You are here

الصحافة الشعبية و عمر أفندي

Primary tabs

مثال جيد للصحافة الشعبية هو تناول موضوع بيع عمر أفندي في المدونات المصرية.

الأفكار المذكورة في تدوينتي جزء منها وصلتله بعد نقاش مع عمرو عزت، عمرو كتب تدوينة مهمة في الموضوع لخص فيها الكلام اللي سمعته منه أول ما الهوجة بدأت.

أقرأ

لو فيه تدوينات أو كلام على منتديات أو مجموعات بريدية تاني مهم في الموضوع يا ريت تسيبوا روابط في التعليقات.

Comments

الظاهر إن مفيش حد عايز يدلو بجردلة هنا علشان البير دة غويط..انا بس عايز اسأل سؤال..هو هل لو مابعناش عور افندي وحاولنا نعدل من أوضاعة هاينفع, يعني هايجيب نتيجة ؟

انا ماعتقدش ..زي ماهو مكتوب عند عمرو عزت الفساد بقي غول ماينفعش واحد لوحدة يتصدي لة , أقرب حل شايف أنة واقعي هو أنهم يحاولو يستفوا عمر أفندي كدة كل حاجة علي جنب , ويبيعوا أجزاء ويطرحوا قيمة الباقي أسهم مثلا والفلوس اللي هاتيجي من البيع يوزعوها علي الناس اللي شغالة في الشركة وأكيد كل واحد هياخد مبلغ محترم, دة في حالة انهم يوصلوا الي اتفاق من العاملين انهم يتسرحوا علشان أكيد لو فكرنا هما لية الموظفين مش عايزين يمشوا هنلاقي ان بعضهم خايف يتاكل حقة في المعاش والمكافات في وسط المعمعه,واهو برضة شغال بمرتب ثابت ودول اكيد عندهم حق , وناس تانية عايزين يفضلوا موجودين لحد لما الشركة تتباع لمستثمر ييجي يظبتهم ويعلي المرتبات وبالتالي هاتعلي المعاشات وكدة..دول برضه عندهم حق , بس لامؤاخذة لو فاكرين ان اللي هايجي يشتري الشركة دة كان مخلفهم وناسيهم يبقوا...يبقوا واهمين

الفكرة ان احنا مادام وافقنا علي البيع كمبدأ, يبقي المفروض ندور ع البيعه اللي تجيب فلوس أكتر , واحنا عندنا طريقة تجيب فلوس أكتر اللي هي البيع كأصول بس دة هايعمل مشاكل مع الموظفين..اللي هما أصلا في رأيي مشكلتهم سهل جدا حلها , لأن طريقة البيع دي هتجني عوايد مادية كبيرة..الفكرة إنة غالبا لو عملوا كدة مش هايبقي في مجال للهبر علشان جزء كبير من الفلوس هاتروح للموظفين, أما الطريقة التانيه ف هيي أسهل وأحلي وكمان شكلها لطيف وظريف واحنا بنحافظ علي حقوق الناس الغلبانة ومش هانسرح حد.. وكمان تفتح المجال الواسع أمام كل الهبيشة, ويلبسوا اللجنة ويلبسونا كلنا الطرحه

ياعم اشمعنى عمر افندى اللى زعلانين عشانه ماهى البلد كلها اتسرقت

إلحقي صوتي يا وليه مبارك و عيلته حراميه

شوف الوليه المفترية هو داس لك على ديل ياوليه ده بقاله خمسه وعشرين سنه لابيهش ولابينش .. بطلوا ده واسمعوا ده ..؟

فى البدايه اى محاوله للفهم بصدق محاوله تستحق الأحترام والتقدير لم يدعى صاحب التدوينه المعرفة ولكن فكر بصوت عالى وبدون افتعال ان كان من يفهمون موالسين او مبعدين ومن يحاولون الفهم مدانون ومهاجمون فهذا امر عجيب ولمصلحة من ؟

نص البوست متماسك اللا جمله خارج السياق --- نعم يا حبيبي هي دي بقى الحرية؟؟!!! أصلا كل الناس عارفة أن الحرية معناها كذا و كذا الخ - كل الناس! ..

هناك مجموعه من الملاحظات

  1. معظم المشاركين بالتعليق لم يقرؤا البوست وهذا واضح من مداخلتهم
  2. بعض الذين قرأوا تعليقهم يجاوب عليه البوست نفسه وهذا يعنى انهم قرؤا بتأويل متحامل
  3. اذا كنا فعلا فى مفترق طرق تاريخى وفى عملية مخاض مصيرية فلا بد من أدوات للتعامل مع هذا الظرف التاريخى
  4. واذا كان الواقع غير مقبول فهذا لاينفى انه واقع بل يحتم التعامل معه فى ما هو متاح وبما هو متاح داخل بنية صراع

يقول فوكو : أن تقول بأن كل شىء سياسى ... هو تأكيد لكلية القدرة فى علاقات القوة... وفيما يتعلق بالتقنيات الجديدة والشاملة للسلطة المرتبطه بالأقتصاد متعدد القوميات والدول البيروقراطية ، فإننا يجب أن نعارض عملية التسييس التى ستتخذ أشكالا جديدة...-

وبعد هل هناك أمكانية لمناقشة وتحليل قضية أقتصادية خارج سياقها السياسى و خارج علاقات السلطة

هذا هو السؤال