You are here

عزلنا المجمع

Primary tabs

www.omraneya.net

مجمع المدونات المصرية اللي كان جزء من الموقع ده بقاله سنتين اتنقل أخيرا لبيت جديد في http://www.omraneya.net

المجمع الجديد لسه تحت الانشاء و ممكن يكون فيه حاجات مش شغالة مظبوط.

أسف لكل الناس اللي أتاخرت في اذافة مدوناتهم، كلها كام يوم و أزودكم كلكم على المجمع الجديد.

The Egyptian Blogs Aggregator which was part of this website for two years has finally moved to a new home @ http://www.omraneya.net

The new aggregator is still under construction, and some things will not be working properly.

يا ريت أي حد كان حاطط رابط للمجمع يجدده

if you linked before to the aggregator please update your links

مناقشات سابقة عن مستقبل المجمع

www.omraneya.net

Comments

مبروك :) بس الدنيا زحمة قوي , يعني التدوينات 3 جنب بعض مش مريحة في رأيي , هي ليه مش عمودية زي ماكانت هنا؟؟؟

سؤال بس : اشمعنى العمرانية؟؟ ماينفعش يتغير الاسم؟؟ No offense

http://bluerose.egyblogs.com/

بصي الوضع الحالي ده مؤقت تماما و فيه لجنة مجتمعة على http://platform.manalaa.net/blog_aggregator عشان تساعد في التوجيه و اتخاذ القرار.

يعني مثلا سبب اختيار 3 عواميد (بيبقوا اثنين بس لو حددتي اللغة اللي عايزة تتصفحيها) محاولة لاعطاء فرصة أكبر للتدونيات أنها تظهر، مشكلة فوق بعضه أنه يا أما نعرض عد صغير من التدوينات و في الحالة دي الحاجة هتجري من على الصفحة الرئيسية بسرعة قوي و متاخدش فرصتها يا أما الصفحة هتبقى كبيرة و لازم تنزل كثييييير عشان تشوف كل التدوينات و ده هيخلي اللي بيزور الصفحة أكثر من مرة في اليوم يزهق لأنه مش هيقدر يمسحها بعينه بسرعة.

فأنا بحاول أوازن ما بين أكثر من عامل لكن هل أخترت أفضل موازنة؟ عشان كده محتاج ناس تشارك برأيها، لو مهتمة لدرجة المشاركة في النقاش الدائر هنا ابعتيلي ايميل و أنا أضيفك في اللجنة.

بالنسبة للعمرانية ده كان نطاق ملكي فعلا بقاله كام شهر و استخدمته لأنه كان متاح و مكانش عندي وقت أفكر و أقرر، الهيئة الحزبية العليا بتتناقش دلوقتي في موضوع النطاق.

Nice Work - Keep it Up !!

مبروك افتتاح الموقع و بالتوفيق ان شاء الله و بالفعل الروابط كثيره جدا فى الصفحه و تسبب بعض الازعاج ارجو تقليل عددها قليلا طالما الموقع فى ظل التطوير ...

تحياتى,,

اولا احب اقول شكرا على المجهود الكبير ده ولازم نتفق ان موضوع المجمع ده فكرة جميلة جدا لازم نحافظ عليها لانه مفيد فعلا لكل المدونين ده غير انه عامل ترابط وتبادل للافكار بين الكل

انا قريت قبل كدة تقريبا كل المناقشات وفكرة عزل المجمع فى موقع لوحده فكرة ممتازة انما انا شايف زى باقى اللى اتكلموا ان التصميم لسة عايز شغل يعنى انا اول ما دخلت حسيت كدة انى تايه اما فيما يخص التمويل والموضوع تقريبا اتفتح للمناقشة فى التدوينة اللى فاتت اللى هى ما جمع الا ما وفق، انا شايف ان موضوع الاعلانات مش مضمون وممكن مايجيبش نتيجة فلو ممكن نخلى الاشتراك فى المجمع بأجر ولو رمزى فى البداية يعنى كل مدون يدفع عشان مدونته والمواضيع اللى فيها تنزل فى المجمع واعتقد ان ده الى جانب الاعلانات ممكن يحافظ على استمرار المجمع ولو مؤقتا

ومرة تانية شكرا على المجهود الرائع وبالتوفيق ان شاء الله وكان نفسى اساعد بس انا حمار برمجة الصراحة :) ربنا معاكوا