You are here

حيث تأكل البطاريق الطعمية

Primary tabs

من يجي خمس سنين بدأنا مع محمد سمير و مصطفى حسين و يوسف أسعد و عزبي رحلة. في السكة شاركنا ناس كثيييير و الرحلة فرعت و شعبت و لقينا نفسنا بنعمل تجربة فريدة في التنظيم الذاتي و الديمقراطية المباشرة. و حققنا نجاحات مكناش نحلم بيها (و أخقنا في تنفيذ أي نجاحات مخطط ليها بشكل جيد).

EGLUG زي كل حاجة مهمة شاركت فيها قضيتلها سنتين جامدين جدا و بعدين الموضوع بدأ ينام شوية بشوية، لكن في السنتين دول غيرت مسار حياة ناس كثير و أحنا أولهم، عشان أحكي التجربة دي معناها ايه بالنسبة لي هاخد عشرات التدوينات و أنا بصراحة مكسل و مشغول. بس حبيت أشرككم في لحظتين هرتلة في وسط قمة نجاحنا لما كنا مصدقين أننا بنشكل العالم كله مش بس ذواتنا.

أظن أهم اختبار لقد ايه الحاجة كبيرة و مهمة هو مساحة الهرتلة فيها. طبعا الهرتلة داخلية تماما و يمكن متعنيش أي حاجة لأي حد من بره لكن فيه دستتين بني أدمين بالنسبة لهم هيفضل ليها معنى مدى الحياة و يتحول لفلكلور


اول اعلان عربى مصور عن اللينوكس

بفكر و ايد عربية

نعم و يعكس حالة الشباب العربى و تطلعاته و اماله و الظروف المحيطة به

download from archive.org


اتحاد المبرمجين الأحرار

قطاع الانتاج

يقدم

ايه موضوع الجنو لينوكس

بعد النجاح الساحق لاعلان فين اللينوكس و تعبيرا عن رغبة الجمهور فى محتوى راق هادف مقتطفات من خطبة الاستاذ دى جى كينج من منفاه بيورو ديلى

download from archive.org

Comments

AMAZING!

جامدة جدا جدا ، بجد .. بس بص ، لو بتصور بكاميرا فيديو حاول to put the microphone on ZOOM option... so it'll be able to grab the main speaker's voice only.. and to drop the outer atmosphere...

أما لو كاميرا فوتوغرافيا أو موبايل ، فربنا معاك بقى ، بس دمها خفيف قوي ، و التقطيع حلو و في الجون

الاعلان بكاميرا فوتوغرافيا و الموعظة بكاميرا فيديو بس اللي بيصور غشيم :-)

يا عم أنا في الخدمة ، إبقى كلمنى ، و اتطوع معاكو... مانا ماليش في الوندوز برده :)

البتوع دول معمولين من 3 سنين المرة الجاية بقى

" طبعا يا علاء ...الموضوع فرق مع ناس و غير مع ناس كتير ..و يمن تأثير الموضوع تعدي اللينكس و التقينة ..و انا بجد واحد من الناس اللي موضوع فرق معاهم في الدنيا عموما..و انا من تلات سنين كدا ايام ما كنت اخش علي الرووم في الاي ار سي ..و أقعد اسمع الناس و هي بتتكلم ..و بصراحة ياما استفدت ..و دلوقتي و انا باكتب ..افتكرت اول تجمع في الساقية ..و الكورس اللي حضرته اللي كان ضياء بيشرحه ..و طبعا افتكرت برده لما قابلت يوسف في ميدان الرماية عشان يديني أسطوانات اللينكس ..و طلعوا ناقصيين فقابلته تاني عشان اخد اسطوانات تانية ..و الله بجد كانت ايام حلوة..و أنتوا كلكوا كنتم جامدين ..و كنت و مازلتوا بتمثلو ليا حاجة جامدة بجد

شيء مميز جدا وخطوة جميلة في طريق المصادر المفتوحة

The old days :-D

هيهييهيييي..عجبني الأعلان جدا..بيفكرني باعلان طنط كوثر :-)

طيب انا لما انزل لينكس هعرف أشتغل علية إزاي ومين إلي هيعلمنا عليا وكمان لو عندي لعب شغالة علي ويندوز هشغلها إزاي علي لينكس ياريت نيفيدوني

A piece of folklore from these days is now the famous omraneya.

Would MaLek's proposal here revive these days?

هو الاعلان ظريف لكن انا كنت فاكر ان من كام سنه كان فيه اعلان جامد جدا عن لينوكس و كان موجود قى موقع Linux-Egypt وتقريبا كان اللى اخرج الاعلان ده المخرج عمرو سلامه بس مش متأكد

مش فاكر مين المخرج عموما أي خدمة

يا رجالة الإعلان سيئ جدا ونسبة الإستظراف فيه عالية لدرجة تفور الدم مش عارف مفروض ان احنا عايزين نوري الناس مدي الرقي اللي فيه الناس اللي بتدعو إلى التحرر من قيود حيتان البرامج يبقي لازم نبين ده فى إعلاننا

بطاريق وطعميه ...... اممم