بقى طبعا شيء مستفز ربط التضامن مع لبنان بالفيديو كليب، لبنان يعني لنا الكثير بالذات بعد خروج الإسرائليين من بيروت في 82 ومن الجنوب في 2000 وبعدين ليه المزايدات؟ اللي عايز يروح يتضامن مع الصومال يروح مش هنقول له لأ أما كون إن إحنا بنحب لبنان ومتضامنين معاه فده شأننا الخاص ماحدش من حقه يساءلنا أو يزايد علينا فيه

الصحيح أن سناء محيدلي قومية سورية و القنطار في الأصل من الجبهة لكن ذلك لم يمنع حزب الله من التبني النتراثي للابطال من الحزب الشيوعي أو الناصري

8- Somalia isn't being attacked by Israelis, which makes its war less heart-breaking to the Egyptian society. *sigh*

  1. الصومال لم تعد دولة عربية "رسميا" من 1972، انسحبوا من الجامعة (على عجزها المتفقين عليه) و بطلوا يكتبوا بالحروف العربية
  2. الصومال و أثيوبيا اتنين بلابيص بياتخنقوا بالعسيان و الحجارة
  3. أي صومال تقصد، أفتكر في اثنين دالوقت، و يمكن يزيدوا بعد ما أتم تعليقي

طبعا أنت بتلاعبنا كالعادة لأنك إذا ما كانش عاجبك نصرالله هتيجي تقول لنا دافعوا عن المحاكم الإسلامية!

Interesting , but the song was written much later than the joan Baez 60's period. In fact, if I recall well, in the late 1980's.

كنت يائس من موضوع المظاهرات بالنسبه لفلسطين ولبنان ﻷن الضرب لابيقف ولا الﻷنظمه بتتحرك والناس بتموت واسرائيل بتزداد توحش وجبروت وكل دا وولاد الكلب مبيتحركوش واحنا بنتهتف ونهتف ومفيش فايده .. لكن لو مش فاضل غير دى يبقى نقف ونقول ﻷ وطظ فى كل لانظمه المستبده الخانعه ... باذن الله ميدان التحريردا بعد كده هيكون مكان تاريخى أكتر ماهو لانه بايدبنا احنا هنجيب كل الكلاب ونعدمهم بالخوازيق
--AMS

رءوف مسعد

رءوف مسعد.. بمناسبة الاساطير سوف اعرض هنا بعض الاساطير الدينية اليهودية التي تعتبر تدمير مدن " الاعداء " وقتلهم امرا إلاهيا . سأنقل هنا من الكتاب المقدس الذي يتداوله الوف الملايين من المسيحيين واليهود لأنه يجمع شريعة موسى والاناجيل . هذا هو امر الإله اليهودي " يهوه" لاسرائيل كما انه القائد الاعلى للجيش الاسرائيلي اليهودي ويطلق على نفسه لقب " رب الجنود" الكلام اللي جاي هو من سفر التثنية - الاصحاح عشرين وبعنوان الحرب المقدسة . " واذا اقتربتم من مدينة لتحاربوها فاعرضوا عليها السلم أولا ، فإذا استسلمت فجميع سكانها يكونون لكم تحت الجزية ويخدمونكم. وإذا لم تسالمكم بل حاربتكم فحاصروها واسلمها الرب الهكم الى ايدكم ، فاضربوا كل ذكر فيها بحد السيف واما النساء والاطفال والبهائم وجميع ما في المدينة من غنيمة فاغنموها لانفسكم وتمتعوا بغنيمة اعدائكم. المدن التي يعطيكم لكم الرب الهكم ملكت فلا تبقوا بها حيا بل تحللون ابادتهم " الفكرة يا جماعة ان المسيحيين ( وبالمناسبة انا جذوري مسيحية ووالدي كان قسيسا) يؤمن معظمهم بهذا الكلام وخاصة المسحيين الصهاينة امثال بوش. واصطلاح مسيحي صهيوني هو اصطلاح ديني وليس سياسي لن كلمة صهيون في المسيحية تعني استعادة مملكة المسيح في العالم الحالي الذي سيأتي ليحكم الف سنة. المسيحيون الصهاينةامثال بوش يعتقدون في هذه الاساطير . وتلعب اسرائيل على هذا الاعتقاد . هذه النصوص موجودة في البيوت المسيحية في العالم . هذه النصوص الاساطير تبرر القتل بامر إلهي .وعلى فكرة هناك حركة مسيحية تقدمية ترغب في رفض التوراة واعتباره نصا مقدسا موجود مع الاناجيل المسيحية . اي انها ترغب في فصل الدين المسيحي عن اليهودي , لكن البابا شنودة رفض ذلك . وللاساطير بقية ان كان في العمر بقية!

