You are here

روابط اليوم عن موضوع حفل التحرش الجماعي بوسط البلد

Primary tabs

لو معندكيش خلفية ابدأي بالقراءة عن حفل هتك العرض الجماعي اللي حصل في وسط البلد أول يوم العيد

حسام محمد دياب مشكور جدا نزل عمل حوارات قصيرة مع العاملين في المحلات حوالين سينما مترو لتقصي الحقائق بنفسه، و نشر نص حواره مع العاملين في 5 محلات مختلفة. (يا حسام متعملك مدونة عشان نعرف نتابعك)

فيه ناس اعتبرت الحوار ده دليل على أن كان فيه تهويل، الحوار فيه كلام خمس أفراد و المدونات عليها شهادات من مالك و شرقاوي و جيمي هوود و وائل عباس و معت نقلت شهادة أصدقاء لها بالاضافة لشهادة من رضوى عن أحداث مشابهة ثاني يوم، ده من غير ما أتابع التعليقات. دي كلها مصادر معلومات قرر أنت هتثق في مين أكثر أنا شخصيا هثق في المدونين أكثر.

الأهم هو أن فيه اتفاق على وجود تحرش جنسي جماعي و فيه شواهد على أن دي حاجة متكررة و دارجة و في أماكن ثانية كمان.

الخلاف على أصابع الشباب وصلت لفين بالظبط و هل تم تعرية الثديين أم ثدي واحد خلاف عبثي لو كان كل اللي حصل تقفيش من فوق الهدوم هل ده يخليها مشكلة أقل من لو حصل من تحت الهدوم؟؟ ده عامل زي اللي يقولك متهولوش محصلش تعذب ده يادوبك الظابط لطشله و ضربه على القفا، أو اللي يقولك لأ الأبله كويسة بتشتمنا بس. خليكوا فاكرين التلطيش تعذيب و التحسيس تحرش و الشتيمة اهانة

ما علينا روابط اليوم

متنسوش أن دي مش أول مرة موضوع التحرش الجنسي في الشوارع يطرح على المدونات، أظن المرة دي التعليقات اللي بتلوم النساء أو تنكر أصلا أن فيه تحرش أقل بكثير من اللي شفناه قبل كده.

Comments

يا علاء لو فرض انت ماشي جنب واحد بيعاكس فراحت البت اللي عندها حول ضربت ابرة التريكو فيك و جت الطوبة في المعطوبة هتبقى مبسوط ساعتها بالحملة اللي عملتها؟

عموما الحل اللي اقترحته في الحملة دي حل احصائي مش معتمد على عقاب المتحرشين فقط معتمد على خلق مناخ من الخوف و ربط التحرش بعدم القدرة على التكاثر، لو التحرش نتيجته عدم قدرة عدد أكبر من الرجال حتى المظلوم منهم على التكاثر ده ملوش تأثير سلبي بالعكس ده ممكن يعجل من اختفاء الظاهرة بما أن الرجال اللي لا تمارس التحرش بدل ما تاخد موقف سلبي هتاخد موقف ايجابي و تقمع هي الرجال اللي بتمارس التحرش حفاظا على بقاء النوع.

لو حصلي أنا هزعل طبعا لكن زي ما قلت المسألة احصائية، لما بتشارك في مقاومة مسلحة أو حتى جيش نظامي فيه دائما احتمالات أنك تموت من نيران صديقة صح؟ هل الخوف ده المفروض يكون عائق للمشاركة؟

عموما الأفيد هو اقتراح أساليب أكثر فعالية في الاخصاء، تقدر تشارك ربيع في تقريره عن أدوات الاخصاء المختلفة و تقدملنا توصياتك، أو انتظر مؤتمر 30 فبراير الأول عن الاخصاء كوسيلة لانقاذ الحضارة.

انا فرحان جدا . . . . . . .

عارفيين ليية ؟

علشان دي اول مرة الشباب المصري يبقوا ايد واحدة

الله الهادي يهدي من يشاء

مع انى اقاعد اقرأ الجرايد فى الموضوع ده و المدونات بس برضة مش مصدق

انا كاتب عن الموضوع فى مدونتى و بس برضة مش مصدق

يا وساخة انتا وهو لو كل واحدة وسخة لمت نفسها ولبست محترم مش هيجى اى ابن جزمة يعمل معاها اى حوار مهو مش معقولى هتكون البت محترمة ولبسها محتشم والواد هيجرى عشان يعمل فيها واحد فى الزحمة وعلى العكس متجيش واحدة وسخة لابسة من غير هدوم ومش عاوز حد ينكوتها النكتة واللى مش عاجبة يولع ............

