Welcome to @Manal And @Alaa's space, where we record our thoughts and feelings, keep in touch with friends and upload the occasional file.

Every now and then we write a post in English, you can find them all under the English Posts category.

للتحايل على حجب المواقع و خاصة تويتر و فيسبوك #jan25

لو عندك طرق غير دي اكتبها في تعليق و هبقى أحدث الموضوع الأصلي.

رجاء نشرها في كل مكان علشان لو موقع اتحجب بكرة يبقى فيه عشرة غيره، و الأهم من كده اطبعها و و صورها و وزعها أنشالله لو هتوزع عشر نسخ بس، و اطلب من أصحابك يعملوا كده برضه.

  1. بالنسبة لتحديث تويتر و فيسبوك يمكن استخدام موقع http://ping.fm اللي بتحديثه بيرسل تحديثات لكل حساباتك على تويتر و فيسبوك و لينكدإن و إلخ، و أيضا يمكن تحديثه عن طريق رسائل الموبايل يعني حتى لو حجبوا الموقع نفسه كلام

موجز تاريخ التحرش الجنسي

مقال قديم كتبته لصفحة المدونات في جريدة الدستور لما كان بيحررها منعم، تذكرته مؤخرا و معرفتش ألاقيه على الوب فقلت أنشره هنا.


الكل يجمع على أهمية و ثراء تجربة المدونين المصريين لكن صعب جدا سرد كل ما حققه المدونون في السنوات الثلاث الأخيرة، نقدر نقيم التجربة عن طريق اختيار موضوع واحد فقط و ليكن التحرش الجنسي و نشوف ازاي طرح في المدونات.

أول ذكر للتحرش الجنسي كان من مدونات اختاروا أنهم يحكوا و يفضفضوا عما يحدث للنساء في شوارع مصر كل يوم، سرد ما هو معروف و مسلم بيه بشكل صريح، ساعات بشكل قبيح و فج ساعات بشكل ساخر دائما ما يعبر عن غضب. طبعا أحنا في مجتمع البنت فيه المفروض تنتهك و تفضل مبتسمة، ازاي البنات دي تستجرأ و تتكلم بصراحة و بغضب؟ واجهت المدونات هجوم عنيف على التعليقات ضد كل من تجرأت و تكلمت.

كان ايه رد فعل المدونات؟ حملة عبقرية تحت مسمى كلنا ليلى أظهرت خطاب نسوي مغاير تماما تشارك فيه المدونة المحجبة و الغير محجبة، المسيسة و الغير مسيسة، للحكي و البوح و المواجهة عن معنى أن تكون امرأة في مصر، و متستغربوش لما أقولكم أن الكلام مكانش فقط عن سلبيات.

و طبعا كانت الذروة لما المدونين كشفوا أحداث التحرش الجنسي الجماعي في وسط البلد في الأعياد، و في وجه كل من أنكر و حاول يؤد بناته ظهر تسجيلات فيديو تقدم أدلة قاطعة على صحة الكلام بل و تكرره.

Calypso Minor by Abdullah Ibrahim

my favorite Abdullah Ibrahim tune, don't know why it is so difficult to find online

about those bouncy bouncy checks

So here is what happened monday when I was detained for a few hours in Cairo airport.

The Short Version

nothing happened, someone made false criminal accusations about me, the case is in the court, I have good lawyers, we don't know details yet but highly unlikely it has anything to do with the regime and chances of me being convicted are very slim. nothing to see here except waste of tax payers money, valuable pro bono attorney time and 3 hours of my life.

that's all there is to it you don't need to read the long version.

The Very Long Version

we've been living and working in Pretoria, South Africa for a year now. back in February our passports where stolen. for incomprehensible bureaucratic reasons Egyptian embassies are no longer allowed to issue passports so we had to go back to Egypt just to get new passports.

Our friendly embassy gave us a temporary travel document, it is the same document they give to people being deported (illegal immigrants for instance). so we expected to have a rough time at Cairo airport. this is exacerbated by Egyptian security being paranoid about lost passports and treating it as a matter of national security.

so we had to spend 6 hours waiting at the airport for our papers to pass by several agencies and security checks by various police departments, among them the notorious state security responsible for handling political enemies of the state.

this is the "normal" procedure people who enter cairo airport without passports go through, being activists was not an issue, in fact we did not raise any flags at state security and we passed that step with boredom as the only threat.

the last step was a routine computer search for any outstanding arrest warrants or court orders and rulings against us. thanks to our new smart and connected e-government we have a central database for these things now, u go through that routine check if you are stopped by the police for any reason including passing a red traffic light. it is not unheard of for people to be surprised by cases against them that they knew nothing about yet appear to have being going on for years.

Manal passed this final check without raising any flags, but it turned out that in November 2009 I was sentenced in absentia for one year in prison in a case of cheque fraud. and so I was arrested.

some context before I explain what this is about.

a verdict is not really a verdict

News from Egyptian Rafah, by Ahdaf Soueif

Outside the general Hospital in Egyptian Rafah a city of tents has sprung up. I counted 200. But the soldiers there told me they have many more and can set them up immediately. They said the beds and furnishings for all the camps are ready. I was also told that other camps are being set up, in el-Arish and other locations. I was told these camps were being set up for "the Palestinian refugees." Where will they come from? From Gaza. When? When they open the border. Officers then arrived and insisted that we leave immediately. Any information we wanted we could get from the headquarters of the Second Army in Ismailia. A soldier added that some TV stations had been here already – but they were with the Army.

