You are here

كله محصل بعضه

Primary tabs

بيقولك عندنا قوميين صلوا صلاة غائب على صدام و يساريين لسه بيقولوا على نفسهم ستالينيين و بتوع حقوق انسان مش بيدافعوا عن المثليين و عندنا كمان ليبراليين عايزين الدولة تحدد مين يتكلم في الدين.

و مع ذلك بيقولك خايفين على الديمقراطية يا عيني من الاسلاميين.

Comments

انا لسه مؤخرا كنت بفكر فعليا الفكرة دى يعنى واحد مطلع جرنان يقولك على صدام مات رجلا ومات رجلا أنا عندى الراجل دا اخطر بكتير من الاخوان وبقية التيارات كله فيها وش كدا لما يطلع بيخوف

مثلا الناس اللى بتوصف نفسها بأنها حيوان سياسة

ده مش جديد ..المفروض نكون فاهمين ان الناس ديه أخطر بكتير من النظام الفاسد ومن أي تيار سياسي بيرفع شعارات مقدسة.. أي تيار أياً كان له قواعد نحددة بيتحرك فيها ومن هنا ممكن تفهم مرجعيته...لكن ولاد الشرموطة دول بيتبلرو علي حسب الظرف وتبعاً لمبدء المكسب والخسارة عرب لطفي أيام أنتخابات النقابة وترشيح مصطفي بكري لعضوية مجلسها كانت بعتت الأيميل ده عن ملفه الأسود

وبالصدفة شوفت حفلة التأبين بتاعة صدام في نقابة الصحفيين علي الجزيرة مباشر ، بدعوة من مصطفي بكري وجريدة الأسبوع بيقولك في واحد لسه راجع من الحجاز شاف رؤية لصدام قاله فيها انه مماتش ..وانه هيظهر في مصر قريب علشان يعلن ده للناس ويوحد الصف ،البعثين بيعيدوا تشكيل صفوفهم بمساندة ناصرية...المقاومة بدئت ترفع صور الشهيد صدام حُسين علشان يجدد دمها.. المشروع الأيراني بيضرب تحت بند الشيعة أنصار مقتدي الصدر

وطبعاً مصطفي بكري عضو في مجلس الشعب ...ومصنف معارضة عادي يعني

يا اخي وانا بردو جاتلي نفس الفكره مين الأسوأ فعليا بعد ماشفت صورة الوفد التاليه

وفيها الحج ابو عيطه بيهتف والناس بتأمن وراه اه نسيت العمل عملوا واحده شبيهه ببتاعة القوميين بس التانييه في الأزهر

http://MaLek-x.net

قديما قالت العرب

ما اسخم من ستي إلا سيدي

وحديثا قالوا إذا لم تستح فاصنع ما شئت

وأيضا اذا القحبة بطلت تقحيب صارت توفق الرؤوس في الحرام

القوى القديمة يا ريس دون استثناء تمارس الدعارة السياسية وعلى عينك يا تاجر حتى المحروسة كفاية نزلت تعمل عيد ميلادها الشهر اللي فات في عرض الشارع

كله عهر وبالرخيص كمان

بس الحمد لله يا علاء

مصر الحمد لله بخير

اه صح المحروسه كفاية عملت عيد ميلادها في الشارع شفت إلتحام قوى الأمن المصري بقوى الشعب كان عامل ازاي؟ شفت كان الكل متوحد مع بعض وفي صوت واحد بيقول كل سنه ونتي طيبه يا كفكوفه ازاي ؟ شفت واحد تخين كدا واقرع من بتوع كفاية وايديه فيها لون احمر لونه وهو بيسلم على احد من اعضاء الأمن الملتحمه بجماهير الشعب ولا وواحد بشعر ابيض كدا وشبه سعدات بتاع فلسطين عملين عليه دويره وبيقولوله قفلي يا ورده ؟

http://MaLek-x.net

كفاية تحديدا يا ريس كانت أشرف وأنضف حركة سياسية ظهرت على الساحة في العقود الأخيرة لأنها اكتسبت شرعيتها من الشارع ولكن بفضل قادتها التقليديين الذين لا يزالون يتحركون تنظيميا بعقلية الستينات والسبعينات تحولت إلى مسخ آخر ضمن المسوخ الحزبية العتيقة التي لا أمل ولا حياة فيها