أي قيمة

لافتة لأحمد مطر

أي قيمة للشعوب المستقيمة وسجاياها الكريمة في بلاد هلكت من طول ما دارت على آبارها مثل البهيمة واستقلت وأساطيل العدى فيها مقيمة؟! أي قيمة للقوانين العظيمة وهي قفاز حريري لذي الكف الأثيمة وأداة للجريمة

أي قيمة لجيوش يستحي من وجهها وجه الشتيمة. غاية الشيمة فيها أنها من غير شيمة هزمتنا في الشوارع هزمتنا في المصانع هزمتنا في المزارع هزمتنا في الجوامع ولدى زحف العدو انهزمت.. قبل الهزيمة؟!

أي قيمة لرؤى التجديد والأوطان في قبضة (أولاد القديمة)؟!

أي قيمة لأولي الأمر طوال العمر والأوطان لولا أنهم عاشوا، لما صارت يتيمة؟!

أي قيمة؟! باطل هذا التساؤل وطويل دون طائل. لم تعد في هذه الامة للقيمة قيمة! بلغ الرخص بنا أن نمنح الأعداء تعويضاً

ما رأيك في شرق أوسط جديد تحكمه اسرائيل؟....حياة جميلة ..أليس كذلك؟؟اقرأ الموضوع كاملا علىblog (( bluesky2010.blogspot.com))و أكتب تعليقك

عيونك من ورا الرشاش حكايه

ما تموتيش

واعذرينى لو ماجيش

من ورا القضبان باقول

انا المقتول على باب الخيانه

و محاكم التفتيش

بينى و بينك عسكر السلطان و ذلى

من بين دموع الارض بتطلى

فلسطينيه بتهلى

شمس و دفا فى موطن الاموات

عيونك من ورا الرشاش ختام

يا جرح نازف ع الدوام

يبدأ طيقك من هنا

من ساحة الاعدام

يبدأ طريقك من هنا

من ساحة الاعدام

هذه أسطورة سلب اليهود للمصريين من سفر التكوين الإصحاح الثاني عشر " .. ثم قال الرب لموسى ضربة واحدة ( أخيرة ) أجلب على فرعون وعلى مصر بعد ذلك يطلقكم من هنا.. تكلم في مسامع الشعب أن يطلب من المصريين كل رجل من صاحبه المصري وكل امرأة من صاحبتها المصرية، أمتعة فضة وأمتعة ذهب.وأعطى الرب نعمة للشعب في عيون المصريين .. وقال موسى هكذا يقول الرب اني نحو منتصف الليل اخرج في وسط مصر فيموت كل بكر في ارض مصر من بكر فرعون الجالس على كرسيه إلى بكر الجارية وكل بكر بهيمة .. ولكن جميع بني اسرائيل لا يستن كلب لسانه إليهم لا إلى الناس ولا إلى البهائم لكي تعلموا ان الرب يميز بين المصريين وإسرائيل .. وفعل بنو اسرائيل حسب قول موسى وطلبوا من المصريين أمتعة قضه وأمتعة ذهب وثيابا وأعطى الرب نعمة للشعب في عيون المصريين حتى أعاروهم فسلبوا المصريين .. " هذا هو السلب بأمر إلهي ! تخيل كيف يقرأ المسيحي المصري في العصر الحالي قصة السلب هذه في الكتاب المقدس وماذا يكون رد فعله على " اسرائيل " ؟ الم يسلب بنو اسرائيل المصريين بأمر إلهي .ز إذن فلا لوم عليهم .. وبالتالي فلا لوم عليهم حينما يدمرون لبنان وفلسطين او أي بلد عربي .. لأن الرب ، رب الجنود هو قائدهم العسكري !

رءوف مسعد

Ya Mr. Raouf, its a great pleasure and honour to read ur name on this blog, and we wish to read something new soon, and regarding wot u said, wish i completly agree with i want to add that the religion is here taken as the strongest weapon to destroy other civilizations and that is used as a justification for destructive methode so wot do u think? Should the reaction be from religious points of view too??

رءوف مسعد الحقيقة موضوع الاديان لازم نتعامل معاه بحذر شديد . ومعاك حق . المهم التفريق بين الدين اليهودي كدين عرقي استعلائي ينادي بخصوصية الشعب اليهودي وبالتالي بتفاهة الشعوب الاخرى .. وبين المسيحية والاسلام مثلا . لاحظ ان المسيحية الشرقية عندنا غير استعمارية بعكس الغربية اللي استخدمتها الكنيسة والحاكم من اجل اخضاع الشعوب الغلبانة وتدمير حضاراتها وثقافاتها زي ما حصل في امريكا اللاتينية وافريقيا . الاسلام حتى اعلاق باب الاجتهاد ومخنة المعتزلة كان دين تقدمي بمعنى الكلمة . خاصة ان المعتزلة كانوا يفسرون النص القرآني بعلم اسسوه هو علم اسباب النزول واضافو اليه مبدأ الناسخ والمنسوخ . اي لماذا نزلت اية معينة ؟ ومن الضروري ان اية لحقتها في الموضوع نفسه تنسخ اي تلغي الاية السابقة . انا لا احبذ الصراع السياسي على اساس ديني بالرغم من اسرائيل والمسيحيين الصهاينة في الغرب بيلعبوا اللعبة دي . هنا الاشكالية الهامة اللي انت بتطرحها . انا شخصيا زي ما انت شايف كنت وما ازال ضد الدولة الدينية . لكن الغزو البربري الاسرائيلي على فلسطين ولبنان جعلوني اايد كل من حماس وحزب الله علنا ..وعلى الاقل في المرحلة الراهنة .. وبعدين نشوف لأن ما حدش في الظروف دي مغسل وضامن جنة ! انا بخلص رواية " نصية " تعبير غريب شوية لاني لآول مرة بستخدم نصوص ووقائع ومحاضر شرطة وتقارير .. رواية عن الجنس المثلي والفيتيشيزم والسادو مازوخيزم وغالبا موش حلاقي ناشر فانشرها على حسابي زب ما حصل في رواينتي الاخيرة او اورط علاء فيعمل لي حتة مدونة انشرها فيها. احييك على اهتمامك بما اكتيه وعلى رغبتك في النقاش .

