You are here

تأقلم

Primary tabs

صاحية مش مظبوطة النهارده .. بقالي فترة بتعدي علي أيام كتير بصحى في نفس الحالة دي .. تقريبا من يوم موت مرات عمي (رابع يوم العيد) .. و يمكن عشان في أصحاب كتير مسافرين في الفترة الجاية، منهم ناس يا عالم هنشوفهم تاني امتى.

أحلامي غريبة، طبعا الأحلام عمرها ما بتبقى منطقية (على الأقل معايا)، لكن بقالها فترة بتنتهي بموت حد أو فقده .. ممكن متبقاش هتموت لكن أبقى عارفة أني مش هشوفها أو صعب أني أشوفها تاني.

دي مجرد أحلام (يعني مش كوابيس) بس المحصلة النهائية أني بصحى في حالة حزن عجيب، و أحساس بالذنب فظيع إني مش لاحقة أشوف الناس دي.

مش ممكن يبقى صحابي و عليتي واحشنّي طول الوقت .. و ساعات علاء كمان!!

أنا تقبلت رتم حياتي الجديد بس لسه مش عارفة اتعود عليه.

Comments

عارفة يا منال ؟ رغما احلامك الوحشة الا اني احسدك عليها جدا كنت زمان باسمعهم بيقولوا ان الفرق بين النايم والميت ان النايم بيحلم والميت لا وان بقي 7 سنوات مش بحلم

كل احلامي اتسرقت ع ايد مبارك ونسرين

عارفة ؟ انا مش بحلم عشان مش عايز اشوف احلامي بتموت ادامي تاني كل اللي بشوفوا ف المنام كوابيس مذهلة بقيادة الجاثوم ذاته لكن بعض اقراص من الفاليوم بتحل المشكلة

احلامي من زمان مبعثرة مؤجلة مسروقة دوما اتذكر قول الشاعر يا اهل الكوفة لا يشكو انسان ظلما فالظلم هو القانون العام / لا يحلم انسان حلما سنراقب كل الاحلام

وانا احلامي دايما متراقبة ولذلك بتنهي بافشل امام عيون الآخرين الذين لا يسعدهم شيئا الا انهيار احلامي

وفي النهاية اتمني ان تخرجي من تلك الحالة سريعا وتعود منال التي تعودنا عليها

وابقي اسمعي اغنية الحلم الجميل والبيت الصغير كله راح كله ضاع كله انتنيل كله اتكسر

وادعي لي اتاقلم زيك

وسلمي لعلاء

هاي منال عارفة ؟ لما كنت بكتب يك اولد جوايا حلم ان سموك يرد عليا وانتظر يوم اثين ثلاثة اسبوع وانتي اين انتي ؟ لما تردي لكني تعلمت مرة ثانية ع ايدك هذه المرة الا احلم اي حلم خلص وده احسن بكتير عشان نبطل حسرة ولتذهب اغنية محمد منير ( لو بطلنا نحلم نموت ) الي الجحيم

دمرتى الراجل يا منال ... حرام عليكي

i would like to ask you something manal why do you always talk about guys travelling abroad and about your vacations or your memories abroad !! actually i respect you as human ofcourse but i dont know i found always what you wrote is really awful and bit boring..

What do u mean by ALWAYS??

I'm not sure I get what u mean by awful, but it's easy .. under any post u'll find submitted by and then the username, when the username is Manal, skip the post and dont read.

am really sorry if you felt bad of what i said .

i hope you will feel better because your aunt. and by the way you can write what you like its your blog, have a good day.

هو ده العقل الباطن اللي بينغص علي الواحد حياته00ساعات لما اكون مشغوله بحاجه بيحصلي نفس الموضوع