كفاية حركة كانت بتقول لأ ودا جوهر وجودها ومصدر شرعيتها الوحيد... لكن لما بقت ملتقى للقوى التقليدية من يسار وليبرالية وقومجية والطامة الكبرى الإخوان... ومن يومها صارت مسخا ومش فارقة كتير عن أي حزب كرتوني مهلهل... وأي منصف يستطيع أن يرى أن كفاية اليوم باتت تمر بأزمة تهدد وجودها كله وشرعيتها الشعبية... ومازال بالطبع رأيي هو رأيي وليس هو الصواب المطلق

لو صار مقياسنا الوحيد وحكمنا على أي تيار سياسي أو فكري هو معاداة الأمن له والتحرش الأمني بالمنتمين لتلك الحركة أو ذلك التيار لوقعنا في أزمة... فالإخوان هم أكثر الفصائل تعرضا للاضطهاد والعنف الأمني وهذا لا يجعل منهم فصيلا وطنيا ولا تيارا سياسيا يعمل لمصلحة هذا الوطن فهم لا يؤمنون أصلا بالوطن في مقابل أجندتهم الخاصة بالأمة الإسلامية

إذن التحرش الأمني - وحده - ليس المقياس... وكل التقليديين في زعمي يمارسون أشكالا متنوعة من العهر السياسي... وللمناقشة بقية

بالنسبة للقوميين اللي صلوا صلاة الغائب حجته معه ع صدام فهؤلاء الهجاصين وبالنسبة لليساريين اللي هم المونيوم وبيقولوا ع نفسهم استيل ستين فاؤلئك الهجامين بالنسبة لبتوع حقوق الانسان فاؤلئك المتناكين واللييبرليين اؤلئك الافاقون وحركةكفاية هم المارقون وعمتا كل بيوعد وبس والدولة شغالة للكل ف الازرق وسلمي لي ع امين الحزب وامين السياسيات وامين الهيندي وسمعني الدستور

العملية عندنا بقت سلطة زي ما قال الحاج جرجس. الليبراليين مهماش ليبراليين حقيقيين، واليساريين بقوا يساريين ازهريين، وفي الأخر، وعلى رأي سعد باشا، مفيش فايدة!

كلهم وحشين

:(

الأمل في اليسار الديمقراطيhttp://demleft.org/node/129

:)


http://mabadali.blogspot.com

بس يا بتوع معاداة المقاومة يا انهزاميين

من أولها أكاذيب مغرضة . كله مكتوب أهو http://demleft.org/node/156


http://mabadali.blogspot.com

و برضه كل واحد حر يصلى ما يصليش

ما انتوا دايما فى كل مقالاتكوا مش بتهتموا بقضايا العرب و السياسه الخارجية

الريس يقابل صهاينة يحضن شارون مش مهم

اشمعنا دلوقت اهتميته

و لا علشان اثيوبيا اعلنت عن هجوم وقائى ضد المحاكم الاسلامية فى الصومال زى الامريكان ما بيعملوا

انتوا مش هاتفوقوا و تعرفوا ان ده جزء من امن الموان الداخلى الا لما نلاقيهم عند جمرك بورسعيد زى 67

اه طبعا كل واحد حر، حد جاب سيرة هما أحرار ولا لأ؟

كونهم حرين ميغرش تقييمي للي بيعملوه، و ملوش علاقة بهزلية أطروحة أن الاسلاميين لوحدهم خطر على الديمقراطية

مين اللي دايما مش بيهتموا بقضايا العرب دول؟ و بعدين حد اتكلم عن قضايا عرب دلوقتي؟ أنا اتكلمت عن تيارات سياسية موجودة في مصر.

