You are here

حكايا السنجيولاريتي

Primary tabs

هو أحنا كنا بنسمي singularity بالعربي ايه؟ ما علينا

النهاردة منعونا نبلغ عن نفسنا و بالجزمة، تصور كده وليد التسوئي بيضربك على قفاك و يقولك "أنت بريئ يا ابن الكلب غور من هنا"، دي طبعا سابقة قانونية جديدة لكن النائب العام هو اللي دهن الهواء دوكو برضه مش هيغلب يعني.

طب بجد مش تهريج ضربونا و طردونا لما جينا نقدم بلاغ عن نفسنا و حتى المحامين مرضوش يقابلوهم.

يا ريت اليوم خلص على كده، لكن ترجع بيتكم تقرأ الخبر ده؟

لقى أربعة مواطنين مصرعهم كما أصيب آخر باصابات مختلفة نتيجة انفجار جسم معدنى داخل أحدى ورش السيارات بمنطقة كفر حجازى بمركز شرطة امبابة بالجيزة حيث تبين بعد الفحص أنه مقذوف مضاد للطائرات من المخلفات القديمة .
...
...
وبسؤال محمود خلف أقر بأنه اشتراها من بائع خردة يدعى خالد عبد الناصر عبد المنعم 19 سنة عامل والذى اعترف بأنه قام بشرائها ضمن مخلفات زنتها ستة كيلوجرام من مقاول نقل أتربة يدعى فؤاد نصر صبحى غنيم 39 سنه مقاول بالوراق . وبضبط المقاول قرر أنه يعمل فى مجال نقل المخلفات من شركة اوليمبك والنصر للمسبوكات وأن المدعو خالد عبد الناصر يعمل لديه وأن الشركة تتعامل مع مخلفات القوات المسلحة .

وبالفحص الفنى تبين أن الجسم المعدنى عبارة عن طبة لمقذوف مضاد للطائرات انفجر بسبب الطرق عليه محدثا موجة انفجارية وشظايا أدت الى حدوث وفيات واصابات ..وقد أخطرت النيابة التى باشرت التحقيق

أيوه مظبوط اللي أنت قرأته ده خبر بجد، القوات المشلحة بتبيع صواريخ أرض جو خردة. فيه حاجة؟!!

طيب فكر بقى في أبعاد الموضوع السياسية، بعض القومجية بيقولولك في اللحظة الحاسمة الجيش هيتدخل و ينقذ البلد، ركز معايا الجيش اللي بيبيع مقذوف مضاد للطائرات خردة باتنين جنيه و نص لمحمود خلف وحش القناطر هيتدخل في اللحظة الحاسمة.

أنا بقول نخلينا في النائب العام أحسن.

بلغني أن عم الحاج كبير المنصورة و فارس سلسبيل سابقا صار من رواد المدونة، صبح صبح يا عم الحاج، خد بالك من نفسك و بلاش تدق على الأجنة و النبي البلد محتجالك اليومين دول.

Comments

عادي النائب العام برضه كان بيرفض يقابل أمهات المعتقلين عشان التماسات بيقدموها فطلعوا الهتاف ده:

يا سيادة النائب العام ده انت طلعت كلام ف كلام

أيوه بس دي عادي لأنكم بتقدموا التماس، لكن لو رايحين تبلغوا عن نفسكم دي غريبة شوية

dear alaa ;;it s been 13 years i didn t see egypt again;; i m writin from switzerland::: i do read u and others and i can only encourage u have faith in ur ideas and positions ;;;ur doing it and taking the shit for all of us who can t ;;;i m so sorry for anything that hurts u or the ones u care for ::::think zen in prison ;;;one can take anything from u but never can they take whats in ur mind and intentions::::be free in ur thoughts ;;;i ll pray for u and am proud of u and all others like u ;;;;if i could i also would go to the streets ;;;u r representing us and me :::thank u for that;;at least i am grateful to u ; each human thought is sacred remember that;;;may god protect u and if u feel like writing back please don t hesitate;;;u have back up even from that far in europe;;;all my respect;;;;if u read french i ll send u a poem for prisons hard times ;;;that is what i wish for u :::i read it every day:::bless u mate an egyptian girl from suisse

