You are here

عبد المنعم و أبوه و عبد المنعم و أبوه

Primary tabs

فاكرين عبد المنعم جمال الدين؟

اللي مش فاكر يشوف الفيديو ده

والد عبد المنعم جمال الدين اللي شفتوه في الفيلم ده توفي الشهر اللي فات، مات من غير ما يشوف ابنه حر و يا عالم آخر مرة قدر يشوف فيها ابنه كانت امتى. و والدته اللي شفتوها في الفيلم برضه رجل في الدنيا و رجل في الأخرة، ادعولها تعيش لحد ما تشوف ابنها حر.

طيب عارفين عبد المنعم محمود؟

شوفوا بقى الفيديو ده

والد عبد المنعم في حالة صحية حرجة و منعم قلبه ملهوف على والده و نفسه يطمئن عليه و بعدين يسلم نفسه لكلاب مبارك دي قصة عبد المنعم و أبوه و دي قصة عبد المنعم و أبوه و مين عالم ممكن بكره تبقى قصتك أنت و أبوك

Comments

حسبى الله ونعم الوكيل

معلش يمكن أكون مش متابع كويس، بس أنا فعلا مش عارف، هو منعم تهمته إيه؟ كل الناس بتتكلم عنه و إنه هربان، بس مش لاقى حد يقوللى هو تهمته إيه؟ ما هو اكيد فيه إذن نيابه و تهمه و تحقيقات و الحاجات دى كلها، ولا هما بيجربوا فيه التعديلات الاخيره بتاعت الدستور؟

منعم اتمسك خلاص لكن لسه لم يعرض على النيابة ولا نعرف حتى محتجز فين بالتالي لسه منعرفش تفاصيل.

واحد من أسباب أن منعم مسلمش نفسه هو عدم وجود اذن نيابة لكن طبعا عندنا دي تفاصيل بسيطة و القانون مبيدقش عليها.

غالبا هيتم اضافة منعم لقضية أخوان معهد التعاون الزراعي، دي قضية ملفقة زي بتاعت الأزهر كده أن فيه عرض عسكري بس المرة دي مكانش فيه عرض عسكري أصلا و حتى عميد المعهد بينكر الكلام ده و منعم ملوش أي علاقة بالمعهد بس برضه يعني كلها تفاصيل متفرقش كثير مع القانون و نيابة أمن الدولة عندنا.

أما السبب الحقيقي لاعتقاله بغض النظر عن الحجج الرسمية فتخميني أنه بسبب دوره الرئيسي في الحملة ضد تحويل قيادات الأخوان للمحكمة العسكرية، الحملة دي أساسا شغالة على المدونات يعني تهمته التدوين و عقبالنا كلنا كده.

ياجمال افرح واتهني ودخل ولادنا المعتقلات ياعادلي ربنا يخليك عشان بتوفر لولادنا اربع حيطان يعيشوا فيهم يا كريم يا عامر لا تحزن سوف تجد من يسليك قريبا وصحابك اللي كنت بتشوفهم بره ممكن يسعدك الحزن وتكون زنزانة علاء مثلا جنب زنرانتك يا بلد خليك نايم ايه يعني ولادك بيتحطموا او يغتصبوا او يقتلوا يوم وراء يوم عادي ما انتي عندك كتير غيرهم وعندك جمال بعد عبدالمنعم مش ما اتخد عادي ولا بوسات ع المدونات ولا حملات ولا اي حاجة كلنا لازم نكون مسطحين واطالب باطلاق حملة كلنا سعد الصغير بدلا من البوسات العبيطة بتاعة الحرية لعبد المنعم ديه يا اهل الدقي لا يشكواننسان ظلما فالظلم هو القانون العام لا يحلم انسان حلما سنراقب كل الاحلام وربنا يرحمك يا حجاج يا بن يوسف يا ثقفي