موضوع المواني ده غالبا نكتة و أنا مفهمتاش لكن ما علينا.

و فيها إيه لما مبارك يقابل صهاينة؟ بيقول لك "العيب لما يصدر من أهله…"؛ واخد بالك.

يعني إذا كنت أنا رافض أساسا مبارك كرئيس، يبقى هاروح أتظاهر لما يقابل صهاينة بمناسبة إيه؟ الكلام دا لما يكون واحد منتخبينه و بعدين فلتت منه حركة و غلط مرة، فنتظاهر علشان نعرفه أننا مش راضيين عن تصرفه.

لنفس السبب مثلا أنا مش ممكن أوقع على التماس و لا بيان شجب لحاجة عملها بوش. بمناسبة إيه أخاطبه!

قصدي أن العند في أمريكا مش لازم يكون على حساب نفسنا فنعظّم و نطوّب دكتاتور مجرم و كمان فاشل، بس علشان نغيظ أمريكا. فكر في مصلحة نفسك مش في ازاي تضر التانيين.

و زي ما علاء قال الأول نحرر القاهرة و بعدين ناخد تل أبيب.

و هي فين السياسة الخارجية أساسا؟ احنا انكمشنا داخل حدودنا و مش بنطلع غير لما أمريكا تقول.

و بعدين إعدام صدام أرضى ملايين العراقيين ال بهدلهم، بغض النظر عن أن محاكمته اتكروتت و اتقتل قبل ما يكشف علاقات كثير كان ممكن تحرج الدول ال حاكمته نفسها.

أنا كمان ما فهمتش نقطة أثيوبيا و المحاكم و علاقتها بصدام. ممكن توضح؟

بجد اللى بنشوفوا بيحسسنا انه ولا الف سنة على ما البلد دى يبقى فيها امل والله الواحد بقى مش عارف يبص فين ولا يمشى مع مين كله اسخم من بعضه لا دول اسلاميين ولا دول ديمقراطين ولا اى حد اى حاجة من اللى بيسمى نفسه بيها, نهايته انا بس كنت عايزاك تشرح لى حاجة ياعلاء لو تسمح بجد مش فاهمة اصلى لسه جديدة على المدونة, ليه اليسار الديموقراطى معاداة المقاومة وانهزاميين وليه المفروض حقوق الانسان تدافع عن المثليين ممكن تفهمنى ... وميرسى

نهى

موضوع اليسار الديمقراطي ده مشاكسة بيني و بين عمرو عزت و كلام مش بجد، اليسار الديمقراطي تيار يعتبر جديد و بالتالي صعب الواحد يكون رأي قاطع عنه (و عموما أنا بفضل رأيي يبقى في الأفراد و التحركات مش التيارات).

لو عايزة تحكمي على اليسار الديمقراطي يبقى عن طريق أدبياتهم و ممكن تبدأي من موقع شبابهم http://demleft.org

بخصوص جمعيات حقوق الانسان، هي مش مفروض تدافع عن المثليين بالذات، هي المفروض تدافع عن حقوق الانسان من غير اختيار للضحايا، ممكن جمعية تركز على فئة أو على حقوق بعينها أو أسلوب للعمل، لكن لما تسمع أن فلان محتجز احتجاز غير شرعي أو تعرض للتعذيب أو بيتحاكم محاكمة غير عادلة أو غيره مش مفروض تسأل هو ميلوه الجنسية ايه، المفروض تدافع عنه. زي كده ما مش مفروض تسأل انتمائه الأيديولوجي ايه و لا طبقته ايه و حظه من التعليم قد ايه و هكذا و الا متبقاش حقوق انسان.