دفاعا عن المقاومة دفاعا عن الوحدة الوطنية

وصلتنىا رسالة د. منى مينا عضو اللجنة الشعبية لدعم الشعب الفلسطينى واحدى مؤسسى حركة أطباء بلا حقوق المنشورة أدناه..

دايما الواحد كان بيتضايق من الحاجات دي و يمتنع عن المشاركة في هتاف معين أو يحاول يشرح الفرق بين اليهودية و الصهيونية لكن عمره ما أداله حقه من المناقشة.. و إذا كان الواحد بيطنش علشان وحدة الصف الداخلي فلازم برضه نفكر في النا الي بتتضامن معانا من بره..


في كل المظاهرات التي حضرتها لنصرة المقاومة الفلسطينية الباسلة لإخواننا في غزة ، كان يتنازعني شعوران قويان ، أحدهما إحساس بالقوة والحماس لوجود هذه الآلاف التي تجمعت ، رغم جحافل الأمن المركزي ، التي تحاصر دائما المتظاهرين ، و أحيانا تضربهم و تعتدي عليهم ، و أحيانا تعتقل منهم العشرات ...

أما الإحساس الثاني فهو للأسف إحساس بالغربة و العزلة لسيادة كثير من الشعارات و الهتافات التي يطل من بين ثناياها دعوة واضحة لي أن أذهب لبيتي أكرم ، فليس لي مكان وسط المجتمعين لنصرة الشعب الفلسطيني ...تنطلق في المظاهرات هتافات مثل "يا صهيوني يا خسيس دم المسلم مش رخيص " يا ترى ما رأي صاحب هذا الشعار في دم المسيحيين الفلسطنيين ؟؟وتكتمل الصورة بشعار "خيبر خيبر يا يهود جيش محمد سوف يعود " إذن فالحرب حرب إسلامية ، جيشها من المجاهدين المسلمين ، وضحاياها المبكي عليهم من المسلمين ،ومناصروها من الحركات الإسلامية ، ولا حاجة للإلتفات لأخرين ، سواء كانوا قوى يسارية أو وطنية أو قومية مساندة للنضال الفلسطيني ، أو كانوا مسيحيين مصريين وطنيين تدفعهم هذه الممارسات و أشباهها دفعا لأن يهتموا فقط بأمورهم الخاصة ولأ ن تقتصر مظاهراتهم على الدفاع عن وفاء قسطنطين ، و غير ذلك من مشاكل الفتنة الطائفية .. ثم نلوم عليهم التقوقع و عدم الإشتراك في الحياة العامة .

كل هذا ذكرني بتصريح لجورج بوش أثناء غزو العراق منذ حوالي 5 سنوات عن " الحروب الصليبية المقدسة الجديدة التي تشنها أمريكا على العراق ".. أعتبرنا وقتها هذه التصريحات العنصرية الفجة إحدى الدلائل الكثيرة لمحدودية ذكاء رئيس أكبردولة في العالم ، لكن الأحداث التي تتالت بعد ذلك أوضحت لي أن وراء هذه التصريحات المؤسسات العنصرية الأذكى التي ترسم لبوش خطواته .. وفعلا أتت هذه التصريحات الفجة بنتائجها ،فتفجرالصراع بشكل ديني و تزايدت الصراعات الدينية والعرقيةو الطائفية في العراق، حتى أصبح السني يحارب الشيعي ، و الإثنان يحاربان الكردي ، و أصبح ضحايا القتال العراقي العراقي أكثر من ضحايا مقاومة العراقيين للمحتل الأمريكي .

نداء لمتطوعين للمساعدة في تجهيز قوافل غذائية لغزة

تقوم مجموعة من المصريين و الفلسطينيين المستقلين بنتظيم إرسال مساعدات أساسية لشعب غزة الصامد بشكل منظم و مستمر. و قد بدأت هذه المجموعة بالتنظيم بهدف إرسال 12 حافلة تتضمن سلال غذائية و بطانيات و حفاضات أطفال و طباخات كيروسين. المرحلة الأولى تتضمن إرسال أول دفعة من الحافلات يوم الإثنين الموافق 12 يناير/كانون الثاني.

ستقوم مجموعة المتطوعين بتقسيم المواد الغذائية و تحضيرها للتغليف و التحميل بدئاُ من يوم الأحد الساعة الثانية بعد الظهر و حتى يوم الإثنين مساءُ في 1 على مدار الساعة في شارع ترعة المنصورية، متفرع من شارع الهرم و ندعو كل من هو مهتم بالحضور و المساعدة في ذلك.

فلسطين و جنوب أفريقيا و الحل السلمي

ابن عبد العزيز انضم للناس اللي بتتناقش في حل الدولة الواحدة و بيسأل سؤال مهم، هل استثنى الفلسطينيين و العرب حلول و أطروحات و أساليب نضال و مقاومة و زنقوا نفسهم في خانة؟

المهم في السكة جاب سيرة جنوب أفريقيا كمثال لنزاع مشابه اتحل بدولة واحدة و من غير طرد المستعمر ، و جاب كمان سيرة الهند كدولة تحررت بالنضال السلمي و برضه و أنا شاركت بتعليق في شوية معلومات حسب فهمي لتاريخ البلدين.