رءوف مسعد وعاوز اضيف حاجة اني موش خايف من تهمة معاداة السامية . لانها تهمة هايفة واليهود هم اكثر ناس في العالم بيعادو الاخرين ويطلقوا على غير اليهود اصطلاح " الآغيار " الواحد لازم يكون واضح في مواقفه. انا باعادي اليهود الصهاينة اي اليهود اللي بيؤمنوا وينادوا وبيعملوا على ان تكون دولة اسرائيل من النهر الى البحر والكلام التوراتي الهايف بتاعهم. انا بعادي المسيحيين الصهاينة المولودين من جديد زي بوش وجماعته . انا ضد كنيسة رجعية لا تسمح بحرية زواج وطلاق افرادها وتعتبر المثليين خطاة مثل الكنيسة القبطية المصرية وبعض الكنائس الامريكية والغربية وكل الكنائس الكاثوليكية . انا ضد اي مؤسسةدينية اسلامية تنادي بالتفوق الديني الاسلامي على الغير مسلمين او تعمل من اجل تأسيس دولة دينيةزي السعودية وزي ايران. لكن انا مع ايران في حقها في امتلاك قنبلة نووبة وباكستان كمان وحتى اليمن لو قدر! انا مع الاخوان المسلمين في امتلاك حزب علني وحق انتخابي وفي صراعهم ضد الفساد اللي معشش في مصر من فوق لتحت .. لكن ما زلت ضد دولة دينية في مصر اسلامية او بطيخيبة . انا ضد واحد كذاب زي القذافي صدع دماغنا بالنضال وهو اصلا منبطح عظيم لا يهمه الا البقاء في السلطة ويفلقس للامريكان والغرب . قد نختلف وقد نتفق لكن من الاهمية ان تكون مواقفنا مؤسسة على اسس واضحة . اهمها حقوق الانسان في اختياراته الدينية او عدم اختياراته والحاده وحقه في اختياراته الجنسية . الموضوع طويل ولكن مهم

الحكاية بتاعة الصومال ديه اعتقد انها مهمة استراتيجيا بالنسبة لمصر اكتر من اي بلد عربي اخر..خصوصا ان اثيوبيا عاملة نفسها حامية المسيحيين في افريقيا وان الطابع الديني عندهم يجب ان يواكب باضمحال الحالة السياسية والاقتصادية والدينية في الدول المحيطة ذات الكثافة المسلمة ...فقد قال احد الرؤساء الاثيوبيين السابقين ان اثيوبيا جزيرة مسيحية وسط بحر اسلامي لذلا يجب علي مسيحيي العالم زيادة الدعم لدنا يقصد طبعا امريكا..........لكن يبقي لبنان وفلسطين هما اهم القضايا اليتي يجب ان تنال علي اهتمامنا الان

I like this metephor of the frog, it's nice and expressing

حلوة القصيدة دى :)

المهم يا رجالة لى عندكم طلب و يا ريت متكسفونيش

معلش يا رجالة شكلى بايخ قوى وانا بعلق فى البلوج فى موضوع مش فى مكانه بس انا جديد هنا و مش عارف النظام...جاى على السمعة يعنى :)

المهم يا ريت يا علاء تفتحلنا بلوج عن الAMD عشان فى كلام كتير عايزين نقوله و نستفيد من خبرات االلى عارف

الصيف داخل اهو الناس كلها عايزة تجيب كمبيوترات و محتارة - زى حالاتى - بين الانتل و الAmd فياريت تدوينة فى قسم تكنولولجيا عنه عشان نسأل و نتنتاقش براحتنا

بكرر أسفى مرة تانية انى برد فى مكان غيير مناسب بس معلش اعذرونى عشان جديد هنا :)

تحياتى :)

و أنا أشعرف أهلي أنا مين الأحسن؟ كلها شركات رأسمالية حقيرة بتتبنى تكنولوجيات فاشية (زي وضع رقم مسلسل على البروسيسور يجعل من الممكن تتبع جهازك و دعم تكنولوجيا ال"trusted computing" اللي على عكس اسمها هتتيح ليهم يتحكموا في جهازك و هتمنع تشغيل البرمجيات الحرة).