انت قصدك ان جمعيات حقوق الانسان عندنا بتحركها افكار يعنى مش بيمارسوا حقوق الانسان اللى هو شغلهم وكل اللى بيعملوا فى حياتهم غير على الناس اللى على مزاجهم والباقى بقى تمشى عليهم سياسة يدخلوا النار وفى داهية وكده , اصل انا مش سامعة اوى عنهم مع انى فهمت دلوقتى بس من كلامك انا ليه مش بسمع عنهم......طيب واقفوا مع كريم ولا لا عشان افكاره انا مش عارفة كمان لو فيه اخبار على كريم ياريت تقولى لانى مش لحقت الموضوع من اولة يادوبك لحقت الشتيمة اللى فى الاخر صحيح هو اللى بيشتم كريم شمتان فى سجنه عشان افكاره بسسسسسسسسسسسس انا عارفة ان اسئلتى كتير وانى مش بقول حاجة مفيدة بس وصدقنى مش فاهمة ولقيت حد يفهمنى وميرسى تانى ليك ولمنال نهى

أولا فيه جماعات حقوق انسان في مصر عاملة شغل كويس جدا و بتدافع عن الجميع و معملتش الحسابات دي، و فيه نسبة كبيرة من الناس اللي حسبت حسابات من نوع بلاش ندافع عن المثليين عموما محترمين برضه و بيقوموا بجهد كبير، يعني ليهم أخطائهم لكنهم مش نصابين ولا بيستهبلوا.

الغرض من تدوينتي مش أني أقول كل اللي مهتمين بالشأن العام ولاد كلب، ده مش صحيح خالص، الغرض أني أقول أن كل جماعة من جماعات المهتمين بالشأن العام في وسطيها ناس (كثير أو قليلين مش موضوعنا) علاقتهم بالديمقراطية مقلقة جدا.

بالنسبة لمبتسمعيش عن أخبار بتوع حقوق الانسان، أكيد منتيش مركزة، لو سمعتي عن تعذيب أو اعتقال أي حد فده لأن فيه نشطاء حقوق انسان اتحركوا، و عموما موقع الشبكة العربية لمعلومات حقوق الانسان بيعمل متابعة للتقارير اللي طالعة من مصر و البلاد العربية.

مسألة مين وقف مع عبد الكريم الخريطة معقدة، وقف معاه ناس من اللي بيقفوا مع الجميع و وقف معاه ناس من اللي بتنقي قضاياها، يمكن قريب أعمل تدوينة بخريطة لمنظمات حقوق الانسان اللي أنا بحترمها و بثق فيها.

عبد الكريم محظوظ لأنه محبوس على ذمة قضية و فيه حقوقيين مهتمين بيه و بيدافعوا عنه لكن ماذا عن آلاف الإسلاميين المعتقلين دون محاكمة ماحدش بيدافع عنهم ليه ولا سائل فيهم.... فقط بعض الاهتمام بالقيادات الكبيرة مثل عصام العريان أو قضية طلاب الأزهر لما نالت من اهتمام او من لهم منبر إعلامي كأبو إسلام عبد الله.... لكن حتى مجرد هذا الاهتمام لم يكن من نصيب آخرين كثر كالشيخ نشأت و الشيخ فوزي السعيد و غيرهم آلاف آخرين.... هل سقط كل هؤلاء من دائرة اهتمام الحقوقيين أم أنها طلبات اللي بيدفع أجرة العازف

كلامك صحيح طبعا فيه ناس خدت دعم اعلامي و ناس لأ، و فيه ناس عرفت توصل لمحامين و نشطاء في الوقت المناسب و ناس لأ.

لكن تفسيرك لده عبثي، أولا التعليق العجيب اللي عن نصر حامد أبو زيد، قضية علمية ايه حملة التضامن بدأت بعد رفع دعوة حسبى لتطليقه عن زوجته مش بسبب خلاف على ترقية أكاديمية، موضوع الرسالة و درجة جودتها مش الموضوع أصلا.

