You are here

البحث عن مثقف منفوخ

Primary tabs

ده ابتدى تعليق على البسطاء و المنافيخ بس وسع مني شوية، الجزء الأخراني مشافتهوش منال و بالتالي غالبا ممل، و بعدين الكلام ملخبط في دماغي فأخترت أوقف و خلاص من غير ما يبقى فيه ختام واضح.


أنا أصلا عمري ما فهمت المناقشات اللي مبنية على مصطلحات غامضة

يعني ايه مثقف؟

الكلمة جاية من ثقافة صح؟

يعني في حد عنده ثقافة و حد تاني لأ؟

يعني ايه معندوش ثقافة عمره ما سمع أغنية أو شاف فيلم أو قرأ كتاب و سمع قصة أو نكتة أو شاف صورة أو رسمة؟ عمره ما حكى و لا غني و لا قرى و لا رسم؟ عمره ما سأل ولا ناقش و لا رد؟ مظنش البني أدم ده موجود

يبقى ازاي معندوش ثقافة؟

أكيد المقصود أن المثقف عنده ثقافة أحسن (أو على الأقل ليها طباع مختلفة) عن غير المثقف

طب مين بيحط معيار أنهه ثقافة اللي كويسة و مهمة و أنهه اللي مش مهمة؟

مش فاهم بالمرة، يا أما الكلمة لا معنى لها يا أما المثقف هو اللي بيقول عن نفسه أنه مثقف، أو اللي الأخرين بيقولوا عليه أنه مثقف أو اللي المثقفين بيقولوا عليه أنه مثقف

لكن لما هو الموضوع غامض كده ازاي بنقدر نرصد و نعمم و نقول المثقف مش عارف ماله و الغير مثقف ماله.

أنا مقصدش عاوزين تعريف واضح و محدد جدا، صعب مثلا تعريف هاكر لكن عموما الكلمة تستخدم للاشارة لمجموعتين من البشر واضحي المعالم، لما بقول عن نفسي أو عن غيري هاكر بأبقى فاهم جدا أنا أقصد ايه (طبعا ممكن يكون مثقف كده برضه و أنا بس اللي مش فاهم، أكيد وضوح كلمة هاكر بالنسبة لا يشاركني في ناس كتير، و أكيد كون الكلمة بتشير لجماعتين مش جماعة واحدة ده بيلخبط أكتر).

نفس المشكلة مع كلمة بسطاء، أبسط من ايه بالظبط؟ ده كلام عن تعليم ولا عن خبرات حياتية؟ و لا عن قدرة على التحليل و دراسة الذات؟ ولا ده انتماء طبقي ما ؟

بلاش دول نفترض جدلا أن واضح مين هو المثقف و كلنا فاهمين معناها ايه، ايه بقى أزمة المثقف دي؟

يعني أحنا عارفين من هو المثقف و كمان عارفين هدف لحياته و رصدنا أزمة عنده في أنه ينفذ الهدف ده؟ ولا ده مثلا عشم نفسنا المثقف يعمل كذا و الأزمة انه ما بيعملش؟ و لا المثقف ده تأثيره خطير على غيره و الأزمة أن التأثير مش عاجبنا؟

بعيدا عن الناس تقصد ايه بمثقف و مش مثقف حاولت أدور هل أنا عندي تصنيف ما للبشر مرتبط بالثقافة اللي هما مطلعين عليها؟

لقيت أن لحد قريب كان عندي أقتناع أن فع معرفة cannon، حاجات لو الواحد ميسمعش عنها يبقى في نظري حمار و مبيفهمش، زي مثلا المعلومات الأساسية اللي عن الفيزياء الكونية في كتاب "موجز تاريخ الزمان"، أو أبسط مفاهيم الاحصاء و حساب الاحتمالات و التفاضل و التكامل، أو أفلام الدوجما 95 أو حركة الزاباتستيون الجدد و غيره.