التعليق كان طويل فحبيت أعيد نشره هنا. كعادة التعليقات مكتوب بحرص و تخطيط أقل من التدوينات


أولا كويس قوي أن الناس رجعت تتكلم عن حل الدولة الواحدة.

خليني أفكركم أن الخطة الأصلية لمنظمة التحرير الفلسطينية و فتح لما كانت يسارية الهوى كان دولة علمانية ديمقراطية واحدة على كل التراب الفلسطيني يكون الكل فيها مواطنين متساويين.

القانون الدولي و قرارات الأمم المتحدة هي اللي اقترحت حل الدولتين.

مهم طبعا نسأل نفسنا ايه الفرق و اشمعنى فلسطين. بس خليني أصحح شوية معلومات لأن الطريقة المعتادة اللي بيحكى بيها تاريخ الهند و جنوب أفريقيا بتختزل تفاصيل كثير.

الهند

اشمعنى غزة

كالعادة تصدمني قدرتنا على الجدل العبثي من زوايا عجيبة في قضايا أنا كنت شايفها واضحة تماما. و كالعادة ترعبني شوفينية دفينة في مجتمعنا ممزوجة باستعداد غير مفهوم لأننا نسمع خطاب دولة و نظام كلنا عارفين أنه شغال ضد مصالحنا و نكبة علينا.

مفيش كلام جديد يتقال في موضوع غزة و الصراع العربي الاسرائيلي، بس الحوارات العبثية اللي شغالة اليومين دول مستفزة جدا. و بالذات الكلام عن الحدود.

في مسألة حدود مصر

أنا مش فاهم أصلا تقديس حدود مصر دي كأنها حدود طبيعية أو كأن تحديدها أمر تم من ألاف السنين و مش محل نقاش دلوقتي، لكن مش مهم خلينا نتخطى النقطة دي فأغلبنا مش بس ميعرفش يعني سايكس بيكو لكن كمان عاجز عن تصور عالم بلا ظباط جوازات و حرس حدود.

هنتعامل على أن حدود مصر بتاعت المدرسة دي مسلم بيها و مقدسة كمان بس خلينا نشوف في الطبيعي الحدود بتكون عاملة ازاي. الطبيعي يعني نقى أي بلد عشوائي على الخريطة و شوف حدوده البرية مع جيرانه بتدار ازاي.

اللي أعرفه أن الحدود البرية في العادي بيبقى فيها مجال كبير جدا لانتقال الناس و البضائع، فيه حرس حدود و جمارك و آليات عادية جدا زي اللي موجودة في الموانئ و المطارات للتحكم في حركة الداخل و الخارج و قواعد شبه واحدة أيا كان أحنا على أي حدود و لا أي ميناء. و كمان في أغلب الأحيان الحدود البرية بتكون متسامحة أكثر من المطارات و الموانئ و الحركة عبرها أسهل (و أكثر في حالة غياب العوائق الطبيعية).

مش بس كده مشفتش ولا سمعت عن أي بلد الا و كان السكان حوالين حدودها في اختلاط ثقافي و عرقي و علاقات نسب و حسب و قبلية ما بين سكان حدود البلد المجاورة، و عادي جدا أن يكون عندك تجمعات سكنية على حدود بلدك نشاطها الاقتصادي مرتبط بأهل حدود البلد المجاور أكثر من ارتباطها بأهل قلب و عاصمة بلدك.

و في أحوال كثير نظرا لتاريخ أهل الناحيتين بيكون فيه استثناء في قواعد و قيود الحركة عبر الحدود لأهل البلاد المجاورة.

ده يا شباب الوضع الطبيعي للحدود، و هو متحقق في مصر فيما يخص حدودنا الغربية و الجنوبية، اللي الحركة عبرها سهل جدا و اللي سكان المناطق الحدودية فيها خليط ما بين مصر و ليبيا أو مصر و السودان.

اشمعنى حدودنا مع فلسطين؟ ليه فيه جدل شديد حوالين فتح المعابر؟ و ليه الفتح يقتصر على ادخال معونات و لا استقبال مرضى؟

ليه مش واخدين بالكم أن طالما الوضع على حدودنا الشرقية مش طبيعي يبقى فيه قرار سياسي بعدم التصرف بشكل طبيعي، و المفروض نفهم القرار السياسي ده متاخد على أساس ايه و لمصلحة مين.

خصوصا لما تبقى الحدود بينا و بين اسرائيل بتدار بشكل شبه طبيعي و فيها حرية حركة، يعني الاسرائيلي من حقه يدخل مصر من حدودها البرية من غير ما يكون عنده أزمة صحية.

الحدود في أوقات الحرب

مفيش فائدة

مفيش أمل بالمرة، مش عشان العدو مفتري و جبار ولا عشان المقاومة كتيانة و معندهاش رؤية و خطة أصلا، ولا عشان مفيش تضامن أو فيه تواطئ. و لا بسبب الخونة و لا الحنجوري و لا حتى بسبب الصراع الداخلي و غياب وحدة الصف.