ثانيا خد قائمة غير كاملة بتقارير و بيانات مراكز حقوق الانسان اللي أنا أعرفها معرفة وثيقة

دول عينة لأكثر النشطاء بذلا للجهد و أكثرهم حيادا في اختيار قضاياه، لكن فيه غيرهم برضه و تقدر من نفس الموقع تتفرج على أعمال مراكز عديدة من مصر و البلاد العربية.

أظن صعب جدا تقول أن فيه انحياز لقضايا معينة حسب أيديولوحية أو خلفية المتضرر بعد مراجعة سنة من عمل المراكز اللي أنا ذكرتها.

كونك سياسي أو ناشط معروف أو ليك منبر اعلامي أو تنتمي لجماعة منظمة أو لنقابة طبعا بيديك فرصة أكبر لأن محنتك تتعرف و أن الناس تتضامن معاك، ده نتاج طبيعي لوجودك في شبكة علاقات واسعة و و لأنك هتبقى عارف (أو حد قريب منك هيبقى عارف) تتحرك ازاي و تروح لمين و هكذا، بغض النظر عن مدى عدالة ده من الطبيعي جدا أن حبس أيمن نور ظلما يلاقي تغطية اعلامية أكبر من حبس مواطن مجهول ظلما رغم أن الظلم واحد، الشكوى من بديهيات الكون عبث.

أنت متصور يعني أن أهالي الألاف المؤلفة من المعتقلين دول راحوا لحقوقيين و طلبوا المساعدة و الحقوقيين قالولهم ربنا يسهلكم؟

أظنط أزكي من كده، المطلوب هو أن يزيد عدد الناس اللي شغالة و عدد الناس اللي مهتمة و يحصل جهد جماعي أكثر بحيث نقدر نتعامل مع قضايا عامة (المعتقلين عموما) مش نتعامل مع ضحية ضحية و بس.

و يا سيدي ابدأ أنت و لو أنت فعلا بدأت دور على معارف و أصدقاء و شجعهم يبدأوا، اعمل موقع أو مدونة و وثق فيها حالات الاعتقال اللي مش واخدة نصيبها من التغطية الاعلامية أو اللي مش في دائرة الاهتمام، حاجة كده زي موقع التعذيب في مصر مثلا و أيدي على أيدك لو محتاج مساعدة.

بالفعل الحالات موثقة، عمود سجين سياسي و صفحة ديوان المظالم في جريدة المصريون تقوم بجهد في هذا التوثيق لكن لا أدري هل هناك تنسيق بينها و بين منظمات حقوقية أم لا و إن كان لا فلماذا ... أتفق معك في أن هناك قلة وعي كبيرة و لا يدري الناس أن هناك من يمكن أن يدافع عنهم .. لكن يشترك في هذه النقطة المنظمات نفسها التي عليها أن تقوم بجزء من دور التوعية المطلوب هذا

غالبا هناك تنسيق مع محامين على الأقل، لكن ممكن يكون مطلوب عمل تقارير مجمعة مبنية على ما ذكرت، يعني مثلا كل سنة قائمة بأسماء المعتقلين الجدد و احصائيات و ما شابه.

معاك حق طبعا في أنه جزء من دور المنظمات الحقوقية نشر الوعي و تشجيع المشاركة، بعضها بيحاول يعمل ده و بعضها تركيزه في سكك أخرى.

لكن في النهاية المشكلة مش نابعة من انحيازات أيديولوجية شللية و الجري وراء السبوبة (كلها حاجات موجودة طبعا لكن بنسب طبيعية).