و بعدين لقيت العملية مش كده، صحيح باستريح أكتر للناس اللي مشاركاني الاطلاع و الحد الأدني من المعرفة بالحاجات دي لكن قابلت ناس كتير محسيتش أنهم حمير ولا يسمعوا عن الكلام ده، منهم اللي طلع يعرف عن حاجات أما حمار فيها و منهم حتى اللي مهتمتش أكتشف بيعرف ايه و مبيعرفش ايه.

بطلت أصنف الناس بالشكل ده، في المقابل بصنف الناس بمدى تنوع الثقافات اللى هما مهتمين بيها أو مطلعين عليها، حد مهتم و متابع كل ألعاب الكمبيوتر و الأدب و السينما الاستهلاكية (هو الواحد لما يعوز يحط صفة على كلمتين معطوفين نوعهم مختلف بيخلي الصفة مذكر ولا مؤنث؟)، و الكوميكس و برامج التلفزيون، و مطلع على حاجات مندي من أكتر من بلد و أكتر من فترة زمنية يفرق ايه عن اللي قاري فلسفة بتاعت ثقافات و حضارات مختلفة و له في الفن التشكيلي ال"راقي" و الموسيقي الكلاسيك؟

لسه عندي شوية cannons لو متعرفش هاري بوتر و مشفتش الليمبي يبقى فيك حاجة غلط، لما يبقى في حاجة كل الناس بتتكلم عنها و مأثرة فيهم جدا بحس أن لازم تنضم للقطيع (مش في الرأي لكن في الاطلاع على الحاجة) غير كده يبقى في معرفية أساسية فايتاك.

طبعا أنا مفتري أكتر من كده كمان، زيادة الاهتمام بمواضيع معينة ممكن يقلل من نظرتي للبني أدم، يعني أي حد مهتم بالغيبيات جدا بستتفهه (مين عير ما أدي لنفسي فرصة حقيقية أني أفهمه).

بس كل الكلام ده لا علاقة له بكلمة مثقف، في المعتاد اللفظ بيستخدم عشان نصنف الناس لمجموعة المفروض دورها السياسي و تأثيرها يكون أكبر من التانيين، لا الcannons و لا التنوع الثقافي اللي بقول عليه يفرقوا في دورك السياسي و وزن رأيك.

حتى التقسيم البسيط الواضح بتاع متعلم غير متعلم أو أمي غير أمي ما لوش قيمة سياسية كبيرة لو أخترت الديمقراطية، ما هو اللي مفروض جاهل ده له رأي في مصير نفسه برضه و زيه زي رأيك المتعلم بالظبط. الموضوع أعقد لما تدخل في رأيهم في مصائر بعض، لكن مينفعش برضه نقول مثقف من حقه يدلي بدلوه في مصالح كل حد، بسيط يبقى يقول رأيه في الحاجات اللي تخصه و يسكت.

سيبك من ده كله، يا ريت كل حد بيستخدم كلمات زي مثقف، بسيط، مواطن عادي، نخبة، صفوة، مهمش الخ يشرحلي يقصد ايه بالظبط

Comments

Congrats on the new theme. Fuscia revolution? :p

hmm, i tried to stop myself because usually all my comments make no sense. but i have something to say on the topic too. i think i was intersted in things such as stephen hawking and dogme ... 3 years ago. but i never watched a dogme film or finished brief history of time. i found myself shifting interests easily afterwards. i would never really call myself "mothaqaf" ... the word still has a blod implication in my head of poetry-loving novel-reading people who wear eyeglasses and speak correct Arabic (remember the 30s). sometime earlier this year i find out about the "neo-mothaqafeen" ; which are pinkfloyd-loving, wikipedia-reading bloggers. Eventhough i think the second are much cooler, i wouldnt call myself one of them either.

that was my mind's initial stupid answer to alaa's question. these are my "cannons" somehow.

والله يا كابتن علاء أنا لسه قايلة لغادة حالا ان انتم الاتنين معقدنى بالموسيقى اللى عمرى ما سمعت عنها بتاتاً وكويس قوى انك بطلت حكاية التصنبف دى عشان كنت هبقى حاجة وحشة جداً

بعد الشغل الحلو قوى اللي عملتيه في الرب العاطل اللي يشكك في ثقافتك نطخوه

مبروك الطراز الجديد. قل لمنال تسلم إيدك و نفَس التنين.

