You are here

أحنا بتوع الأوتوبيس

Primary tabs

كنت ناوى أستخدم مظاهرة اليوم العالمى للتضامن مع ضحايا التعذيب كحجة لتشجيع ناس كتير تهتم بالموضوع.

كنت ناوى ننظم مظاهرة كبيرة و نقنع الجرايد تخصص صفحات للتعذيب و ننشر أكبر كم من التقارير و الصور على النت.

لكن للأسف تأخرت جمعيات حقوق الانسان المعنية بالتعذيب فى تنظيم فعاليتهم و الواحد كان ناوى يظبط معاهم، و بعدين صدمنا لما لقيناهم مش هيعملوا مظاهرة.

المهم تداركنا الموضوع و قدرنا ننظم مظاهرة بسرعة، فشلت فى أنى ألاقي محتوى زيادة و صور و الموضوع ما تمش زى ما كنت مخططله، معلش.

من يوم الأربع مبعملش حاجة غير أقرى تقارير عن التعذيب فى مصر، حاسس أنى مخنوق، مافيش فايدة خالص اللى عذبوا والدى هما اللى عذبوا قرية الكشح بأكملها يعنى بقالهم عشرين سنة يعذبوا و يترقوا.

اللى عذبوا محمد بدر الدين لحد ما اعترف انه قتل بنته اللى لسه عايشة أصلا برضه بيترقوا

أذا كنت أنا حسيت بكل الغضب و الألم و المهانة دى من ضرب بسيط يوم الاستفتاء مابالك بضحايا التعذيب اللى بجد؟

أحة محدش يقوللى أنتوا مابتقدموش بديل، كس أم التعليم على الصحة على البطالة تولع أنا عاوز تغيير عشان التعذيب يقف و مش فارق معايا أى حاجة تانية، كفاية عليا التعذيب يقف.

هنعمل ايه بس، دول تلات أربع مليون ظابط و عسكرى و لواء و يجي نص مليون مجند أمن مركزى نعمل ايه قدامهم؟

المهم الحاجات اللى جمعتها هنشرها يمكن تنفع حد.

Comments

i love egypt.im not an agyptian.im from yemen but i studied my medicine at egypt.i lived there for 9 years .you are my family .every breath in my chest comes from that land ."e7na boto3 eotobes",i want to tell"abdemo3tee":those poeple are your family ,your voice,do not kill them...God bless our land,egypt.

dr.akram from america