زي ما سمحنا للبنات بمساحه للتعبير عن رايهم ما تيجي ندي مساحه للمغتصبون بردو جايز يكون لهم راي او نظريه في اللي عملوه و لد نظريه يبقوا عملول اكتشاف جديد و لازم يسجلوا براءه الاختراع قبل الاغتصاب الجماعي ما ينتقل لبلد تانيه زمان كنا بنجري حافيين ورا عربيه الدخان و كان الدخان بيغطي الشارع فكنا بنشن علي قفص الجوافه نروح نسرق جواه او نبعبص البنات كنا عيال في ال12 بس كنا لعنه بتجري علي الارض م الاخر اي حد من الساده حتي المدونين لو لقي نفسه في الدخان حيعمل اي حاجه معلش يا جماعه انتم عايشين في القاهره و مش محتاجين عربيه دخان اما احنا فكانت عربية الدخان بتبجي لحد عندنا و بتغطينا مصر كلها محتاجه عربيه دخان عشان الناس تبقي صريحه انا بطلت اجري ورا عربيه الدخان لما اكتشفوا الريفو و بقينا ناكل النتااموس ريفو و بطلت اعفص في الشارع لما اكلت علقه في الشارع من اخو ة احد الضحياياكنت بتاع 14 و غاوي تفعيش و بعابيص انا يا جماعه بتكلم بصراحه انا ما عتش بعمل كده من زمااااااااااان مشكله مشكله ان احنا في مجتمع مزدوج الشخصيه عاوزين نستمتع بس مش عاوزين حد يشوفنا يا ناااااااااااااااس نعمل ايه بس عاوزين ننييييييييييييك اسف في اللفظ بس حتي المشكله كبيره انابقترح اننا نحول المدونات لبرنامج اعترافات دوليه نتكلم بصراحه و ما نخبيش انا اتربيت في ما هو تحت كل خطوط و دواير الفقر في العشوائيات و المجاري الزباله كانت هوايتنا في الطفوله و الهروب من المدارس و التدخين و السرتنه ما هي دي مصر يا رافت الدعك في الاوتوبيسات و انا اشتغلت الشغلانه دي لفتره محدوده و في القطار شعب تفعيص و لا انا غلطان انا عارف اني ابن كلب متخلف بس انا كنت صريح معاكم

شوف يا عيلاء لما كنت في مدينة الطلبه كانوا بيحطوا علي الاكل زيت خروع عشان يهدينا عشان مش ننيك بعض تقريبا ... و النتيجه كانت فظيعه لدرجه اني نسيت بتاعي فين اصلا ! ايه رايك نطالب بتوزيع قزازتين زيت خروع لكل شاب اعزب ممكن مع بطاقة التموين كمان

زيت خروع؟؟!!!

طيب كنتوا بتعملوا ايه في الاسهال؟

هما مش كانوا بيحطوا ليكم منه في السجن ولا ايه ؟ انت ماخدتش بالك انك كنت بارد في السجن ؟

المشكلة أنك غلطت في الزيت الخروع ده اللي بياخدوه عشان ينزلوا اللي في بطنهم

CAESAr-DIABLo

CAESAr-DIABLo


http://x-ist.blogspot.com , http://CAESAr-DIABLo.shadowness.com .::I'LL iNJECT tHEM wITHA pOISON::.

حسام كان عامل مدونه وبيكتب فيها يومياته بس تقريبا مسحها

هنحاول معاه تاني يمكن

Nothing can really be said

الفيديو كان عند مالك وانا نزلته على المدونة عندى بس بطريقة تانية بحيث انى كل اللى يدخل يشوف الفيديو عالطول بدون روابط ولا يحزنوه وكمان كان فى بنت بتاعت الاستاد الجماهير قلعتها هدومها واستغطت بالعلم http://cazanoova.blogspot.com/2006/11/blog-post_13.html الناس جرالها ايه

إيــــــه اللى انتو بتعملوه ده بجد انا اتصدمت من اللى حصل للبنات فى العيد ، لكن صدمتى من اللى قرأته كانت أكبر. انا الصراحة اول مرة افتح المدونات او ادخل عليها ، معرفتهاش الا بعد احداث العيد الاخيرة وانا اشكرها لانها بتعرف الناس الحقيقة وبتسمح لهم بالتعليق بحرية على الاحداث لكن اسمحـــــــــــــــــــــــــــــولى: انا لما قرأت اللى مكتوب مصدقتش نفسى ، هو احنا فيـــــــــــــــــــــــــــــن؟ كلمات بذيئة مايصحش تتقال ، ومجاهرة بالمعصية من بعض اللى كتبوا وتعليمها للناس ، وشتيمة فى النظام واصحاب النظام ، واهانة لمصر وشعب مصر ، ووصل التجريح لحد علماء الدين كمان ، هو فيه ايه؟