أنا متفق معاك في اللي قلته، لكن غالبا المدون الأصلي كان يقصد ينتقد الكلم المتقعر، أما محاولتك الوصول لدلالات محددة لمعنى كلمة مثقف و بسيط فأنا كمان كنت باهرب منها لكني ممكن أخاطر و أفكر فيها دلوقتي و أنا أكتب:

مثقف: شخص يشغل معظم وقته في التعاطي الفكري المجرد، و يمكن يكون له فكري بالكتابة أو بالكلام يخلي الناس اللي حواليه يقولوا فلان يعتقد كذا و يقول كذا، يعني يؤثر فيهم، مهما كان الكلام دا.

يعني "المثقف" يصنعه الآخرون. طب لو كان الآخرون دول ضايعين و في واحد يدوب مخه مسعفه أن يمارس الحد الأدنى من التفكير و هما عملوه مثقف! يعني الثقوفية نسبية و تعتمد على الثافة السائدة! و لا ممكن نقول أن البشر في أي مكان عندهم حد أدنى لما يمكن يقبلوه على أنه ثقافة مهما كانوا هم ضايعين و بالتالي لن يعترفوا لشخص ما بالثقافة لمجرد أنه أقل ضياعا؟

بسيط: شخص تشغله محاولات البقيا (survival) عن التفكير في أبعد من حاجاته الأساسية، ليس بالضرورة لقصور في قدراته العقلية أو ذكاؤه، لكن لظروفه أو لاختياره.

معنى كده أن ممكن يوجد مثقفين و احنا مش عارفين لأنهم ما بيتكلموش، و دا مش ممكن اثباته إلا لو اتكلموا.

...أي كلام...ما علينا

أخيرا: يخلي الصفة مثنى مذكر، إذا كان ملتزم بالقواعد الكلاسيكية، و ممكن مؤنث إذا من كانت من بتوع اللغة المحايدة و الحركة النسوية و الكلام الفاضي دا، و ممكن يكتب أي عدد و أي نوع إذا كان مقتنع أن اللغة مجرد وسيلة و أن المهم الفكرة و خليها على الله.

و في الختام أحب أقولك ما تاخدش كلامي بجد لأني مقريتش هاري بوتر و شكلي عمري ما هاقراه، و لو مجاش اللمبي في التلفزيون و أنا قاعد قدامه بالصدفة مش هاشوفه لأني معنديش استعداد أهدر فلوسي اللي هي محدودة بالتعريف أو أتعب نفسي بالتخطيط علشان أتفرج عليه عمدا :)

اكتشفت أن تعليقي دا في أخطاء كتابية كتير و كلمات واقعة!

و يمكن يكون له فكري بالكتابة = و يمكن يكون له إنتاج فكري بالكتابة

يعني يؤثر فيهم، مهما كان الكلام دا = يعني يؤثر فيهم، مهما كان الكلام دا بسيط

قال صحيح أنا لو والج في نظام دروبال أقدر أعدل تعليقاتي بأثر رجعي؟

طبعا بعد شوية قلنا الكلام ده هناك في التعليقات:)

لكن عموما أنا كنت أعتقد انه لفظة مثقف هناك واضحة الدلالة..شخص ليه سمت معين..مش أكثر من كده..

هاتقوللي ازاي يعني مثلا بيلبس نظارة قعر كباية؟..هاقوللك احتمال..

