You are here

عبد المنعم جمال الدين كفارة

Primary tabs

فاكرين عبد المنعم جمال الدين؟ الراجل اللي بقاله فوق ال13 سنة معتقل بلا سبب و رغم تعدد أحكام البرائة؟

مبروك يا جماعة، أخيرا أفرجوا عنه و لسه قافل التليفون معاه دلوقتي.

عبد المنعم اللي اتحرم من أنه يشوف والده قبل ما يموت انكتبله يشوف والدته المريضة و يشيل شوية من حمل أخته و أخيرا يشوف ابنه و يرجع لمراته، عقبال كل المعتقلين و المظلومين و عقبال ما نشوف في الظالمين يوم.

لا يمكن أتخيل احساس عبد المنعم، الراجل نكت على أنه محتاس في استخدام المحمول على أساس أنه دخل البلد و هو في السجن، لا يمكن طبعا يقدر يعوض السنين اللي راحت منه دي كلها و لا صحته اللي اتبهدلت و أهله و اللي شافوه. أتصور أن الرحلة اللي هو مقبل عليها لا تقل صعوبة عن اللي مر بيه، لكن على الأقل مش هيقوم بيها لوحده.

كفارة يا عبد المنعم. و مبروك لأهلك و أحبابك و مبروك لينا كلنا.

Comments

كفارة إن شاء الله ، و مبروك عليك حريتك و لو إنى أعتقد إنك خرجت من سجن إلى سجن أكبر إسمه "مصر ياما يا سفينة"

مصرى من فلسطين