محدش يزعل منى: أولا: انا لما احكى عن اللى حصل ، ميصحش اقول الالفاظ المجرمة اللى قالوها اللى عملو كده ، وإلا يبقى مفيش فرق بيننا وبينهم. وللا علشان مفيش رقابة على النت ومحدش يعرف انا مين ، يبقى اقول كل اللى انا نفسى فيه؟ المفروض الرقابة تبقى ذاتية من جوانا ، ومنتكلمش الا الكلمة المحترمة اللى تعبر عن شعب مصر المحترم ، ده لو كنا عايزينه يبقى محترم؟

ثانيا: مالهم علماء الدين ، ليه بنحشرهم فى كل مصيبة وكأنهم السبب فى اللى حصل واللى بيحصل. هى مهمتهم يصلحوا الناس بالعافية؟ دول ناس اتعلمو الدين اللى المفروض كلنا نتعلمه ، وعليهم يعلموه للناس ويقولولهم الصح من الغلط بالحكمة والموعظة الحسنة زى ما ربنا قال ، مش يمسكولهم العصاية. والنصيحة هتعمل ايه فى قلب قاسى غافل بعيد عن ربنا وللا مش فاهم يعنى ايه جنة ورضا ربنا ويعنى ايه جهنم وبئس المصير. وان كان بعض الدعاة او العلماء ممكن يغلط ومحدش معصوم من الخطأ ، يبقى علينا ننقد الحاجة الغلط – ده لو كنا متأكدين انها غلط على قد فهمنا وعلمنا فى الدين – مش ننقد العلماء نفسهم اللى بيفهمو عننا. وان كان حكم وللا مسألة مفيهاش آية قرآنية او حديث صريح ، وحصل فيها اختلاف ، يبقى كل الاراء صح ، وعليك تستفتى قلبك ، وكل واحد أدرى بقلبه ، ودى حاجة بينه وبين ربنا.

ثالثا: ليه بنشتم ونلعن فى النظام ، والعيب فينا قبل ما يكون فى النظام؟ هو اللى ماسكين النظام دول مش اصلا مصريين ، يعنى مننا ، مش مستوردينهم من امريكا مثلا؟ بدل ما نطلب تغيير النظام ، مانغير نفسنا قبله. وللا كل واحد عايز يصلح غيره وبس. لا ---- ابدأ بالصعب ، اسهل حاجة تنصح غيرك ، لكن اصعب حاجة تنصح نفسك ، لأنك اصلا مبتشوفش عيوبك ، علشان كده احنا بنستسهـــــــــــــــــــــــــــل. احب بس افكركم بكلام ربنا سبحانه وتعالى: بسم الله الرحمن الرحيم " إن الله لا يغير ما بقوم حتى يغيروا ما بأنفسهم " صدق الله العظيم

  • ايه رأيكم نعمل مع بعض حملة من ضمن الحملات مش هتكلفنا كتير ، ونسميها:

حملة ( إبدأ بنفسك ) وكل واحد مننا يتعلم حاجة فى الدين والأخلاق ، يبدأ يطبقها بنفسه ، ويعلمها لغيره كمان علشان ياخد ثواب زيه من باب الأمر بالمعروف والنهى عن المنكر ، اللى هو أصلا فرض فى الدين. ساعتها ربنا هيكرمنا بجد ، ويصلح حالنا فى الدنيا والاخرة ، وترجع مصر بلد الأمن والأمان زى ما كانت طول عمرها ، وينصرنا كمان على امريكا والعالم كله طول ما ربنا معانا وراضى عننا. اللهم رضاك يارب.

وشكرا لكم جميعا.

التحرش عموماً ينتج عن إحساس بالتفوق الذات ودونية الآخر، ومن ثم الإحساس بحقه في استحلال خصوصية الآخر و سلبه مقومات وجوده ، من رزق أو كرامة . و الرجل يتحرش بالرجل الأضعف ، و أمريكا تتحرش بالدول كافة بصورة أو بأخرى.والرجل يتحرش بالأنثى في مجتمعات مختلفة ذات أديان مختلفة،لأن المسألة ببساطة إحساسه بأن تفوقه العضلي يعطيه الحق في التمتع بالأنثى أينما و حيثما و كيفما يريد، حتى وإن تعذبت تلك الأنثى ، و كلما زاد ألمها زاد إحساسه الزائف بالتفوق و زاد في غيه و زاد ت المساحة المظلمة في وجدانه و الوجدان الجمعي للرجال ،عفواً الذكور.

عزة مطر