تعليقي مكنش على المثقفين نفسهم بشكل عام..وإنما تحديدا على المنافيخ "وهو واضح هناك على ردي على وليد"، المنافيخ كما هو واضح من الموضوع: "ناس شايفه انهم أصحاب اطلاع واسع جدا في مجال ما، ولديهم نوع من الكبر على اعتبار انهم صفوة..أو لنقل ثروة قومية، بأفكارهم ورؤاهم" هؤلاء المنافيخ يتبادلون الأدوار بين مصفق ومصفق له.. فمرة واحد يقول عبارة ضخمة مالهاش ملامح والباقي يصفق..ثم ينتقل الدور إلى من بعده وهكذا دواليك:)

البسطاء أيضا وضحتهم: "هم الفئات التي تتكلم بلغة بواب العمارة..أو بتعبيري هناك في الموضوع لغة الصناع أو الفلاحين أو حتى علماء الشريعة" المهم أنه ليس ممن يشبهون المنافيخ في الشكل ولا أسلوب الكلام..لأن المنافيخ كلاكيع..وعكس الكلاكيع هم البسطاء:)

بالمناسبة..حضرتك تقصد أكيد معرفة common مش cannon..صح؟ :) _ كام حاجه عالسريع:

  • هو إيه دلالة كون منال ماشافتش الجزء الأخير؟..انتا فبيتك رقابة زي اللي فبيتي؟ :)
  • لو كان حيلتي حاجه كنت اديتهالك جايزة أغرب تعليق..أصل محدش غيرك سأل يعني إيه بسطاء:)..حتى اللي سألوا السؤال الشائع "يعني إيه مثقف؟" :)

طبعا المنافيخ كانت مفهومة جدا و عرفت أنت تقصد مين أنا بس استغربت أن عكسهم البسطاء مش المحترمين مثلا :-)

لكن الكلام عندك فكرني بمنقشات عبثية كثيرة فقلت أسأل (و ده سؤال فعلا يعني رد رامي مثلا غالبا بيوصف تعريف ناس كتير و لو كنت عارف كده من زمان كانت درجة العبث خفت جدا)

أنا بس لما بستخدم كلمة ثقافة بقصد بيها أي ثقافة و معنديش طريقة لتصنيف الثقافات غير ذوقي و رأيي الشخصي، ده غير أني زي ما قلت قابلت ناس احترمتهم و استفدت منهم كانوا ملمين بتفاصيل ثقافات لا أفقه فيها شيئ رغم أنهم مش عارفين حاجة في العلم مثلا اللي كنت معتبره أهم حاجة.

أما موضوع منال فده مش رقابة بس التدوينات اللي بكون مش مستريح لها بأخد دايما رأيها، و بعدين التدوينة اللي تعدي على منال بيكون غالبا فيها علامات تنصيص (punctuation) أكتر و أخطاء املائية أقل :-)

في موضوع بسطاء أنا بس عاوز أقول أن تعريفك مبني على اللغة المستخدمة فقط، يعني لو قلت التعريف الطبقي الدارج ده برضه مش دليل على مقدار الخبرة الحياتية، راجل غلبان أتلطم في نجوع مصر كلها و سافر و غير شغله و سكنه عشرات المرات بحثا عن الرزق (stereotype أنا عارف) غالبا عنده خبرة عالية جدا بالحياة.

نظريا لتعليم و القراءة و غيره بتساعد في قدرتك على التحليل، و بالتالي لو الراجل الجزافي بتاعنا ده غير متعلم يبقى ممكن خبرته الكبيرة متترجمش لشيئ أكبر من أنه يربي أولاده كويس مثلا.

عمليا مش كل بسيط غير متعلم، و التعليم عندنا أخر حاجة بيحققها هو تنمية قدرتك على التحليل.

"شخص ليه سمت معين"

تقصد "سمة معينة" يا عياش. صح؟ لأن السمت هو القمة.

canon يعني معيار أو مقياس و منها canonical، و في الإطار الكنسي تعني مجموع الكتابات و النصوص المعترف بها و كذلك أوامر الكنيسة.

و غالبا يقصد علاء كيانا معينا من المعرفة الواجبة.