Si tu peux détruire l'ouvrage de ta vie

Et sans dire un seul mot te mettre a rebâtir

Ou prendre d'un seul coup le gain de cent parties

Sans un geste et sans un soupir

Si tu peux être amant sans être fou d'amour

Si tu peux être fort sans cesser d'être tendre

Et te sentant haï sans haïr a ton tour

Pourtant lutter et défendre

Si tu peux rester digne en restant populaire

Si tu peux être peuple en conseillant les rois

Si tu peux aimer tous tes amis en frères

Sans qu'aucun d'eux soit tout pour toi

Si tu sais observer, méditer et connaître

Sans jamais devenir sceptique ou destructeur

Rêver, mais sans laisser ton rêve être ton maître

Penser, et être qu'un penseur

Si tu peux être fort sans jamais être en rage

Si tu peux être brave et jamais imprudent

Si tu peux être bon, si tu peux être sage

Sans jamais devenir moral ni pédant

Si tu peux rencontrer triomphe après défaite

Et rencontrer ces deux menteurs d'un même front

Si tu peux conserver ton courage et ta tête

Quand tous les autres les perdront

Alors les rois, les dieux, la chance et la victoire

Seront à tout jamais tes esclaves soumis

Et ce qui vaut mieux que les rois et la gloire

Tu sera un Homme mon ami

سؤالين كده فى السريع ... كام واحد مضي معانا في البلاغ؟... و بعدين صحيح هو ايه اللى حصل فى طلب الحضور اللي جالك من أمن الدولة بعد ما رجعت من مجاهل أفريقيا؟ ... و عقبال باقي فنانين مصر كده إن شاء الله ما تبقاش أخرتنا ياطبطب و أدلع

لحد دلوقتي 26 بس اللي مضوا على البلاغ من على الموقع، معنديش فكرة العدد في هشام مبارك وصل كام بس أظن أنه عدا ال200.

طلب الحضور محصلش فيه أي حاجة، لما يجيلك طلب حضور ابقى طنشه ده مش ملزم قانونا ولا حاجة.

singularity?
ممكن تفرّد؟

الجيش لصاحب الجيش يا باشا و صاحب الجيش الى هو مبارك طبعا و ما اعتقدش ان اى حركة ايجابية تيحى منه لان من اهـم التطورات اللى حصلت فى بنية الجيش بتاعنا بالاضافة طبعا الى مبدأ الطاعة العمياء و عدم مناقشة الاوامر او حتى التفكير فيها هى حالة التراخى الناشئة عن اختيار الرئيس للسلام كـ خيارة..اسف كـ خيار استراتيجى بالاضافة لتولد حالة من التعريس و الكسكسة المزمنة بين قيادات الجيش الادنى للاعلى صعودا طبعا للقائد الاعلى للقوات المشلحة على راى علاء..ده طبعا غير ميزانية الجيش اللامعقولة و صفقات السلاح اللى بالى بالك و كله فى الاخر غلى دماغنا و من لحمنا الحى (وكفاية قوى علينا ثـورة جيش واحدة ف 23 يوليو)..التحرك الايجابى اللى البلد محتجاه دلوقتى هى ثورة من الشعب نفسه ..

اللي مبوظنا دلوقتي ان الثورة كانت ثورة جيش مش شعب، شوف مثلا فرنسا، ثورتهم علمت اولادهم على مدار كل السنين دي، شفت اللي حصل بعد قانون العمل، ده حتى اللي مش هيأثر عليهم نزلوا يتظاهروا، وكان اغلبهم بيتظاهر عشان تعنت الحكومة في الاستجابه لمطالب الشباب، عبقلنا يرب، لما نشيل الصهاينه اللي ماسكين البلد، الزهار تاني مره يجي ولا حد يعبره، اما اولمرت ، فضل اللي في بالي يتصل بي كل يوم يعزمه يزور مصر، عزمه تلت مرات، وفي انباء انهم هيفضوا عشانه شارع في الهرم اللي فيه سفارة اسرائيل، علشان هو عايز يقعد في سفارة بلده اثناء الزيارة، وطبعا الصهاينه اهم من المصريين...

فين بيان كتائب الشهيد مالك مصطفي أنا لسه كنت بكتب تدوينة عن التاريخ المشرف للتنظيم دا

بس يا عميل أحنا فاكرين تاريخك كويس، أنت كتبت تستهزئ بأول عملية انتحارية لينا في السيدة.

عموما أنا مستني الجناح السياسي للتنظيم يطلع البيان

اسمها مفردة يا علاء