كل دي تفاصيل بسيطة ياما شعوب عانت منها و عرفت تتحرر غصب عن الظروف اللي شبهها.

مفيش فائدة لأن في وسطينا كثير زي الفسل اللي كاتب الكلام ده:

الاخوان اللى انت بتشتمهم انهارده صايمين علشان ساعة الفطار يدعوا للناس فى غزة و برضه بيقيموا بالليل علشان يدعوا للناس فى عزة مش بيعدوا فى البرصة

الوثني ابن الوثني مقتنع أن الحل هو تمتمة التعاويذ و تقديم القرابين، و مؤمن أن ده ينفع يبقى طرح القوى السياسية الأكثر شعبية و تنظيما في المنطقة.

if only democracy ...

The School Board already dumped the African kids here and now they're bringing in the Arab kids without even telling us.

spoken like a true citizen of the only democracy in the middle east.

remember South Africa was also the only democracy in its region for a quite a while.

ثوار قدامى

سبتمبر 2006

سافرت جنوب أفريقيا للمشاركة في مؤتمر عن الاعلام و تجمع للمدونين الأفارقة، الرحلة جائت في وقتها تماما بالنسبة لي لأني كنت عايش حالة من اللخبطة الشديدة في الوقت ده.

كان فات شهرين على تجربة السجن و معموللي هيصة كبيرة و بقيت راجل مشهور و هاتك يا صحفيين و دعوات و عروض شغل و اهتمام مبالغ فيه و كان مفيد جدا لي في وسط ده كله أني أزور بلد أي انسان محترم في سن ال30 و طالع مر بتجربة سجن و تعذيب أطول و أصعب من أي حاجة أنا مريت بيها و بيتعاملوا مع ال45 يوم بتوعي على أنهم حاجة عادية خالص.

كانت حرب تموز في لبنان لسه خالصه لكن الجدل حولها في مصر لسه شغال, و في وسط الخناقات و المزايدات و السجالات و النقاشات كان مفيد أني أزور بلد كل حد تقريبا فيها كان متضامن مع المقاومة اللبنانية و عنده موقف غير ملتبس من اسرائيل (أصلهم مش ناسيين لاسرائيل تعاونها مع النظام العنصري و لا قادرين يبلعوا استمرار الصهيونية لتشابهها مع الأبارتهايد) لدرجة أن شبكة تلفزيون اخبارية جديدة كانت عاملة الدعاية بتاعتها في الشوارع في صورة اعلانات عن انحيازهم للحقيقة في تغطية حرب لبنان مساويين ما بين الانحياز للحقيقة و ادانة اسرائيل. و كان مفيد أني أسمع ناس بتتكلم عن ثمن المقاومة المسلحة من خبرة حقيقية و من غير ما يكون الفرضية الأساسية بتاعتهم هو حتمية الهزيمة.

لكن أهم خبرة في السفرية دي كانت التعرف على مجموعة متنوعة من المناضلين و الثوار القدامي اللي عاشوا انتصار حقيقي، و كان مفيد أني أعرف أن جزء من خبراتهم حاجات شبه اللي كنا بنعملها في مصر، فقابلت ناس كانوا من قادة الجبهة الديمقراطية المتحدة اللي بدأت حاجة شبه كفاية جدا، و ناس ناشطة في صحافة شعبية من قبل ما يخترعوا الانترنت و عندهم جريدة أهلية ملهاش طقم تحرير معين و و كل كتابها و مراسليها متطوعين و مع ذلك اصدارهم الأسبوعي بيوزع نصف مليون نسخة، و محامين حقوق انسان يحكوللي عن الدور اللي لعبه القضاء في تفكيك النظام العنصري، الخ. و اللي أثر في أكثر أن شوية من ثوار الأمس دول كنت حاسبهم من ضمن رفاق اليوم و السفرية دي كانت فرصة أني أعمق علاقتي الانسانية بيهم مش بس أعرف أجزاء من تاريخهم.

المحارب الأيرلندي

ثاني يوم من المؤتمر، مكانش أي حد من أصدقائي و معارفي لسه وصل و جو المؤتمر الرسمي حبتين و المليان صحافيين مفيش مشترك كبير يجمعني بيهم مخليني تايه. وقع بختي يوميها على مائدة عشاء فيها مدير في بنك باركليز/أبسا يكاد يكون كاريكاتير للرأسمالي الاستعماري، واحد أمريكاني أنا مقتنع تماما أنه كان سي أي ايه (أو مشتاق يكون سي أي ايه) و واحدة أمريكانية ثانية مصرة تحكيلنا بحماس شديد عن ازاي الأتاتوركيين في تركيا بيستخدموا المدونات في الدفاع عن العلمانية و الديمقراطية ضد الاسلاميين الوحشين. و في وسط الترابيزة اللي مايعلم بيها اللي ربنا دي راجل أيرلندي طويل في أواخر الثلاثين بيشتغل مدير نظم في جمعية أهلية و شغله كله على نظم جنو/لينوكس، فطبعا شبطنا في بعض و بدأنا حوار تقني جدا عن البرمجيات الحرة و بصوت عالي جدا لحد ما طفشنا باقي الترابيزة. و بس بقى على عدد كبير من قزايز البيرة حكى لي عن تاريخه.