لفظ "سمت" يستخدم بمعنى "سمة" في اللغة العربية..تجدها مثلا في المقامة الحجازية لبديع الزمان الهمذاني في وصف الحمام.. ليس معي النص الآن:)

شكرا على المعلومة بخصوص canon :)

واضح هنا أيضا شيء آخر..هو اختلاف الثقافات..:)

يعني لو قسنا ثقافة إنسان بإنسان فسنعجز عن تحديد من أكثر ثقافة بشكل واضح..لأننا غالبا ما سنقيس كلا منهم بما نعرف..أما ما يعرفه هو ولا نعرفه نحن..فإننا لن نسأل عنه من الأساس!..

على فكرة موقع بلوجر مقفول في السعودية وانا الآن في ورطة..عايز أحط تدوينة وعايز أحط تعليق ومش عارف!..ياريتني كنت شغلت خاصية البوست بإيميل!

بعتت لهم إيميل وعلى يطمر فيهم!

جرب تستخدم بروكسي من هؤلاء مثلا.

لا أضمن أن يعمل أيها من عندك، و لا أضمن أن يعمل مع بلوجر تحديدا.

أعتقد-حيث إني برضه أثرت السؤال-أنّ هناك ثمة تعريف للمثقف (حلوة ثمّة دي؟) يأتي من كلمة intellectual وهي بشكل ما تصف شخصاً أقرب لليسار منه إلى اليمين، قرأ رأس المال لماركس وقرأ لهيجل ولفرويد وربما سبينوزا وتعلم مفردات التحليل الجدلي، إلى جانب قدرة لا بأس بها على الإلمام بالأيديولوجيّات المختلفة، ويا حبذا لو كان لديه رؤية معيّنة لحل مشكلات العالم. وشاع بين من ينطبق عليهم هذا التعريف سهولة استخدام كلمات متتالية تنتهي بالـ "ية": الديمقراطيّة اللولبيّة الاستهلاكيّة التعبويّة التنمويّة إلخ... وليس في هذا أيّة سخرية

كما تسمع منهم مفردات مثل: "الإرهاصات/ التداعيات/ التعاطي/ التفاعلات/ إلخ"...

R

تصور رغم أن ده تعريف محدود جدا و مهين يعني أنه تبقي هي دي الثقافة و الباقي يروح لكن غالبا ده فعلا اللي أغلب الناس تقصده، نورتني يا أخي

طبعا كلمة intellectual دي مصيبة كأن بقيت الناس بهايم مثلا مخهم مش شغال، الموضوع على بعضه مبحبوش

مشكلة أخرى هي أن في العربية لفظة "مثقف" و "ثقافة" يأتون من جذر واحد،

مع العلم بأن "ثقافة" لها دلالة أخرى و هي مجموع عادات و تقاليد و لغة و معتقدات مجموعة من الناس.

لكن الفرق بين intellectual و culture واضح و لا يدعو إل مثل هذا الخلل

لذلك نجد أن استعمال مفكر للدلالة على intellectual شائع.

من ناحية أخرى يمكنني أن أتخيل أن الفرق بين مثقف و مفكر هو فرق بين مطلع على الثقافة و الفكر و آخر منتج لها، أم أن هذا الفرق هو تحميل زائد من عندي؟

لاحظ مثلا أن إدوارد سعيد مفكر.

لاحظ أيضا أن كلمة مثل "فيلسوف" لم تعد تستعمل و لا تطلق على الأحياء، إلا في حالات نادرة، مثلها مثل "قديس" -هناك قديسون أحياء - ربما لأن الفلسلفات ما بعد الحداثية كلها ضد-الفلسفة و يأتي بها أشخاص يمكن أن يعتبروا في السياقات العادية حمقى :)

حتى زكي نجيب محمود نجد من يرفض تسميته بالفيلسوف لأنه لم يأت بفلسفة جديدة مع أن المعنى الأصلي لفيلسوف هو مجرد شخص "محب للمعرفة".