لا وايه عندنا يساريين فى المنصورة عملو مشاكل مع الامن عشان يعملو عزا لصدام اللى هو على حسب كلامهم أشرف راجل فى العرب بعد عبد الناصر وانه راجل وقعد يشتم بوش فى وشه وياريت يجيلنا واحد زيه وبيتقال عليا وعلى أمثالى خونه وعملا لأمريكا واسرائيل وكلام كبير كده مش بفهمه وعايزنى أكسبها:-)

على فكره حالة التعاطف مع صدام حسين دى عند ناس اكتر من اللى توقعته لاسباب مختلفه اكترها مش مقنع لدرجة انه فى ناس عملتله عزا فى بيوتهااما حكاية الديموقراطيه بصراحه انا بحس ان اغلبية الناس اللى واخدين اتجاه او حزب معين دول بيتكلموا عنها لاغراض خاصه لكن اول ما يوصلوا لاى سلطه هتلاقيهم اول ناس يكسروها و الدليبل على كده ان كل التيارات دلوقتى بتهاجم صعود الاخوان المسلمين و ما احترموش ان دى رغبة اغلبية الناس اللى انتخبوهم يبقى فين احترام الديموقراطيه و حرية الراى

مش صحيح أن كل التيارات بتهاجم صعود الأخوان، و مش كل التيارات اللي بتهاجم صعود الأخوان بتهاجم ده من منطق حرمانهم من المشاركة، ممكن أني أهاجم اختيارات الأغلبية من غير ما أتعارض مع الديمقراطية طالما أني مبقولش تحرم الأغلبية من الاختيار ده.

لكن للأسف ناس كثير في أغلب التيارات عندها رغبة في اقصاء الاسلاميين عموما و الأخوان خصوصا من المشاركة.

من الاخر ناس تشتم في صدام وناس تقول وناس تعمل ..هقول الحاجه اللي الناس كلها متعرفهاش ...صدام مات..ياناس انا معاكوا صدام كان ابن ملاديع ..... بس سؤال هوا بقي هوا ابو ناهيه كام واحد عراقي مات وصدام عايش وكام واحد عراقي هيموت لما صدام مات وقبل مايموت دا طبعا في الحرب الاهليه اللي شغاله بين السنه والشيعه يعني صدام لما كان عايش وماسك العراق احسن لما دخلها الامريكان علي الاقل الشعب كان عايش دلوقتي الشعب بيموت وحقيقه واقعه لما صدام مات الامريكان كانوا بيغيظو العرب اللي قاعدين في امريكا وسمعتها بودني حاجه بقي محش خد باله منها صدام قدام الملأ كله قال أشهد ان لا اله إلا الله ودي كفايه يجماعه نظاميين ايه ولمبي ايه وليه منقلش مصريين ولا خلاص مبقناش تبع الارض دي ..عموما صدام مات مسلم وميجوزش عليه غير الرحمه ومنكرش اني زعلت عليه دا برده مسلم وكمان عربي ومات اسد وعاش اسد وفي الاخر بحبك ياستموني مهما الناس لاموني ياريت تزوروني علي مدونتي الجديده عشان تضيفوا تعليقاتكم وعشان المدونه تتنشر وشكرا وارجو الرد علي تعليقي http://spoony31.blogspot.com/ ياريت تضيفوا مدونتي

مات مسلم؟!!!!

مبروك على الاسلام

بتحب صدام ؟؟؟ وعامل تيجب ادلة عشان تثبت انه مات ع الاسلام ؟ في غيرك بيكره جدا وبيحلف بتربة سته انه مش هيورد ع جنة طبعا الموضوع في وجهتين نظرزي ما بتقول الحكايات التالية / الحكاية الاول : مرة واحد قال لمراته انت طالق لو كان الحجاج ف الجنة - لاحظ الحجاج وهو لم يفعل ربع البلاوي اللي صدام عملها- طيب الرجل بعد ما قال كده جاءه ينام معها رفضت وقالت اسال شيخ فراح الرجل للحسن البصري فقص عليه فاجابه الحسن البصري لوكان الحجاج علي ما يفعله ف الجنة اذن لا يضرك ان تزني بامراة والمعني واضح/ القصة الثانية الرجل الذي قال لا اله الا الله فقتله سيدنا اسامة فغضب النبي لذلك وقال ءاشقت ع صدره؟ اللهم اني بري مما فعل اسامة