في سن 15 سنة انضم سايمون للجيش الجمهوري الأيرلندي و بدأ تدريبه و اعداده للنضال المسلح، لصغر سنه مشاركش في عمليات و فضلوا محويشينه لكن على ما تم 18 كان بدأ يبقى عنده مشاكل مع أيديولوجية الجيش الجمهوري و شكوك في أسلوبهم في النضال و طلب الاستقالة.

القادة بتوعه تفهموا بس كان فيه مشكلة، ده فدائي مدرب و كان جزء من خلية سرية، يعني مطلوب من الانجليز و عنده معلومات تخليه خطر على خليته و قيادته، فخيروه ما بين الاستمرار معاهم أو الهجرة خارج أيرلندا، في المعتاد في المواقف المشابهة كانوا بيهربوا المناضل على أمريكا و يبدأ حياة جديدة هناك، بس سيمون ميعرفش أي حاجة غير النضال المسلح هيروح أمريكا يعمل ايه؟ قرر أنه يبحث عن قضية ثانية محتاجاه و راح مهاجر على بتسوانا، و في ظرف شهور انضم لخلية بتحارب الأبارتهايد في جنوب أفريقيا و معسكرها السري عبر الحدود في بتسوانا.

في الثمانينات كانت العنف في جنوب أفريقيا وصل لذروته و قوات الأمن و الجيش بدأت تعمل عمليات عبر الحدود، ده غير أن النضال الغير مسلح كان شعبيته و انتصاراته بتزيد. شك سيمون و رفاقه أن شرطة جنوب أفريقيا عرفت تفاصيل عن الخلية و أنهم مهددين و قرروا وقف النضال المسلح، و انتقلوا من بتسوانا لجنوب أفريقيا و قعدوا مستخبيين فترة طويلة.

موسم الهجرة الي الجنوب

فاضللي أسبوع واحد بس في البلد و بعد كده هنشد الرحال على جنوب أفريقيا. مش عارف لسه أستوعب الموضوع و بتصرف كأني فاضللي شهور.

من يومي و أنا واخد على السفر و السنة اللي تعدي علي مسافرش تلاقيني بقيت ملول و مش على بعضي. بس السفر كام يوم حاجة و الانتقال لمدة طويلة حاجة ثانية.

زمان أيام الصحوبية لما كنا صغيريين و عبط مكانش عندنا احساس بأن الواحد له مطرح و أن له علاقة خاصة بمطرحه ده (اللي هي بيجعلصوها و يسموها انتماء)، كان بالنسبة لنا نعيش فين ده قرار الواحد بياخده و ينفذه حسب امكانياته زي قرار ندخل كلية ايه و نشتغل ايه، و كل ما نزور أو نسمع عن بلد نتخيل نفسنا عايشين فيها و بنينا خطط كثييير عن الحياة في بلاد كثييير بما فيهم مصر طبعا لكن احساسنا بكل بلد كان محايد جدا.

على ما اتجوزنا و استقلينا و كبرنا (خدي بالك أنهم حصلوا بالترتيب ده عكس المعتاد)، كانت ابتدت الصورة الرومانسية عن العالم كرقعة مفتوحة لينا تتغير، الأخ بن لادن شقلب الدنيا و أحنا وعينا ابتدى ياخد باله من ملايين المهاجرين و البهدلة اللي بيمر بيها أغلبهم و ناخد بالنا من العنصرية و ابتدينا نشك أن فيه فعلا حاجة اسمها هوية و انتماء و ثقافة محلية بعيدا عن الخطابات القومية المفتعلة.

بس دي كانت عملية تدريجية اللي كان واضح لينا بشدة هو أن السفر مش سهل زي ما أحنا متخيلين، و أننا عندنا مستقبل و حياة كريمة في مصر و بالتالي مفيش داعي للبهدلة.

كايبتاون من فوق رأس الرجاء الصالح

كلنا ليلى : أمي الخواجاية

ماما منبهرة جدا بالمدونات من زمان، خاصة أنها بتكتب مقالات و شعر ساعات بتنشره لكن أغلبية الأوقات بيفضل في الدرج (اللي هو دلوقتي واحد من الفولدرات على الكمبيوتر)، حاولت أقنعها أكتر من مرة يبقى عندها مدونة لكن فشلت مع أن النية موجودة.

ماما برده منبهرة بكلنا ليلى و بكتابات المدونات (بكسر الواو) من زمان و السنة دي قررت تشارك بقية الليلات من على سطوح مدونتنا.

Kolona Laila 3 Logo

الخواجاية

أنا ليلى من المحظوظات اللاتى عشن فترات كانت البنات فيها يدرسن فى الجامعة مع الأولاد ويناضلن معهم فى الحركة الطلابية ولا يتحدث أحد عن لبسهن بل يتحد الجميع عن شجاعتهن وجرأتهن، كان هناك صداقة ورفقة وبالطبع كنا نحب أيضا .. كنا مشغولات بالهم العام .. ولم نكن مشغولات يوميًا بالتفكير فى ماذا سوف نلبس حتى لا تلقى علينا الشتائم فى الشوارع والمواصلات العامة، فترة لم تكن فيها فتاوى عن "اللحمة العريانة" و"زنا النساء إن تطيبن بالعطر"، أو خرجن إلى العمل "دون ضرورة اقتصادية". لم يكن الأمر واحة المساواة .. لكنه الآن يبدوا عالمًا يوتوبياً مقارنة بما نعيشه اليوم

دعوة للمشاركة: معسكر أساليب التعبئة بالمعلومات للنشطاء (info activism)

تنظم tactical tech بالتعاون مع نخبة من النشطاء و الباحثين معسكر تدريبي بعنوان info activism في الفترة من 19 الى 25 فبراير 2009 بالهند.