ما ده هو فهمي لمعني كلمة الثقافة و بالتالي مفهمتش مين اللي مش مثقف

برضه مفكر متنفعش يعني اللي مش مفكر ده بيبرمجوه مثلا أكيد بيفكر، و بعدين ايه الهدف من التقسيمة أصلا؟

يعني أنا بالنسبة لي ادوارد سعيد كاتب، باحث، موسيقي، الخ لكن ايه مفكر دي؟

و بالنسبة لفيلسوف فوكو و ديريدا يقال عنهم فلاسفة يعني مش لازم يكون من الأقدمين

there is a big difference between the two. people can be doctors, scientists or engineers, but that doesnt mean they are intellectual!! intelectuality is not about how much u know in a certain field,its about personality, actions and reactions, application of what ever any one might know to different situations one might face...

i once have been told that im not Mothakafa... it got me thinking about the whole knowledge and intellectual delima.. made me read about things that i was not interested in what so ever... and guess what?? obtaining knowledge made me know more about certain things, but didnt change my beleifs or values... i personaly think that intelectuality is relative... people are different... knowledge is too broad to be contained in million brains even... but intellectuality is being able to use ur knowledge to benefit the right ppl in the right time. more to do with wisdom in directing ur knowledge and efforts...

هو من يستطيع التفرقة بين ما بعد الحداثة و ما بعد الحديث

البساطة أنا لم أعني بها رقة الحال:) وإنما عنيت بها تواضع الشخص..سواء كان ثريا أو رقيق الحال..لكنها طبع في الإنسان أن تجده يتكلم بأسهل ما يمكنه أن يطاله من الكلمات:)..ودون مواربة أو إطالة تريث قبل كل جملة على أساس انه "مش واخد خوانة" :) يعني مش لازم البسيط ده يكون واحد جاي من النجع..كلمة البساطة تطلق على واحد ممكن يكون رئيس مجلس إدارة شركة:)

التعليم ممكن يكون من أهم ما يصقل قدرة الإنسان على التحليل والتعاطي الصحيح مع الأفكار.. وأقصد بالتعليم: التعليم الأكاديمي..وخصوصا للعلوم التطبيقية والإنسانية..

لكنه لن يعني احتكار القدرة على التفكير لحساب المتعلم:)..يعني ممكن واحد فعلا كل علمه هو بالفلاحة "وهي علم كبير بالمناسبة" أو بالخراطة "وهي صنعة إبداعية على فكرة"..لكنة يدخل بمداخلة بسيطة أثناء محاولتك لتبسيط الفلسفة على فهمه..فتقلب أفكارك رأسا على عقب!

تعريف رامي للمثقف لم أستسيغه..حاسس انه من بقايا محاولات اليساريين القديمة لاحتكار صفات ما كعلامة تجارية لهم مثل "التقدمية، العدالة الاجتماعية، الثورية"، ثم إن محاولة جعل اللغة هي أحد المقاييس برأيي "وهي لغة مستمدة في معظمها من الثقافة اليسارية أيضا" هي باب رائع..مفتوح للإخوة المنافيخ على مصراعية:) لا أنكر رغم هذا أن معظم المثقفين اليوم اطلعوا على هذا الاتجاه الفكري وأنهم يتحدثون هذه اللغة:) ولا أنكر أيضا أن جزءا من التعريف راقني على الأقل "الإلمام بالأيديولجيات المختلفة" و "رؤية ما لحل مشاكل العالم".. لكنني أهتم بشدة بنوع الإلمام..هل هو سليم ومحايد؟..أم أنه مثل القصص الشعبية المتداولة؟..كما تداول الناس قصصا وروايات عن الشيوعية والشيوعيين.. ونوع الرؤية أيضا..هل هي واقعية قابلة للتطبيق؟..أم أنها "ككثير مما رأيت" أقرب لقصص الأطفال..وارجعوا لموقع القذافي:) طبعا سيختلف الناس على تقييم شخص ما هل هو مثقف أم لا..هذا أراه طبيعيا:)

وحتى تعريف مصطفى لم أستسيغه لسبب..هو أن التفرقة بين الحداثة وما بعدها ليس مفهوما..يعني يفرق بشكل نظري..ولا يفرق بين مفكر حداثي وآخر بعد حداثي مثلا..ولا إيه الفكرة فيها بالضبط؟..

