عش و لو لساعات في منطقة محررة

بدأها د. يحي القزاز وتضامن معه نشطاء من كافة قوى التغيير:

عش معنا ولو لساعات في منطقة محررة.. تحت علم قضاء مستقل وفي حماية صحافة حرة...كما نحلم.

دعوة للإعتصام حتى الصباح في حب مصر..تضامنا مع أنبل ما أانجبت.

قضاة ملاحقون لرفضهم تزوير إرادة أمتهم.. وصحفيون تطاردهم السجون لفضحهم تحالف الفساد مع عائلة مبارك.

لنشعل ليلة الخميس 16 مارس الجاري بتلاحمنا، والتي يتلوها يوم الجمعة العظيم الذي يحتضن جمعيتين عموميتين لنادي القضاة ونقابة الصحفيين. الاولى لرفض إصرار سلطة مبارك ومجلسها الأعلى على تمرير قانون يدخل المزيد من القيود على السلطة القضائية.. حصننا الآخير. الثانية لإتخاذ موقف حاسم من الصحفيين ضد إستمرار قانون حبس فاضحي الفساد والإستبداد.. وتقييد حرية إصدار الصحف.

المكان: قلب ميدان التحرير.. أملاً في تحرير مصر من سلطة مبارك ونظامه.

ساعة الصفر: السادسة من مساء الليلة المباركة.


شارك معانا في التنظيم للاعتصام

سجل في الموقع، و زور صفحة التحضير للاعتصام، لو عندك حاجة تضيفها اضغط على edit و عدل و أضف و شارك في التنظيم.


قبل أكثر من 30 عاما كتب امل دنقل عن تجربة لأبائنا في نفس المكان:

دقت الساعة القاسية
وقفوا في ميادينها الجهمة الخاوية
واستداروا على درجات النصب
شجراً من لهب
تعصف الريح بين وريقاته الغضة الدانية
فيئن: "بلادي .. بلادي"
(بلادي البعيدة)


لافتات للدعاية للاعتصام

دي ايقونه للموضوع http://img291.imageshack.us/img291/9498/e3tesam8nk.png اعتقد انها حتفيد وفي انتظار البانر الكود لادراج الصوره في المدونه


<p><a href="http://www.manalaa.net/judges_sit_in"  target="_blank">
<img src="http://img291.imageshack.us/img291/9498/e3tesam8nk.png" border="0">
</a></p>

ودا شكل تاني اصغر

ودا الكود بتاعه


<p><a href="http://www.manalaa.net/judges_sit_in" target="_blank">
<img src="http://img507.imageshack.us/img507/8642/e3tesambutton4xz.png" border="0">
</a></p>

شاركنا التحضير لاعتصام في حب مصر

AttachmentSize
judges_bayan.pdf45.77 KB

اعتصام في حب مصر

تقدر تعدل و تضيف للصفحة دي، سجل في الموقع و اضغط edit و انطلق متتكسفش

بيان الاعتصام

نزل بيان الاعتصام و اطبع ما تيسر من النسخ و هاتهم معاك، ممكن على الضهر كل حد يطبع مقال أو تدوينة كتبها أو قرأها و عجبته بتتكلم عن معركة القضاة أو حرية الصحافة.

أفكار لافتات و بوسترات

  • صور القضاة اللي اتحولوا للتحقيق بسبب مواقفهم الشجاعة
  • صور نهى الزيني
  • علم مصر و مكتوب عليه نعم لاستقلال القضاء
  • أضف أفكار

هتافات

  • يا قضاة يا قضاة، خلصونا من الطغاة

هتاف لـ يحي مجاهد مش قايمين ...ومش قايمين
حتي لو جابولنا مين
هاتوا العسكر والزنازين
هاتوا مباحث قصر النيل
مش قايمين..ومش قايمين
والله يا مصر ولادك أهوم
فيهم البيض وفيهم السمر
اصحي يا مصر يا ام الغالين
ومش قايمين...ومش قايمين
حتي لو جابولنا مين
قولوا للساكن في عابدين
حكمك زفت وزي الطين

صاحيـيـن صاحيـيـن صاحيـيـن
هـانـقـول فـضـلـة خـيـركـم
مـاتـفـوقـوا يـا مـصـرييـن
يوم الـخميـس ونبات للجـمعه
اول مــرة اربـعـة وعـشـرين
السـاعـة سـتـه فـى التحرير
وبـكـرة فـى كـل الـميـادين
نـغنـى ونـرقـص ننصـب خيـمه
نضـرب صـواريـخ ننفخ بلاليـن
طبـلة ورق والسقـفه العاليه
قاعدين صاحييـن ومش ماشييـن
ايــوب الصـبـر هايبقى هناك
من دلوقـتى ... ليــوم الدين

أنا مش تبع مخلوق يا سيدنا البيه
أنا حُر في إللي يقول ضميري عليه
وإن كنت تُحكم جوا ملكوتك
الشارع الواسع فاتح لي إيدي
من أغنية الشارع لنا- صلاح جاهين

  • أضف شعارات

أفكار أنشطة

  • أغاني
  • شعر
  • فرخ ورق كبير (أو رول ورق طابعة قديمة دوت ماتريكس( و أقلام شمع و ماركر و كل مشارك يكتب أو يرسم رسالة
  • أضف أفكار

بيان المظاهرة

  • انتظرونا

بيانات اضافية

  • لو أنت مدون و كتبت حاجة عن مواقف القضاة الشجاعة، أطبعلك كام نسخة، ممكن توزعهم على الجمهور أو المشاركين أو على الأقل كلامك يفتح حوار
  • قصاصات صحف أو وصف لمعركة استقلال القضاء و المواقف الشجاعة اللي خدوها القضاة مؤخرا، و وصف لتحرشات الدولة بيهم

هات معاك

  • مياه أو عصير (و اعمل حساب غيرك)
  • ساندويتشات خفيفة و بسكوتات (و اعمل حساب غيرك)
  • شموع
  • هدوم ثقيلة
  • حاجة تفرشها و تنام عليها
  • صور، لافتات، بلالين، أي حاجة عليها رسالتك في حب مصر و رسالة تضامن مع القضاة
  • لوبتدخن هات علب سجائر بزياده عشان متتزنقش ولو حد احتاج :)
  • أضف
  • أشحن موبايلك كويس
  • كل كويس
  • كشاف ضوء
  • راديو
  • مناديل ورقية
  • فوطة (مهمة جدا)
  • قلم جاف
  • أشخن بطاريات الكاميرا كويس
  • لتر و نصف مياه

قائمة بالمنظمين

  • أضف أسمك

ازاي تحضر بوستر كبير بتكلفة قليلة