المعسكر فرصة للتعرف على أفضل وسائل جمع و تطويع المعلومات للتعبئة و الدعوة الى القضايا الحقوقية و الاستفادة من تكنولوجيا الاتصالات و المعلومات في تنظيم الحملات. يشارك بالمعسكر 120 ناشط و باحث و خبير معلوماتي من جميع أنحاء العالم سيتم اختيارهم من ضمن مئات المتقدمين.

المعسكر محاولة لبلورة منهج جديد في استخدام المعلومات للتعبئة عن طريق أنشطة غير منهجية و تشارك في الخبرات في جو ممتع، لا مجال في المعسكر للمحاضرات و أساليب التدريب التقليدية.

ندعوا النشطاء و الحقوقيين المصريين و العرب التقديم للمشاركة ، آخر فرصة للتقديم 1 نوفمبر.

بقسماط بالينسون

ياااااااه كان بقالي كتير آوي مأكلتش بقسماط بالينسون .. و أول مقطمت قطمة افتكرتها.

من المذهل جدا ارتباط طعم معين أو ريحة معينة بشخص ما.

لما فكرت في الموضوع شوية لاقيت أن البقسماط بالينسون مكنش أكتر حاجة بتميز جدتي. كذا مرة كنت عايزة أكتب عنها و عمر ماجيه في بالي تفصيلة البقسماط بالينسون أو فكرت اديها أي اهتمام .. لكن الظاهر أن عمري مأكلت بقسماط بالينسون غير معاها أو على الأقل من إيديها و علشان كده كانت هي الذكرى الوحيدة اللي استحضرها طعمه.

أجازة مجانية أسبوعين بالاسماعيلية بشرط تكون بتعرف جنو لينوكس

أنا شغال في مشروع ظريف اسمه معسكرات التعبير الرقمي العربية

و محتاج متطوع للمساعدة في ادارة معامل الكمبيوتر بالمعسكر، مطلوب خبرة بسيطة باللينوكس و الشبكات و حماس للعمل مع الشباب الصغير/العيال

صحيح أحنا غلابة و مش هنقدر ندفع فلوس لكن فكروا في الموضوع كأنه أجازة مدفوعة لمدة أسبوعين. في موقع كويس

اللي يحب يتطوع يا ريت تتصلوا بيا على [email protected]

حال الدنيا

you know something is right with the world when you watch football with a group spanning ten different nationalities yet everyone roots for turkey.

and you know something is fundamentally wrong with this world when Germany wins anyway :-(

remember Nigeria Vs. Italy 1994? remember how we almost believed.

من خلاصة حكمتنا - ورقة تكنولوجيا من أجل التغيير

في السنوات اللي فاتت أتيحت لنا الفرصة أكثر من المرة أننا نشارك في ندوات و مؤتمرات و ورش عمل و نتكلم فيها عن الصحافة الشعبية و التدوين و غيرها من المواضيع المرتبطة بتأثيرات تكنولوجيا الاتصلات و المعلومات الاجتماعية و السياسية.

للأسف عادتي أني مبحضرش كويس في المناسبات اللي زي دي و بالتالي الأفكار اللي بقولها و الأفكار اللي بطلع بيها من الحوارات في الفعاليات دي في الغالب بتفضل غير موثقة، مؤخرا الشبكة العربية لمعلومات حقوق الانسان دعتنا لورشة بعنوان "آليات الدعم المتبادل بين الانترنت و حقوق الانسان" و كان المطلوب مننا الكلام عن خبرتنا الشخصية في استخدام المدونة في النشاط الحقوقي، بس احنا قلنا نستغل الفرصة دي ما دام هنقعد نكتب ورقة و نبدأ مشروع توثيق الأفكار اللي عمالين نقولها يمين و شمال من غير ما تتكتب دي. و بدل ما نقصر الورقة على خبرتنا الشخصية و المدونات حاولنا نوثق لخبرات مختلفة (أغلبها من مصر) و لاستخدام أدوات متنوعة مش بس المدونات و حاولنا يكون التركيز فيها على استخدام التكنولوجيا كأدوات و وسيط للتنظيم عموما.

الورقة بعنوان تكنولوجيا من أجل التغيير و و نصها الكامل هنا، و كمان مرفق نسخة PDF.

المسألة مش مسألة أعداد

بشكل مختصر للي ميعرفش القصة مستشفى المطرية حصل فيه في الفترة السابقة اكثر من مرة أن تنقطع الكهرباء و نظام مولدات الكهرباء اللي المفروض يشغل الأجهزة بتاعت الطوارئ و الحالات الحرجة ميشتغلش و واضح أن ده موضوع ادارة المستشفى عارفاه و ضاربة الطناش. المهم الأسبوع اللي فات حصل نفس الشيئ لكن المرة دي الانقطاع دام حوالي ساعتين و برضه المولدات البديلة مشتغلتش و حصل مشاكل كثير من ضمنها وفاة طفلين بسبب انقطاع الكهرباء عن الحضانة.