نسبية الثقافة أو التعريف الذي أورده ألف كان الأقرب لقبولي تماما..وحتى تعريف ألف أيضا للبسطاء أراه قويا.. بالمناسبة..تهاني يا ألف..فالتعريف يعد أرقي العمليات الذهنية.. ابقى عدي علينا كل ما نتزنق في تعريف:)

قرأت مؤخرًا، ولا أتذكر أين، مقالة عن الفرق ما بين شخص cultivé أي مثقف بمعنى ذو معرفة وعلم ودراية بأشياء كثيرة أيًا كانت التخصصات، وشخص intellectuel وهو مثل سابقه، لكنه يزيد في أنه يستخدم هذه الثقافة في التأثير على المجتمع سواء بالمشاركة السياسية أو الإعلامية وغالبًا بالإثنين. أعتقد أننا في اللغة العربية لا نفرق ما بين الإثنين وإن كان من الجائز أن يكون الأول هو "المثقف" والثاني "المفكر"! ما رأيك؟

Hello,

First of all I'm sorry for typing this in English, my keyboard doesn't have Arabic characters on it (I'm a slow Arabic typist), there's a show I wanna watch on TV in 5 minutes and I know that if I didn't write this now I never will.

I've been pondering with this idea for a long time. Mainly throughout last year.

What's knowledge? How can you define if someone knows more or less than you do? How can you grasp knowledge?

Throughout my life I've been (or what I think I've been) a humble person. I had my ignorant days when I thought I knew it all, but then again I was just a teenager.

I believe it was Confucius who said "To know, is to know that you know nothing. That is the meaning of true knowledge". I strongly believe in that We all know something or another, either in detail or in general.

Someone said before that speciality is when you learn more and more about less and less, and one day you realize that you know everything about nothing (or something to that extent). This is basically what we've ended up with now.

You see people specializing in back end web development for instance, and then there are people who specialize in a certain language (PERL or PHP), but if you zoom out and look at the big picture, what do they really know? A couple of languages in web development, but what about the rest of Computer science? Hardware, Algorithm theories, etc.

Then zoom out a little bit more, that's all just computers, what about other branches of science? Engineering, Medicine, Linguistics, etc.

You can see where I'm going with this. There's simply no way to measure a person intellectual level to a scale, because no one human can accumulate all knowledge (we don't even know how our brain functions).

With that in mind, I've conversed and sat with people from different cultural and professional backgrounds. From janitors in Cairo, to Rich kids in Maadi, to CEOs in Qatar, to contractors in California. Teenagers, Senior Citizens, You name it!

I always end up learning something from someone, and I realized that you just keep learning as you go.

The problem with most people is that they reach a certain point where their ego kicks in and they start to believe they're all knowledgeable when they're actually full of it.

I remember I met someone in Qatar who thought he's a computer god, and laughed when I saw him carrying a laptop and asked "Are you into computers?". He waited till a friend of his introduced me to almighty "Dr. CCNA"!!

There's a story I heard once about being a full cup (it'll probably take twice the size of this post). Moral of the story, if you think you know it all you'll never learn anything new.

Anyway, my show is on. Please excuse any inappropriate analogies or the random brain dump that I just did, I'm typing this in a hurry..

Eihab

I do not know, I do not get the point from these questions.

I guess the real question I need to know about anybody is whether or not he is aware of what is going on, and the awareness of the outside world happens in layers, begining with a very centered layer around yourself and extending in layers outside and outside.

How many layers anybody would be aware off depends on many variables including culture, education, genetics, ....etc.....

Off course the definition of awareness as well as what to be aware off can be a matter of debate, after all how many things we are ever certain about.....!!!!!!!!!!!

