You are here

another arrest (aka kidnapping) اختطاف صحفي

Primary tabs

ساهر جاد الصحفي اللي أشتبك مع أحد ظباط الأمن المركزي بعد الضابط ما مد ايده عليه و على الناس اللي كانت بتحاول تخرج من المظاهرة اتقبض عليه (أو بالأصح اتخطف ) بعد أخبار اليوم ما نشرت صور ليه و هو بيضرب الظابط و استهبلت و ادعت أن الظباط كانوا بيحمونا من ناس كخة عاوزه تفرمنا عشان عطلنا المرور (أحنا كنا على الرصيف، مرور ايه اللي يعطل لما نقف على الرصيف يا حيوان أنت و هو).

لكن طبعا بما أننا أشرار و وحشين و مصاصي دماء بدل ما نشكر رجال الأمن البواسل اتعرضنا ليهم و ضربناهم يا عيني

و يا ريت حد يبقي يعرفلنا الفسل اللي كتب الكلام ده في الأخبار مين عشان بحب أفتكر للناس بلاويهم.

Comments

سمعت الخبر توّاً، وسريعا ربطت المشاهد ببعضهاو كنت سأسألك هل هو نفس الشخص وكالعادة وجدتك سبّاقا هل علِم فريق كفاية القانوني والمنظمات الحقوقية والنقابة؟ هذه مافيا وليست دولة

ملاحظة هامشية:لاحظت اضافتك لمحرك البحث الى موقعك فتحياتي لتطويرك الدائم لهذا الموقع و كذلك للدورالذي يلعبه في فترة مفصلية من تاريخنا ولك شكري وتقديري

ساهر أمام نيابة عابدين دلوقتي جاري التحقيق معه و معه وفد من كفاية، نقابة الصحفيين و مجموعة من المحاميين الأكفاء، و مجموعة من شباب من أجل التغيير منتظرة نتيجة التحقيقات.

فعلا بلد العدل يعنى المجنى عليه يتحاكم والجانى يتحول لمجنى عليه

فكرتنى باحداث جامعه الاسكندرية التى توفى فيها احمد السقا مقتولا برصاصات الشرطه وليلا اذاعوا بيان مصحوب بصور تليفزونية لضباط الشرطة وهم مصابون

من اعتداء الطلاب عليهم

وقابلته منذ أربع ساعات أمام نقابة المحامين ، كان يبدو متعبا بعض الشئ ،

لكن كان كما هو ساهر هاشم الذي كان يخلص كورس الانجليزي من هنا ويسنتر قدام النقابة في المظاهرة من هنا ، دعوته ورجوته أن يأتي معنا ( زميلة له ومحام صديق ) الى النقابة لنحتفل احتفال ضغنن به ، لكنه اعتذر لأن ابنه الذي لديه امتحان بكرة لم يره بعد

كفاااااارة يا معلمي ( الرفرنس لعلاء :)