واحد من الأطباء اللي كانوا موجودين صور فيديو بالموبايل لمحاولات انقاذ طفل لحد وفاته و يفهم من حوار الدكاترة و الممرضة أن ده وضع متكرر و أن الادارة عارفة.

الموقف الرسمي للمستشفى و وزارة الصحة فيما يبدو أن حالات الوفاة ملهاش علاقة بانقطاع الكهرباء و شركة الكهرباء بتقولك أصلا الكهرباء مقطعتش (و الأعمار بيد الله زي ما أنتم عارفين يعني عذرائيل هو الغلطان أنه مش مقدر ظروفنا)

تقدروا تشوفوا الفيديوهات بنفسكم على حساب دكتور عكروت على يوتيوب و طبعا الموضوع مسمع في الصحافة (المصري اليوم بتتصرف كأنها صاحبة السبق) و التلفزيونات (بيقولوا العاشرة مساءا عملت تغطية جيدة) و المدونات طبعا

اسمحولي بقى أهرب من المصيبة السودة اللي اسمها الرعاية الصحية في مصر و أنظر شوية عن الصحافة الشعبية.

و أحنا بنحاول نقيم دور المدونات و الصحافة الشعبية و آليات النشر الجماعي على الوب و تأثيرها الاجتماعي دائما النقاش بيوصل لنقطة عدد القراء و عدد المدونات و انتشارهم و هل هي ظاهرة محدودة في طبقة بعينها أو جيل محدد الخ.

تغيير موقع الشبكة العربية لحقوق الانسان

تم تغيير موقع الشبكة العربية لحقوق الانسان من Hrinfo dot net إلى اسم نطاق جديد و هو:

http://www.anhri.net

ياريت يا جماعة الناس تصصح الروابط الموجودة عندها و تربط للاسم الجديد.

Arab Human Rights Information Network has changed its domain name to:

http://www.anhri.net

please update your links and use the new url.

مسعد أبو فجر يضرب عن الطعام بمعتقل برج العرب

بدأ مسعد أبو فجر في إضراب عن الطعام من تلات أيام بسبب اللي بيتعرضله هو و عيلته و إدارة السجن مبلغتش النيابة لحد دلوقتي!!!

مسعد محتجز بدون وجه حق بالرغم من صدور قرارات كتير بإخلاء سبيله من القضايا اللى متهمينه فيها، و مصنفينه معتقل جنائي و حبسينه مع الجنائيين، ده غير أنهم كمان قبضوا على أخوه و حبسينه في سجن الترحيلات بقاله أكثر من عشرة أيام مع أنه صدر قرار بإخلاء سبيله هو كمان .. لكن هو فيه حد بيحاسبهم ؟!

و مازال مسعد أبو فجر سجينا

بالرغم من صدور أكثر من قرار لإخلاء سبيله لكن مازال مسعد أبو فجر سجينا بلا أي تهمة أو سند قانوني، و مازالت ابنته الصغيرة في انتظار عودته...

 Mosaad's daughter asking about him

مسعد أبو فجر معتقل في سجن برج العرب من يوم 24 فبراير (يعني حوالي شهرين)، غير الشهرين اللي قضاهم محبوس على زمة التحقيق من ساعة القبض عليه في 26 ديسمبر 2007.

مبارك مات

لن نترك المحلة تواجه القمع وحدها - زيارة إلى المحلة لفك الحصار

Organizers: 
مصريين
Location: 
عند مدخل طريق طنطا المحلة

إخواننا في المحلة الكبرى يواجهون منذ يومين أكبر حملة قمع وترويع، لقد نزل أهالي المحلة لوسط المدينة ليتظاهروا سلمياً ضد الفساد والغلاء فواجهتهم قوات الأمن بالعنف، بالقنابل المسيلة للدموع والأسلحة النارية، ونتج عن هذا القمع الأمنى المنفلت عشرات الجرحى، وعلى الأقل حالة وفاة مؤكدة وموثقة لطفل، ثم تم القبض على المئات من أهالى المحلة وبدأ توزيع التهم عليهم بشكل عشوائى، وتحاول أجهزة الأمن عزل المحلة ومحاصرتها حصاراً مادياً ونفسياً، فهل نترك المحلة الكبرى تواجه القمع والترويع وحدها؟

إننا ندعو كل المصريين الشرفاء لمؤازرة إخوانهم في المحلة،
بارسال تلغرافات العزاء الى أسرة الطفل أحمد على محمد حماد (منشية الجمهورية/المستعمرة/مدينة العمال/ البوابة الأولى)،
بارسال خطابات الاحتجاج الى الصحف،
بارسال خطابات الاحتجاج الى المسئولين،
بالتطوع للدفاع عن المتهمين وحضور التحقيقات اذا كنت محاميا،
بدفع نقابتك لتنظيم القوافل الطبية اذا كنت طبيبا،
وغير ذلك كثير مما يمكن أن نبدعه من أشكال التضامن.