I recently came about a nice, procedural definition of an intellectual which goes beyond any value-judgment, nicely interrogated in alaa’s piece. Simply an intellectual refers to a person who works in the social field of ideas in terms of production, reproduction, distribution, clarification, simplification, etc. This category includes professors, teachers, journalists, T.V anchors, clergy, movie directors, etc. Therefore, it’s not what a person know, rather it is what a person does…simply influencing the public opinion. In this sense, a person who is well-acquainted with Derrida or Warhol or Marx or Schily, etc can not be classified as an intellectual before he/she tries to convey her/his knowledge

Muthaqqaf (in general) = intellectual

According the free dictionary by Farlex (www.thefreedictionary.com)

Intellectual (adj.) means

1.

a. Of or relating to the intellect.

b. Rational rather than emotional.

2. Appealing to or engaging the intellect: an intellectual book; an intellectual problem.

3.

a. Having or showing intellect, especially to a high degree. See Synonyms at intelligent.

b. Given to activities or pursuits that require exercise of the intellect.

intellect (n.) means:

1.

a. The ability to learn and reason; the capacity for knowledge and understanding.

b. The ability to think abstractly or profoundly. See Synonyms at mind.

2. A person of great intellectual ability.

So you see that it has nothing to do with being leftist, rightest, conservative, liberal, anarchist, etc. It has mainly to do with how one expresses herself, how much knowledge she has in what she is talking about, how rational and logical is she reasoning, etc.

Muthaqqaf Manfookh is therefore is someone who pretends to be Muthaqqaf but lacks all or most of the qualities mentioned above. And believe it or not, the Egyptian society is full of those.

الأنسان المثقف ليس الأنسان الذي قرأ او سمع أو تفرج أو استمتع بأي لون من ألوان الثقافه ولكنه الأنسان الئي مر بكل هذا وفكر فيه وخرج بوجهة نظر محددة المعالم

لو فيه فى مصر ييجى عشرة من عينتكوا هاتبقى زى بنجلاديش .. جاتها نيلله اللى عاوزة خلف .. على فكرة الواد خلف مثقف جامد قوى قوى ..

اخوكم خليجي من السعودية...شدني هذا الموضوع... كان امل حياتي ان يشار الي بالمثقف... واصبحت الان استغرب جدا ان يوصف شخص في مجتمعي بهذا الوصف...نشأت في اسرة لوالد متخصص في اللغة العربية والشريعة وحقيقة في هذا المجال كان -فلتة-.. يعني حاجة مو طبيعية... درست في مدارسنا المتخلفة.. وكانت سلوتي في ذلك الوقت مطالعة وقراءة كتب التاريخ والادب في مكتبة والدي.. انهيت الثانوية وسافرت من بلدتي الصغيرة ثم انهيت الطب - مش عايز احكي سيرة حياتي بس عاوز اوضح الفرق في تفكيري باختلاف المكان والزمان- بعد ذلك واصلت دراستي في امريكا ... هنا كان التغيير وانا على ابواب الثلاثين... اخذت اشرح لصديق امريكي عن اليمن الدولة المجاورة لبلدي ففوجئت به يقول لي تحديدا- لا اريد اي معلومة ان تدخل الى مخي خلاف تخصصي الدقيق- ما الذي ساستفيده من معرفة جغرافيا اليمن او حتى قراند كانيون الخلاصة: كانت هذه المحادثة نبراسا اضاء لي الكثير... تركت تماما قراءة كتب الادب واللغة والتاريخ-هذا لا يعني اني انسلخت عن لغتي او تاريخي.. بل اعتز بجذوري غاية الاعتزاز-ولكني وضعت هدفا ان ابرع في تخصصي واي تخصص اخر ذو فائدة علمية مباشرة النتيجة: انا الان اقرأ فقط في مجالي - علم السموم- ومجال اخر فقط وهو تجارة العملات والاسهم.. ولو سألتني ماهي اخر اغنية او فيلم او كتاب ادبي او,,, او .. لما عرفت الحمدلله بعد عدة سنوات انا الان مرجع في هذين المجالين... هذا ما نفتقده في وطننا العربي .. نفتقد المتخصص .. لدينا ملايين المثقفثن الذين يفهمون في كل شئ ويشرحون لك كل شئ بدون ان يتقنوا فعلا اي شئ ...