عمتا من الصعب ان اظل محتفظ بحقدي ع احد بعد ان يموت الا اني لما استطيع ان افعل ذلك مع صدام لم يشفي غليلي انه قتل فقتل وسجن الناس فسجن وقل اولاد الناس فقتل اولاده وشرد عائلات فشردت عائلته اللي ف الاردن واللي ف بيروت واللي ف قطر واللي ف امريكا رغم العدالة الشعرية التي حدثت له قبل ان يموت الا اني اشهد الكل اني اكره واعتقدي الشخصي انهم لو فكروا ان يعملوا تماثيل لاكتر ناس خدموا امريكا فلابد ان يعملو تمثال لجورج واشنطن ثم صدام ونفس الشئ بالنسبة لاسرائيل حتي لو مات تائبا فقد تسبب ف كثيرا من الذل والقتل والتشرد لكثير من الناس ولابد انه يحتاج الي كثير من الرحمة حتي لا يذهب بجوار فرعون وهامان

وانت مدام بتحبه اوي كده دايما ادعي وقول اللهم احشرني معه مش ف الحفرة لا ف النار او الجنة اللي انت عايزه يدخله باعتباره ان قال الشهادتين - علما انه اي تاجر مخدارت قبل ما يعدموا بيقولهم طيب ابقي ادعي ان ربنا يحشرك معه ولو خفت تدعي الدعاء ده اسمح لي اسألك هي هذي المرجلة ؟؟؟؟؟

I know this post was written a while ago, bas bsara7a el comment wa2ef fi zory.

I really believe that Human Rights organizations in Egypt are clearly following the 'culture relative' theory in promoting Human Rights and not the 'universal' theory, which promotes equal rights to pple everywhere for the purpose of the 'human' attribute and not according to culture. I really do believe that Egyptian Human Rights organizations are 'culture-biased' when they choose their causes... I am not a big fan of them, bsara7a, I think all Human Rights monitoring bodies should be international and not biased, even if that infringes on state sovereignty in cases where States abuse their citizen's rights.

Stalinists? alive? in Egypt? ya 3eny... didn't the founding fathers of Stalinism mutate and deform the left and ended up fachistic? tab rabena yostor ba2a 7es keda, asl e7na na2seen

Liberals? Well I guess the minute you don't believe in the 'free market' of ideas (& religion) you stopped being liberal, I wish the NDP was truly 'liberal' as it claims, kan zamanhom ghayaro 7gat keteer... or maybe i'm just optimistic... and dellusional

Arab Nationalists ba2a we 3ashet el omma el 3arabeya we keda? yabdan... howa e7na mesh ne7'ally 3andena shwayet karama b2a wenshoof in el 7agat di kan leeha wa2taha? omma 3arabeya eh? rakezzo shwaya wenabi... mesh ne7el el khara el gowwa baladna el awel weba3den ne7arrar el quds??

Islamists? yeah ok they're the most popular, but who says thats a good thing? do you trust someone who uses emotional manipulation to brainwash you? well religion in politics is manipulating pple's emotions into being scared to go to hell so they'd vote islamic.... how can you judge who's honest and who''s after the power and influence and all that good stuff? Religion should stay out of politics, 3eb keda, el dawla malhash deen, mesh hatmoot wetroo7 tetse2el 3and 'rabena' kanet deyantek eh ya 'dawla'? Majority rule is fine by me if the majority knows what its doing, if it has to be imposed on society until society reaches puberty and sees for its self, fine by me, i know -- i'm sorry, akdeb ya3ni?

Under all circumstances, Leftists, Libs, Arb Nats, or Islamists, must all realize that its not a change of regime that would actually make things better, its the change of policy, yafar7ety law el ekhwan mesko weba2o anyal men el osra el 7akma 7aleyan? hane3mel eh e7na with a new regime that makes bad policy? maybe the fact that it could be worse gives us patience... or does it??