يمكن أيضا للقادرين أن يتوجهوا فى مجموعات بسيارتهم الخاصة لزيارة المحلة لفك الحصار الأمني والمعنوي عنها، وسوف تقوم مجموعة أعضاء هيئة التدريس والأطباء والصحفيين والفنانين، بزيارة المحلة صباح يوم الجمعة 11 أبريل ونحن نرحب بأن ينضم الينا من يرغب.

وليكن لقاءنا عند مدخل طريق طنطا المحلة فى الساعة الحادية عشرة من صباح الجمعة 11 ابريل.

يسقط يسقط حسني مبارك

مجموعة تسجيلات فيديو من المحلة

سقوط الصنم على رأي وائل عباس

يسقط مبارك و كلاب مبارك

بعد اعتقال جورج اسحاق من بيته بقى واضح أن الحكومة ناوية نية وحشة لكل اللي وجع دماغها السنتين اللي فاتوا و بالأخص أهل المحلة طبعا،

تابعوا الأخبار أول بأول من على موقع مركز هشام مبارك للقانون و مدونة اضراب 6 أبريل

الاضراب عن العمل حق مشروع للمواطنين

من مركز هشام مبارك

الاضراب عن العمل حق مشروع للمواطنين

التجمهر السلمى الذى لا يهدد السلم العام ولا يستهدف غرض غير مشروع لا عقاب عليه ولا يلزمه ترخيص من البوليس

التظاهر السلمى الغير عنيف والغير سياسى لا عقاب عليه ولا يلزمه ترخيص من البوليس

اشكال التجمهر المباحة والتى لا يشترط حصول اذن مسبق بها:

هى كل اشكال التجمهر التى لا تتفق مع اشكال التجمهر المجرمة وهى نوعين:

بيكم كلنا هنتابع أخبار الإضراب لحظة بلحظة

شارك في تغطية أحداث إضراب 6 أبريل من كل حتة في مصر.

للنشر الفوري على مدونة http://6april08.blogspot.com اتصل على الخطوط الساخنة:

0119423496

0118361000

أو ابعت الصور اللي خدتها و اكتب الحاجات اللي شوفتها علي:

[email protected]

جبهة دفاع عن متظاهرى 6 ابريل 2008 - قائمة بالخطوط الساخنة

أعلن مركز هشام مبارك للقانون - رابطة الهلالي للحريات بنقابة المحامين- جماعة المحامين الديمقراطيين- مؤسسة الهلالي للحريات- مؤسسة حرية الفكر والتعبير- الجمعية المصرية للنهوض بالمشاركة المجتمعية- لجنة محامين المحلة عن تشكيل جبهة قانونية للدفاع عن المتظاهرين حال القبض عليهم.

انضم لها حتى الآن 120 محام من المحلة الكبرى وحدها، و تدعوا محامين الحريات في مصر إلى الانضمام لهذه الجبهة بداية من يوم السبت 5/4/2008 بمقر مركز هشام مبارك للقانون الكائن 1 ش سوق التوفيقية، كما تناشد كل المواطنين الاتصال بالجبهة في حالة القبض عليهم أو على أصدقائهم أو معارفهم حتى يمكن اتخاذ الإجراءات القانونية لهم.

في حالة الإبلاغ عن القبض على مواطنين يمكن الاتصال بالتليفونات التالية:

  • أي حالة قبض على مستوى الجمهورية يمكن الاتصال بغرفة العمليات المركزية 0225758908 -0121519598
  • الاتصال المباشر بمسئول الجبهة بالمحافظة
  1. أسيوط - سوهاج - قنا - أسوان
    الأستاذ/ جمال عبد المحسن0127786150 - 0972308306
  2. مدينة المحلة الكبرى
    الأستاذ/ فرج عزيزة 0122864515
  3. البحيرة والإسكندرية
    الأستاذ/ محمد عبد العزيز 0122460834
  4. الشرقية ومدن القناة
    الأستاذ/ محمد اللق 0126182618
  5. باقي الجمهورية
    1. الأستاذ/ عبد المحسن شاشة 0125443395
    2. الأستاذ/ سيد فتحي السيد 0122308443
    3. الأستاذ/ احمد فوزي 0123618014
    4. الأستاذ/ عماد مبارك 0126532303
    5. الأستاذ/ جمال عبد العزيز 0101936884
    6. الأستاذ/ أحمد حسن 0112806542
    7. الأستاذ/ محمد عبد العظيم 0126273775
    8. الأستاذ/ احمد راغب 0120624003
    9. الأستاذ/ أسامة خليل 0105484470
    10. الأستاذ/ حسام حداد 010135690
    11. الأستاذ/ أحمد عزت 0103978913

في حالة الرغبة للانضمام للجبهة القانونية ، يمكن الاتصال بمقر مركز هشام مبارك للقانون أو على التليفونات التالية: 0225758908- 0121519598

إضراب عام .. السادس من ابريل

Location: 
في كل مكان
Organizers: 
كافه القوي الوطنية في مصر

اتفقت كافه القوي الوطنية في مصر علي أن يكون
يوم 6 إبريل
يوم إضراب عام في مصر
يوم 6 إبريل خليك قاعد في البيت أو شاركنا فى الميادين العامة
أوعي تنـــــــــزل لكن شاركنا

ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر

عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا

Pages

Subscribe to Manal and Alaa's bit bucket RSS